Abhabhiribhi 4:8 - Eriiraghano Eriihë

⁸ Antenero, bhahiiri bhaane, motoore amiihëëbhö ghaanyu ghoose ighoro e mangʼana ghano ghaanyi gha hëënë, na amangʼana gha sooko, na amangʼana ghano ghataamara ghusangerani no obhobhe, na amangʼana gha ghotegheri, ghoose ghano ghaanyi no obhuchömu. Bhorabha-ho obhuhöriicho bhobhoose, bhorabha-ho obhokumi obhuchömu bhobhoose, moghiihëëbhërë amangʼana ghayo.

Abhabhiribhi 4:8 Referans Kwoze

Yakobho 3:17

Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.

Tiito 2:7

Iye woose, mo‑mangʼana ghaacho ghoose, ubhe eghetuubhaani ghe kweghu gho ghuköra amachömu. Mo‑meeghi ghaacho, wërëki asooko no obhuhëënë.

2 Abhakorinto 8:21

Amënda ghiito n‑ghuköra ghano ghaanyi amachömu, taanyi ambërë e Mutëmi okwene, amare na ambërë e bhaato.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

1 Bheetero 2:12

Mobhakörërë amachömu abhaato bhano bhataryeche Eryobha, kubha eriibhagha bhaakubha bharabhabhiihera amangʼana amabhe, bharighi amaköri ghaanyu amachömu. Niho bhaghotora koreghongi Eryobha gho ghiri yaanyu, mo‑rosiko ro kuucha kooche.

Abheebhuraaniya 13:18

Mwëndërërë ghotusabhera. Ntoonyi no obhuhëënë kubha emetema ghiito ghetaaghototenera ekiina ghyokyose, gho kubha ntoghwiköngʼi ghuköra ghano ghaanyi gha hëënë kwo bhaato bhoose.

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

Abhaebheeso 5:9

Ghano ghakwërëki kubha mumanyiri mo‑bhwero n‑ghuköra amangʼana amachömu, na ghano Eryobha rekwënda, na gha bhuhëënë.

Tiito 1:8

Nakwëndëru abhe omooto uno asiighiri ghughënëhi abhaato, na abhe omooto uno asiighiri amachömu, na uno anyi ne ekirëngërë, no omuhëënë, na mutööbhiyu, na uno aghotora ghwikangata.

1 Yohana 3:3

Omooto wowoose uno aghwitëngʼëra kubha naghotuubhaana na Kirisito, iyeri abhe mutööbhiyu, kinya bhuno Kirisito omwene anyi mutööbhiyu.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

Tiito 3:14

Abhakumi bhaghëndi bhiito nabho, bheeghe ghuköra amachömu, kubha bhabhatoori bhano bhaanyi na amënda gha hëënë. Bharaköra hangʼu, eriimanya reebho ndeekubha no obhwëra.

Abharuumi 13:13

Tubhe na atëëmö inchömu kinya abhaato bhano bhamanyiri mo‑bhwero. Totabha abhaato bhano bhaghuköra chanyangi che kehobhaaru no obhurëëbhi. Totaköra obhutaari bho manga ghoghoose ghaare, koru ghuköra amangʼana gha chaasoni. Totabha abharööni, hamu kubha ne eriihari.

Yakobho 1:27

Amaköri ghano ghakomotegheri Waryobha Taata wiito na ghano ghataanyi ni isörö, nigho ghano, kobhatoori abhaana abhahabhe na abhasino kurëngʼaana na chanyaako cheebho, na gho ghwisacha amasari gha mo‑se ino.

1 Yohana 3:18

Abhaana bhaane abhasiighani, totabhasiigha bhaghëndi bhiito kwo mangʼana agheene, amare tosiighane kwo bhuhëënë gho nchëra e ghukörërana amachömu.

Tiito 2:2

Obhabhoorere abhagharuka bha ghesubhe, bhabhe ne ekirëngërë, na asooko, na amangʼiini, bhabhe abhahëënë mo‑bhokumi, na mo‑bhosiighi na mo‑bhoghumereri.

2 Abhakorinto 13:7

Ntokorisabha Eryobha kubha motaköra angʼana yoyoose ambe, taanyi gho kubha ntokwënda torighibhu kubha ntokindiri. Amare ntokwënda mukörë amachömu, koru nangabha itu tokorighibhu kubha ntokinduru.

Abhakorosaayi 4:5

Mubhe na amangʼiini mo‑bhoghwani bhoonyu na abhaato bhano bhataamara bhamokumi Yesu, wiiki muhökëri eriibhagha reenyu bhoheene.

