Abhaebheeso 2:4 - Eriiraghano Eriihë

⁴ Amare Eryobha ndeenyi ne ebheghongi no obhosiighi bhooche m‑bhokoro,

Abhaebheeso 2:4 Referans Kwoze

1 Bheetero 1:3

Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.

Abhaebheeso 1:7

Eryobha ndetotingwiri gho nchëra e masaahë gha Yesu Kirisito, niko kobhugha ndetwabhiire amasari ghiito ghoose, kurëngʼaana no obhwaru bho ghareeya yaache.

Abharuumi 5:8

Amare Eryobha ndetwërëkiri kubha ndetosiighiri chwee, gho komoruusi Kirisito aku gho ghiri yiito, hano itu toore tokeere abhaköri bha masari.

Abhaebheeso 2:7

Hangʼu nibhu akwënda kwërëkani kwo bhaato bha riibhagha rino rekuucha, obhwaru bho ghareeya yaache ino etaanyi ne ekirëngërë, ino retoheere kwo bhuchömu gho ghughöötana kwito na Kirisito Yesu.

Abharuumi 10:12

Amangʼana ghayo ngakwërëki kubha bhotaanyi‑ho obhwahukani ghate e Abhayahuuti hamu abhaato bha matöngö. Naanyi‑ho Omutëmi umu hangʼu kwo bhaato bhoose. Iwe m‑muhaani chwee kwo bhaato bhoose bhano bhakomusabha.

1 Timotewo 1:14

Mahëënë Omutëmi wiito Kirisito Yesu ꞉naansakiiri aghareeya yaache kwo bhwaru, gho kuuha obhokumi no obhosiighi gho ghughöötana nawe.

2 Timotewo 1:9

Iryo ꞉ndeetotooriri, reghatobherekera tubhe abhaana bhaache abhatööbhiyu. Retaaköriri hangʼu gho ghiri e maköri ghiito, amare ꞉ndiiköriri gho ghiri e miigha ghaache na aghareeya yaache. ꞉Ndeetoheere aghareeya iyo gho nchëra e Kirisito Yesu, koru ase ino ekeere ghutëëmu.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Abharuumi 9:23

꞉Ndiiköriri hangʼu, kubha ribhönë kwërëki obhokumi bhooche obhokoro gho ghiri e bhaato bhano ꞉riisëëmiri bhasongʼaane changori cheeche. ꞉Ndiisëëmiri korwera kare kobharëëta ghokooche bhabhe nawe mo‑bhokumi bhooche obhokoro.

Abharuumi 2:4

Eryobha n‑ihöriicho chwee, ndeghokorigheri ebheghongi bhyaru, na ndeghoghoghumereri chwee. Amare iye ibheere, nokwënda ghutaraaha ghayo ghoose? Tweche kubha ndeghokwërëki obhuhöriicho bhooche, kubha otore ghotuukuunera amasari ghaacho?

2 Abhatesaronike 2:13

Mbe, itu ntokwëndëru koriitabheri Eryobha eriibhagha ryose gho ghiri yaanyu bhahiiri bhiito, inyu bhano mosiighiru no Omutëmi Yesu. Ntokwëndëru ghuköra hangʼu, gho kubha, nabhaahwire inyu korwera simoka, kubha mubhönë obhotoori. Obhotoori bhuyo mobhobhwine gho nchëra e Körö Ahörëëru ino ekobhamusa, na gho ghokumi obhuhëënë.

Ruuka 1:78

Eryobha riito, ndetoghweriire ebheghongi chwee. Obhotoori bhooche koru Mwishaaro, mboghotorwera ke mirëngaari,