Abhaebheeso 1:3 - Eriiraghano Eriihë

³ Mbe, reghongibhu Eryobha, Taata o Mutëmi wiito Yesu Kirisito! Iryo niryo retoheere orubhango ro mo‑chaakörö ro manga maaru mo‑se ino etaakorighibhu gho nchëra e ghughöötana kwito na Kirisito.

Abhaebheeso 1:3 Referans Kwoze

1 Bheetero 1:3

Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.

2 Abhakorinto 1:3

Aghongibhu Waryobha, Taata o Mutëmi wiito Yesu Kirisito, Taata uno anyi ne ebheghongi, wiiki ne Eryobha rino reghotughambisani mo‑ghoose.

Abhaebheeso 2:6

Gho ghughöötana kwito na Kirisito Yesu, Eryobha ndetoryokiri haghirohamu nawe, tubhe abhakangati haghirohamu nawe mo‑se ino etaakorighibhu.

Abhaebheeso 1:20

chino ꞉riihökiiri hano remoryokiri Kirisito koru mo‑bhaku, na rekamotoora mo‑kubhökö kooche gho kwiro Mwishaaro.

Abhaebheeso 6:12

Nekobhugha hangʼu gho kubha, eriihë riito retaanyi ghate yiito na abhaato. Amare ntokurööna ne emisambu ghino gheenyi no obhotoro, ghino gheghukangata ase ino e kengʼuuri, ghyose ghino ngighöötëriire mo‑se ino etaakorighibhu.

Abhaebheeso 3:10

Nebhatoorere haheero kubha, gho nchëra e riikanisa, abhakangati na bhano bhaanyi no obhotoro mo‑se ino etaakorighibhu, bhamënyë amangʼiini gha Ryobha ghano ghaanyi gha manga maaru.

Abhagharatiya 3:9

Mbe, abhaato bhano bhaghokumi Eryobha, mbahiitabheru, kinya bhuno Abhurahamu ꞉itabhiiru gho kubha ꞉naakumiri.

Yohana 17:21

Neghusabha kubha bhayo bhabhe egheghiro kimu. Taata, neghusabha bhabhe moose yiito, kinya bhuno iye onyi moose yaane, na neeni neenyi moose yaacho. Neghusabha kubha bhabhe egheghiro kimu, kubha abhaato bha mo‑se bhatore ghwishereri kubha n‑iye ontomiri.

Abhaebheeso 1:17

Nekwëndërëra korisabha Eryobha re Mutëmi wiito Yesu Kirisito, Taata o bhokumi obhokoro, abhahë inyu Akörö yaache kubha mubhe na amangʼiini no obhohunyurëru, motore korimënya bhoheene.

2 Abhakorinto 11:31

Waryobha, Taata o Mutëmi Yesu, uno akurëngʼaanera ghoghongibhu emiishe ghyose, neeche kubha nteeghosiikëra obhuröngö.

2 Abhakorinto 5:21

Kirisito taare na amasari ghoghoose, amare Eryobha ꞉ndeemubhariire amasari gho ghiri yiito, kubha itu tubhareru obhuhëënë ambërë e Ryobha gho kohetera ghokooche.

1 Abhakorinto 12:12

Mbe, omobhere o mooto noonyi ne ebhyemo bhyaru, amare ebhyemo bhyose bhiyo, n‑omobhere umu. Hangʼu keenyi kwo mobhere o Kirisito, niryo eriikanisa.

Abharuumi 12:5

Hangʼu nibhu na niitu toonyi. Itu ntoonyi bhaaru, amare ntubheere omobhere umu gho ghughöötana kwito na Kirisito. Mo‑mobhere waache, omooto woose n‑ekyemo ke mughëndi waache.

Abhaebheeso 1:10

Amangʼana ghano ndeghoghahikeerani kwo riibhagha reeche, ndekobhetoora ebheghiro bhyose bhe Mwishaaro na bhe mo‑se mo‑bhukangati bho Kirisito.

2 Abhakorinto 5:17

Omooto wowoose uno akubha aghöötiine na Kirisito, naakubha omooto omuhë, gha kare ngahetiri, ibheere ngabheere amahë!

Abharuumi 15:6

Hayo niho na niinyu bhoose moghotora koreghongi Eryobha, Taata o Mutëmi wiito Yesu Kirisito, kwo mukörö umu na kwo riiraka rimu.

Abheebhuraaniya 8:5

Ghaare abhachaama bhayo bhaghuköra Ahaghiro Ahatööbhiyu n‑eghetuubhaani ne ekiriiri ke ghaare ghaanyi Ahaghiro Ahatööbhiyu iyo Mwishaaro. Nikyo ꞉ghiighëriri Eryobha rekamobhoorera Musa hano are arisëëmi kwabhëka eriibhuru re ghusëngëra Eryobha kubha, “Ukörë amangʼana ghoose kinya bhuno nekwërëkiri mo‑gheghoro kiire ghe Sinaayi.”

Abhabhiribhi 2:11

Wiiki omooto woose ishereri kubha, yesu kirisito n‑omutëmi, kwo bhokumi obhokoro, bho Waryobha Taata wiito.

1 Abhakorinto 1:30

Eryobha niryo rekobhaghöötani inyu na Kirisito Yesu. Iryo ndiköriri Kirisito abhe amangʼiini ghiito. Niko kobhugha kubha gho nchëra e Yesu ntobheere bha hëënë ambërë e Ryobha, na ntobheere abhatööbhiyu, wiiki ntoghotingoribhu.

Abheebhuraaniya 9:23

Eriibhuru ne ebheghiro bhyose bhino abhachaama ꞉bhaare bharahökëri koruusi amaruusi, mbeere eghetuubhaani ke bheghiro bhino bheenyi Mwishaaro. Eriibhuru ne ebheghiro bhiyo mbeere bheramusu gho nchëra e masaahë gha chatyenyi, amare ebheghiro bhe Mwishaaro mbekwëndëru komusu na amaruusi amachömu ghano ghaghokera amasaahë ghayo gha chatyenyi.

Yohana 20:17

Yesu akamobhoorera akabhugha, “Otangööta. Nekeere ntiimara neghi Mwishaaro o‑Taata. Mbe, nooghi obhabhoorere abhahiiri bhaane, kubha ˆneeghaye Mwishaaro o‑Taata waane, nawe n‑Taata waanyu, kwo Ryobha reene naryo n‑Eryobha reenyu.”

Yohana 14:20

Eriibhagha riyo, inyu mokumënya kubha eni neenyi moose e Taata, na niinyu moonyi moose yaane, na neeni neenyi moose yaanyu.

Ruuka 2:28

Akamwimoki omoona Yesu, ino araghongi Eryobha arabhugha,