Abhaebheeso 1:7 - Eriiraghano Eriihë

⁷ Eryobha ndetotingwiri gho nchëra e masaahë gha Yesu Kirisito, niko kobhugha ndetwabhiire amasari ghiito ghoose, kurëngʼaana no obhwaru bho ghareeya yaache.

Abhaebheeso 1:7 Referans Kwoze

1 Bheetero 2:24

Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

Abharuumi 3:24

Amare gho ghareeya e Ryobha, ꞉mbiishereriiru kubha abhaato bhano bhaanyi abhahëënë ambërë yaache, taanyi gho koreha ghyokyose. ꞉Mbaatingoriibhu koru mo‑masari ghaabho kohetera Kirisito Yesu.

Abhakorosaayi 1:14

Gho kohetera Omoona waache ntobhwine ghotingoribhu, niko kobhugha amasari ghiito ngaabhiiru.

Abheebhuraaniya 9:22

Kurëngʼaana ne emeghiro ghe Musa, amasaahë nigho ꞉ghaare gharamusa nanga kira egheghiro. Aribha amasaahë ghatiitekiri, Eryobha retaakobhaabhëra abhaato amasari ghaabho.

Mataayo 26:28

Adivaayi iyo, nigho amasaahë ghaane gha riiraghano. Amasaahë ghaane ngaghwitëka gho ghiri e bhaato bhaaru, kubha Eryobha rebhaabhërë amasari ghaabho.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.

1 Yohana 2:12

Nabhaandëkiire abhaana bhaane abhasiighani, gho kubha amasari ghaanyu ngaabhiiru gho kohetera Yesu Kirisito.

Abhabhiribhi 4:19

Mbe, Eryobha reene, ndekobhaha amënda ghaanyu ghoose kurëngʼaana no obhwame bhooche obhokoro. Ndeghuköra hangʼu gho nchëra e Kirisito Yesu.

Abhaebheeso 2:7

Hangʼu nibhu akwënda kwërëkani kwo bhaato bha riibhagha rino rekuucha, obhwaru bho ghareeya yaache ino etaanyi ne ekirëngërë, ino retoheere kwo bhuchömu gho ghughöötana kwito na Kirisito Yesu.

1 Abhakorinto 1:30

Eryobha niryo rekobhaghöötani inyu na Kirisito Yesu. Iryo ndiköriri Kirisito abhe amangʼiini ghiito. Niko kobhugha kubha gho nchëra e Yesu ntobheere bha hëënë ambërë e Ryobha, na ntobheere abhatööbhiyu, wiiki ntoghotingoribhu.

Abhaebheeso 3:16

Nekorisabha, kurëngʼaana no obhwaru bho bhokumi bhooche obhokoro, gho nchëra e Körö yaache, rebhahë changuru motore ghuköngʼëri mo‑metema gheenyu,

2 Abhakorinto 8:9

Ghokera ghayo, mweche kinya bhuno Omutëmi wiito Yesu Kirisito abhaheere aghareeya yaache. Nangabha are omwame, aghiiköri kubha muhabhe gho ghiri yaanyu, kubha gho nchëra e bhuhabhe bhooche, inyu mubhe abhaame.

Abharuumi 2:4

Eryobha n‑ihöriicho chwee, ndeghokorigheri ebheghongi bhyaru, na ndeghoghoghumereri chwee. Amare iye ibheere, nokwënda ghutaraaha ghayo ghoose? Tweche kubha ndeghokwërëki obhuhöriicho bhooche, kubha otore ghotuukuunera amasari ghaacho?

1 Yohana 2:2

Iwe niwe amaruusi gha ghosinchu na gho nchëra iyo, naruusiri amasari ghiito na ghotutëmëërani ne Eryobha. Wiiki ghataanyi amasari ghiito agheene, amare na amasari gha bhaato bhoose bha mo‑se ino.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Amaköri gha Bhatomu 2:38

Bheetero akabhabhoorera akabhugha, “Omooto woose atuukuunere amasari ghaache, na abhatiisu kwo riina re Yesu Kirisito, kubha amwabhërë na kuhaabhu Akörö Ahörëëru.

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

1 Yohana 4:10

Bhuno nibho obhosiighi, taanyi kubha niitu ꞉tooresiighiri Eryobha, amare iryo niryo ꞉reetosiighiri itu. Nikyo ꞉reemotomiri Omoona waache, abhe amaruusi gha ghosinchu kubha aruusi amasari ghiito na ghotutëmëërani ne Eryobha.

Amaköri gha Bhatomu 20:28

Akörö Ahörëëru nebhatooriri mubhe abhiimeerereri bha bhaato bhaache. Gho ghayo, mubhe moriichonga inyu bheene, mubhe morachonga ne eriikanisa reeche, gho kubha eriikanisa riyo, Eryobha ndereghoriri kwo masaahë gha Moona waache kobhatoori.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Amaköri gha Bhatomu 10:43

Yesu uyo, abharööti bhoose ꞉mbaasiikiire ighoro yaache kubha, omooto wowoose uno akomokumi nakwabhëru amasari ghaache kwo riina reeche.”

