Abhaebheeso 1:6 - Eriiraghano Eriihë

⁶ Gho ghayo, toreghongi Eryobha gho ghareeya yaache ino retoheere kwo bhwaru gho kohetera Omoona waache omosiighani.

Abhaebheeso 1:6 Referans Kwoze

Abhakorosaayi 1:13

Natotooriri koru mo‑bhutëmi bho kengʼuuri, aghatusaami na ghotusöhi mo‑bhutëmi bho Moona waache omosiighani.

Abhaebheeso 1:12

꞉Ndiiköriri hangʼu, gho ghiri yiito itu Abhayahuuti bhano ꞉tuushamiri komwitëngʼëra Kirisito, Eryobha reghongibhu kwo bhokumi bhooche obhokoro.

Abhabhiribhi 4:19

Mbe, Eryobha reene, ndekobhaha amënda ghaanyu ghoose kurëngʼaana no obhwame bhooche obhokoro. Ndeghuköra hangʼu gho nchëra e Kirisito Yesu.

Mataayo 3:17

Eriiraka rekarwera Mwishaaro rerabhugha, “Uno n‑Omoona waane omosiighani, neghuchömëru nawe.”

1 Bheetero 2:9

Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.

Abhaebheeso 1:14

Akörö iyo niyo ekimanyenkereri kiito ghe kubhöna ghoose ghaare Eryobha ꞉reeturaghiire itu abhaato bhaache. Akörö iyo nekuhëënëhi kubha, Eryobha ndeghototingori inkongʼorimu, bhoose bhano toonyi abhaato bhaache. Toreghongi gho ghiri e bhokumi bhooche obhokoro.

1 Bheetero 4:11

Aribha omooto anyi na amangʼana gha ghosiikëra, asiikërë kinya n‑kwo Ryobha gharuure. Na aribha omooto aghusakeri abhaghëndi bhaache, abhasakeri kwo bhotoro bhuno bhookoru kwo Waryobha. Gho ghayo, Eryobha ndeghoghongibhu mo‑mangʼana ghoose, gho nchëra e Yesu Kirisito omwene uno anyi no obhokumi obhokoro no obhotoro emiishe ne emiishe. Hawubhaabha.

2 Abhakorinto 5:21

Kirisito taare na amasari ghoghoose, amare Eryobha ꞉ndeemubhariire amasari gho ghiri yiito, kubha itu tubhareru obhuhëënë ambërë e Ryobha gho kohetera ghokooche.

2 Abhakorinto 4:15

Ibheere amangʼana ghoose ghano ghaghotubhöna, ngaghotubhöna gho ghiri yaanyu, kubha aghareeya e Ryobha ebhahikere abhaato bhaaru chwee, kubha abhaato bhëëngërë koriitabheri Eryobha. Kurëngʼaana na ghayo, Eryobha ndekwëndërëra ghoghongibhu.

1 Bheetero 2:5

Mbe, mumënyë kubha koru inyu n‑kinya amabhohe ghano ghaanyi amahöru, mokwabhëku ne Eryobha mubhe erikindahaase re körö. Wiiki ndekobhaköra mubhe abhachaama bhaache bhano bhaahwiru koruusi amaruusi gha mo‑chaakörö gho nchëra e Yesu Kirisito.

Abhaebheeso 1:18

Kurëngʼaana na kubha Eryobha ndebhatooriri korimënya, neghusabha rebhatoori kumënya eriitëngʼërö rino ꞉moosongʼaaniri eriibhagha rino rebhabherekiire. Wiiki motore kumënya obhwame bho ghabho yaache kwo bhatööbhiyu,

Abharuumi 8:1

Mbe, ibheere Eryobha retaakobharööna abhaato bhano bhaghöötiine na Kirisito Yesu.

Yohana 10:17

“Taata nansiighiri gho kubha nekoruusi obhuhöru bhoone, kubha neramara nebhwimoki wiiki.

Yohana 3:35

Taata Waryobha namosiighiri Omoona waache, wiiki namoheere obhotoro ighoro e bheghiro bhyose.

Ruuka 2:14

“Eryobha re Mwishaaro reghongibhu! No omurëmbë ubhe mo‑se yoose, kwo bhaato bhano Eryobha resiighiri!”

Mataayo 17:5

Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”

Abhabhiribhi 3:9

wiiki nighöötane nawe kimu. Nteeghwitëngʼëra wiiki obhuhëënë bhuure bhokorwera gho ghutambana emeghiro, amare neghwitëngʼëra obhuhëënë bhuno bhookoru gho komokumi Kirisito. Obhuhëënë bhuyo, mbokuhaanu ne Eryobha mo‑bhaare bhamokumiri Kirisito.

Abhaebheeso 2:7

Hangʼu nibhu akwënda kwërëkani kwo bhaato bha riibhagha rino rekuucha, obhwaru bho ghareeya yaache ino etaanyi ne ekirëngërë, ino retoheere kwo bhuchömu gho ghughöötana kwito na Kirisito Yesu.

Mataayo 20:9

“Niho abhatamishi bhaare ꞉bhiichiri omughörööbha, bhakaacha bhakarehu amareho gha rosiko rumu.