Abhaebheeso 1:23 - Eriiraghano Eriihë

²³ Eriikanisa n‑omobhere o Kirisito, iryo n‑obhohikeerani bho Kirisito uno akohikeerani ebheghiro bhyose.

Abhaebheeso 1:23 Referans Kwoze

Yohana 1:16

Kurëngʼaana no obhohikeerani bhooche, Eryobha ndetoheere itu bhoose aghareeya, ndyëngërëriiri mo‑ghareeya ino ꞉riishamiri ghotuha.

Abhaebheeso 4:12

꞉Naaköriri hangʼu atore ghusëëmi abhaato bha Ryobha mo‑meremo ghe bhutamishi, na hayo mbakwabhëka eriikanisa, rino reenyi omobhere o Kirisito.

Abhaebheeso 3:19

Hëënë mokohikera kumënya obhosiighi bho Kirisito bhuno bhoghokera amangʼiini ghoose gha bhaato, mwichoribhu mbagha mohikere obhohikeerani bhuno bhookoru kwo Waryobha.

Abhaebheeso 4:10

Gho ghayo, uno ꞉ikiri hano haase e se niwe ꞉atiiriri ighoro chwee ghokera amashaaro ghoose atore kubha ahaghiro hoose.

1 Abhakorinto 15:28

Mbe, eriibhagha ebheghiro bhyose bheekubha bhetooruru haase e bhukangati bho Moona waache, niho woose Omoona aghwitoora haase e bhukangati bho Ryobha, rino retooriri ebheghiro bhyose haase e bhukangati bho Moona waache, kubha Eryobha ribhe omukangati o bhyose.

Abhakorosaayi 1:24

Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

Abhakorosaayi 3:15

Omurëmbë o Kirisito ukangate mo‑metema gheenyu. Inyu mubheere omobhere umu, gho ghayo, mumanye kwo murëmbë. Wiiki mubhe morariitabheri Eryobha.

Abhakorosaayi 3:11

Gho ghayo, bhotaanyi‑ho bhwahukani bho Muyahuuti hamu omooto o matöngö, uno asaaruru, hamu uno atasaaruru, uno aghutaraahu na uno atasömiri, omusësë hamu uno ataanyi omusësë. Amare Kirisito niwe akohikeerani ghoose, wiiki naanyi moose e bhoose.

Abhaebheeso 2:16

Gho nchëra e roko rooche mo‑musarabha, Kirisito nabhosirekeriiri obhobhisa bhuno bhoore ghate yaabho na kobhaghöötani kubha egheghiro kimu. Wiiki aghatutëmëërani ne Eryobha.

1 Abhakorinto 12:6

Wiiki ntoghuköra emeremo ghe manga maaru, amare Eryobha rino reghototoori itu ghuköra emeremo ghyose, n‑dimu.

Abharuumi 13:5

Gho ghayo, mokwëndëru kobhasooka abhakangati. Motabhasooka gho kubha moghotiina ghukarara kwo Ryobha, amare mobhasooke gho kubha mweche bhoheene mo‑metema gheenyu kubha, Eryobha ndekwënda mubhe moraköra hangʼu.

Abhaebheeso 4:4

Itu bhoose ntoonyi kinya omobhere umu na ꞉ntoobhwine Akörö Ahörëëru imu, kinya bhuno eriitëngʼërö rino mobherekiiru ne Eryobha reenyi rimu.

Abhaebheeso 3:10

Nebhatoorere haheero kubha, gho nchëra e riikanisa, abhakangati na bhano bhaanyi no obhotoro mo‑se ino etaakorighibhu, bhamënyë amangʼiini gha Ryobha ghano ghaanyi gha manga maaru.

Abhaebheeso 4:13

Emeremo ghiyo ngekwëndërëra mbagha itu bhoose tohikere kubha bhamu mo‑bhokumi na komumënya bhoheene Omoona o Ryobha, tubhe abhaato bhano tuköngʼiri gho kohikera ekirëngërë ke bhohikeerani bho Kirisito.

Abhakorosaayi 2:19

Uyo niyahwire na Kirisito uno aghukangata eriikanisa, niryo omobhere waache. Koru ghokooche omobhere woose noghuchaama na ghughöötanibhu haghirohamu kwo ebhyemo ne emeghiha. Omobhere woose noghokora bhoheene kinya Eryobha rekwënda.