Yohana 20:23

Mbe, morabhaabhëra abhaato amasari ghaabho, mbaabhiiru ne Eryobha. Aribha motabhaabhiire, bhataabhiiru ne Eryobha.”

Maariko 14:24

Akabhabhoorera akabhugha, “Ghano n‑amasaahë ghaane gha riiraghano, ghano ghaghwitëka gho ghiri e bhaato bhaaru.

Tiito 3:6

Eryobha ndetwiteriire kwo bhwaru Akörö Ahörëëru koheta ekirëngërë, gho nchëra e Yesu Kirisito Omotoori wiito.

1 Timotewo 2:6

Iwe ꞉naaruusiri eriimanya reeche omwene, kubha abhatingori abhaato bhoose. Bhuno nibho obhwibhateri bhuno Kirisito atoheere kwo riibhagha rino Eryobha retooriri.

Abhakorosaayi 2:13

Inyu moore mokuure mo‑chaakörö gho ghiri e masari ghaanyu, wiiki motasaaruru atëëmö yaanyu e masari. Amare Eryobha ndebhaheere obhuhöru haghirohamu na Kirisito. Wiiki ndetwabhiire amasari ghiito ghoose.

Abhakorosaayi 2:2

Kino nekwënda n‑kubha, motooru omukörö na ghutëmëëranibhu mo‑bhosiighi. Nekwënda mubhönë obhumënyi bhoose bhuno bhokobhaha obhuhëënë. Hayo mokumënya ekebhisere ke Ryobha, nikyo Kirisito omwene.

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

Abhaebheeso 2:4

Amare Eryobha ndeenyi ne ebheghongi no obhosiighi bhooche m‑bhokoro,

Abharuumi 9:23

꞉Ndiiköriri hangʼu, kubha ribhönë kwërëki obhokumi bhooche obhokoro gho ghiri e bhaato bhano ꞉riisëëmiri bhasongʼaane changori cheeche. ꞉Ndiisëëmiri korwera kare kobharëëta ghokooche bhabhe nawe mo‑bhokumi bhooche obhokoro.

Amaköri gha Bhatomu 3:19

Ibheere, motuukuune amasari ghaanyu, na moriigharurere Eryobha, rebhaabhërë. Ghaache amabhagha gha koweera gho kubha‑ho Omutëmi,

Ruuka 24:47

Na abhaato bha matöngö ghoose, korwera Yerusareemu, mbakuraghaneru kwo riina reeche kubha, mbakwëndëru bhatuukuunere amasari ghaabho, bhaabhëru.

Ruuka 1:77

Nakobhabhoorera abhaato bhaache, bhuure bhaghotooribhu, gho nchëra e kwabhëru amasari ghaabho.

Obhohunyurëru 14:4

Abhaato bhayo mbahaamutambana Omoona o Ngʼöndu hohoose hano aghuye. Bhatighonchiri no obhoghonchu na abhakari, gho kubha mbaare bhataamara bhataara na abhakari. ꞉Mbaatingwiru koru ghate e bhaato abhande, bhaakabha a bhambërë koruusibhu amaruusi kwo Ryobha na kwo Omoona o Ngʼöndu.

Abhaebheeso 1:6

Gho ghayo, toreghongi Eryobha gho ghareeya yaache ino retoheere kwo bhwaru gho kohetera Omoona waache omosiighani.

Mataayo 6:12

Otwabhërë chasiire chiito, kinya na niitu bhoose tohaabhaabhëra abhasiire bhiito.

Abharuumi 3:25

Eryobha ndemuköriri Yesu abhe amaruusi gha ghutëmëërani abhaato ne Eryobha, kubha bhaabhëru amasari ghaabho, gho ghokumi kubha Yesu ꞉naakuure gho ghiri yaabho. Eryobha ꞉ndiiköriri hangʼu, kubha ryërëki kubha iryo n‑ihëënë, ndekurööna bhano bhaanyi na amasari. Mööhi, iryo retabharööniri kwo masari ghaabho ghano ꞉bhaaköriri eriibhagha re hayo ekeenyuma.

Abhaebheeso 1:8

Eryobha ndetoheere aghareeya kwo bhwaru, na amangʼiini ghoose no obhumënyi bhoose.

Abhaebheeso 1:14

Akörö iyo niyo ekimanyenkereri kiito ghe kubhöna ghoose ghaare Eryobha ꞉reeturaghiire itu abhaato bhaache. Akörö iyo nekuhëënëhi kubha, Eryobha ndeghototingori inkongʼorimu, bhoose bhano toonyi abhaato bhaache. Toreghongi gho ghiri e bhokumi bhooche obhokoro.

Abhaebheeso 1:18

Kurëngʼaana na kubha Eryobha ndebhatooriri korimënya, neghusabha rebhatoori kumënya eriitëngʼërö rino ꞉moosongʼaaniri eriibhagha rino rebhabherekiire. Wiiki motore kumënya obhwame bho ghabho yaache kwo bhatööbhiyu,