1 Bheetero 4:8

Ghokera ghayo ghoose, mosiighane chwee, gho kubha obhosiighi mbohaakundekeri amasari maaru.

Abharuumi 13:3

Abhakangati bhataaghughëri omooto uno aghuköra amachömu atiine, amare m‑bhaare bhaghuköra amabhe nibho bhaghotiina. Gho ghayo, aribha otaakwënda ghotiina omukangati, ukörë amachömu, nawe naghoghoghongi.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Abhabhiribhi 3:1

Mbe, bhahiiri bhaane, muchömëru gho kubha n‑abhaato bha Mutëmi Yesu moonyi. Amangʼana ghano ꞉niimariri kobhaandëkëra, nteeghoshigha ghugharukera kobhaandëkëra, gho kubha ghayo n‑angubha yaanyu e bhokumi.

Abharuumi 2:29

Tiyaanyi! Omuyahuuti o hëënë n‑uno ahaasooka Eryobha kwo mukörö waache woose. Oghusaaru kwo hëënë ngoghuköru na Akörö Ahörëëru mo‑motema, taanyi gho kubha ne emeghiro ghe Musa okwene. Omooto anga hangʼu, taaghosongʼaana aghongo koru mo‑bhaato, amare naghoghongibhu ne Eryobha eryene.

1 Timotewo 2:2

Mokwëndëru kobhasabhera abhatëmi na abhande bhoose bhano bhaanyi mo‑bhukangati, kubha tumanye kwo murëmbë, torisëngërë Eryobha na ghuköra ghano ghakwëndëru ambërë yaache.

1 Timotewo 5:10

Abhe omooto uno aghoghongibhu gho ghiri e maköri kinya ghano, abhe omooto uno arëriri abhaana bhoheene, na uno aghënëhiri abhaghëni, na uno abhahökiiri abhakumi gho kobheeghi amaghoro ghaabho, na uno abhasakiiri bhano bhakunyaakibhu. Gho ghayo, abhe omooto uno iruusiri ghuköra amaköri ghoose amachömu.

Abhaebheeso 6:14

Mbe, mwisëëmi kwo riihë riyo. Obhuhëënë bhubhe kinya oruköbha mo‑bheribhichi bheenyu, amaköri ghaanyu ghano Eryobha rekwënda ghabhe kinya angubha e ghokengera mo‑ghekubha,

1 Abhatesaronike 4:12

Niho mookubha mwërëkiri orughëndö ruchömu ighoro e bhano bhataanyi Abhakirisito. Wiiki motabha abhaato bhano bhaghwitëngʼëra bhe bhande kwo mënda ghaanyu.

Abhaebheeso 4:25

Gho ghayo, motighe obhuröngö. Omooto woose nakwëndëru kobhoorera mughëndi waache obhuhëënë, gho kubha itu bhoose n‑ebhyemo bhe mobhere o Kirisito toonyi.

2 Abhakorinto 6:8

Itu ntokwiruusi gho ghiri e Ryobha, abhaato bhatoghongi hamu bhatutaraahe, bhatokumi hamu bhatughambe kobhe. Ntokorighibhu kubha m‑bharöngö toonyi, amare ntoghosiikëra gha mahëënë.

Amaköri gha Bhatomu 10:22

Bhakamobhoorera, “Ntotomuru no omokoro umu o bhaashirikare, akobherekeru Korineeriyo. Korineeriyo uyo m‑mooto omuhöriicho uno akoryoghwera Eryobha, na ghoghongibhu na Abhayahuuti bhoose. Ibheere marayika omutööbhiyu namobhooriire aghughënëhi awaache, kubha atëghëërërë amangʼana ghano okomobhoorera.”

Yohana 7:18

Omooto wowoose uno aghosiikëra ghaghaache omwene, naghwitabharera obhokumi bhooche obhokoro omwene. Amare uno aghutabhara obhokumi obhokoro bho wuure amotomiri, naghosiikëra gha hëënë, taanyi gha bhuröngö.”

Ruuka 2:25

Hayo Yerusareemu, naare‑ho omooto umu, eriina reeche Simiyooni. Simiyooni uyo naare muhëënë ambërë e Ryobha araresooka, ino araghanya korighi ghotooribhu kwo Abhiisiraeri. Akörö Ahörëëru neere haghirohamu nawe.

Maariko 6:20

Herote ꞉naamotiiniri chwee Yohana gho kubha ꞉naamënyiri kubha iwe n‑omooto muhöriicho no omutööbhiyu, gho ghayo akamochonga. Herote nasiighiri komutëghëërëra chwee Yohana, nangabha hano amariri komutëghëërëra ꞉niitumatiri chwee.

Ruuka 16:15

Yesu akabhabhoorera akabhugha, “Inyu, moghwiköri moonyi no obhuhëënë ambërë e bhaato. Eryobha ndyeche amangʼana ghano ghaanyi mo‑metema gheenyu. Wiiki amangʼana ghano abhaato bhasiighiri, ngahaabha amabhe ambërë e Ryobha!

1 Abhakorinto 4:5

Ibheere, motighe ghotenera ekiina abhaato eriibhagha reeche rekeere kohika, mughanye mbagha orosiko runo Omutëmi Yesu akuucha. Iwe niwe akobhetoora haheero ebheghiro bhyose bhino bhebhisuru mo‑kengʼuuri na kwërëki bhino bheenyi mo‑metema ghe bhaato. Niho omooto woose akubhöna aghongo ino emurëngʼaaniire, koru kwo Waryobha.

Amaköri gha Bhatomu 22:12

“Hayo Tamaasiko naare‑ho omooto umu, eriina reeche Ananiya. Ananiya uyo naare ariiköngʼi chwee ghosooka emeghiro ghiito, wiiki naare araghongibhu na Abhayahuuti bhoose bha iyo kubha n‑omooto omuhöriicho.

1 Yohana 4:1

Abhasiighani bhaane, motamokumi omooto woose uno akobhugha naanyi na Akörö e Ryobha. Amare mumööhi bhoheene aribha omooto uyo naghukangatu na Akörö e Ryobha hamu tiyaanyi. Nekwëndëru mumööhi gho kubha abharööti bhaaru bha bhuröngö mbarweriire mo‑se.

1 Timotewo 5:2

abhakari abhakungu obharwache kinya bhaanyako, na abhaakë obharwache kinya abhasubhaati bhaacho. Ukörë hangʼu amare ukabhaahe otabhiighomba.

Ruuka 23:50

Naare‑ho omooto umu, eriina reeche Yusubhu, o mo‑kyaro ke Arimataaya, mo‑mukööwa o Yuteya. Yusubhu uyo, naare umu o bhakoro bha Bhayahuuti.

1 Timotewo 3:4

Abhe omooto uno akwimeererera bhoheene aka yaache, omooto uno eche kweghi abhaana atëëmö e komosooka.

Amaköri gha Bhatomu 6:3

Mbe, bhahiiri bhiito mumööhi ghate yaanyu, mwahure abhaato mohungate bhano bhamënyëkiine na abhaato bhakobhaghamba kubha mbaanyi na asughara inchömu, na amangʼiini na bhano bhiichoriibhu Akörö Ahörëëru. Bhayo nibho tobhatoore mo‑meremo ghino ghe kuhööhi abhaato ebhiinyakurë,

Mataayo 22:16

Niho bhakabhatoma o‑Yesu abhaanabheegha bhaabho haghirohamu na abhaato bhano bhaghöötiine na abhaato bha mutëmi Herote, bhaaghaye, bhakamobhoori bhakabhugha, “Oo Omweghi, ntweche kubha iye n‑omooto o hëënë na kubha nokweghi ghano ghaanyi gha Ryobha kwo bhuhëënë. Wiiki, tooghotiina koru omooto uno anyi no omweya wi ighoro.

Abheebhuraaniya 11:2

Gho nchëra e korekumi Eryobha, bhasookoro bhiito ꞉mbiishereriiru ne Eryobha.

1 Timotewo 3:11

Abhakari bhaabho nabho, bhabhe bhano bhaanyi na atëëmö inchömu, bhatabha abhitaamereri bha bhaato, bhabhe ne ekirëngërë, wiiki bhabhe abhahëënë mo‑mangʼana ghoose.

2 Abhakorinto 8:18

Tiito uyo, ntomotomiri no omohiiri wiito owonde uno abhaato bha makanisa ghoose bhakomoghongi gho ghiri e meremo gheeche ghe kuraghani Angʼana Anchömu.

2 Bheetero 3:1

Abhasiighani bhaane, anyaarubha ino n‑e kabhere ino ˆnekabhaandëkëra. Mo‑chanyaarubha choose ibhere ꞉niiköngʼiri kobhooki amiihëëbhö ghaanyu amachömu, gho nchëra e kobhahiiti.

Abharuumi 14:18

Omooto wowoose uno akomukörëra amangʼana ghayo Kirisito, nakorichömëri Eryobha, wiiki na abhaato mbaghuchömëru nawe.