Abhabhiribhi 4:7 - Eriiraghano Eriihë

⁷ Mbe, omurëmbë o Ryobha uno okoheta amiihëëbhö ghoose gha bhaato, noghochonga emetema na amangʼiini ghaanyu gho kubha inyu n‑abhaato bha Kirisito Yesu moonyi.

Abhabhiribhi 4:7 Referans Kwoze

Yohana 14:27

Hano neghutanura, nekobhatighera omurëmbë, omurëmbë waane nekobhaha. Omurëmbë uno taanyi kinya uno okoru mo‑se. Motiitumata mo‑metema gheenyu, wiiki motatiina ghyokyose.

2 Abhatesaronike 3:16

Ibheere, Omutëmi Yesu omwene uno anyi omutangi o murëmbë, abhe arabhaha omurëmbë eriibhagha ryose gho chanchëra haghare haghare. Iwe abhe haghirohamu na niinyu bhoose.

Abhakorosaayi 3:15

Omurëmbë o Kirisito ukangate mo‑metema gheenyu. Inyu mubheere omobhere umu, gho ghayo, mumanye kwo murëmbë. Wiiki mubhe morariitabheri Eryobha.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Abharuumi 8:6

Abhaato bhano amiihëëbhö ghaabho ghaghukangatu na simoka yaabho e masari, mbakubhöna oroko ro miishe ghyose. Amare abhaato bhano amiihëëbhö ghaabho ghahaakangatu na Akörö Ahörëëru, mbakubhöna obhuhöru no omurëmbë.

Abharuumi 5:1

Mbe, Eryobha ndetubhariri kubha m‑bha hëënë toonyi ambërë yaache, kurëngʼaana no obhokumi bhwito. Gho ghayo, ntoonyi no omurëmbë ne Eryobha gho kohetera Omutëmi wiito Yesu Kirisito.

Abhaebheeso 3:19

Hëënë mokohikera kumënya obhosiighi bho Kirisito bhuno bhoghokera amangʼiini ghoose gha bhaato, mwichoribhu mbagha mohikere obhohikeerani bhuno bhookoru kwo Waryobha.

Abharuumi 14:17

Amangʼana amachömu mo‑bhaato bha bhutëmi bho Ryobha taanyi ighoro e kurë hamu kunyo, amare n‑ghuköra ghano Eryobha rekwënda, kubha no omurëmbë na kumanya gho ghuchömëru. Ghayo ghoose ngaakubha kwo bhotoorereri bho Körö Ahörëëru.

Obhohunyurëru 1:4

Eni Yohana ˆnekabhaandëkëra anyaarubha ino abhaghëndi bha Yesu bha makanisa mohungate ghano ghaanyi mo‑mukööwa o Asiya. Nëköbhëëndëra aghareeya no omurëmbë, koru kwo Waryobha uno anyi‑ho, na korwera simoka naare‑ho, na naakubha‑ho, na koru gho Chaakörö mohungate chino cheenyi ambërë e ghetumbe ghe ghitëmi,

Ruuka 1:79

na ghotomorekera bhano tumanyiri mo‑kengʼuuri, na bhano twangiire mo‑kiriiri ke roko. Ndeghotukangata, tubhe toraheta mo‑nchëra e murëmbë.”

2 Abhakorinto 13:11

Ibheere, abhahiiri bhaane, masaraamu! Mubhe bhaghöröröku, na mwighambisani, na mubhe no obhumu, na mubhe no omurëmbë. Eryobha ryose rino reenyi no obhosiighi no omurëmbë ndeekubha haghirohamu na niinyu.

Ruuka 2:14

“Eryobha re Mwishaaro reghongibhu! No omurëmbë ubhe mo‑se yoose, kwo bhaato bhano Eryobha resiighiri!”

Abhabhiribhi 4:9

Mwëndërërë ghuköra ghaare mweghiri na ghoghasongʼaana koru ghokoone, ghaare ꞉mooghwire nebhughiri, hamu ꞉moorooche neraghaköra. Niho Eryobha rino rekobhaha omurëmbë, rekwëndërëra kubha haghirohamu na niinyu.

Abharuumi 1:7

ˆNekabhaandëkëra inyu abhakumi bhoose bhano moonyi iyo Ruumi. Eryobha ndebhasiighiri chwee, na ꞉ndeebhabherekiire kubha mubhe abhaato bhaache abhatööbhiyu. Nëköbhëëndëra aghareeya no omurëmbë koru kwo Waryobha Taata wiito, na kwo Mutëmi wiito Yesu Kirisito, ghibhe haghirohamu na niinyu.

Abheebhuraaniya 13:20

Mbe, Eryobha re murëmbë ꞉ndeemoryokiri Omutëmi wiito Yesu, Omoriishi Omokoro o changʼöndu, gho ghiri ekubha ꞉niitiri amasaahë ghaache ghano ghahëënëhiri eriiraghano re miishe ghyose.

Obhohunyurëru 2:17

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, nekomuha eribhaara re bhiinyakurë bhe mana ino ere ebhisuru. Wiiki nekomuha eriibhohe eryero, ighoro e riibhohe riyo ndeekubha ryandëkuru eriina eriihë. Taanyi‑ho omooto uno akumanya eriina riyo nanyinga iwe uno ahaabhuru eriibhohe riyo.’”

Yuuta 1:1

Anyaarubha ino neyandëkiri eni Yuuta, omutamishi o Yesu Kirisito, no omonyi waache Yakobho. ˆNekabhaandëkëra inyu bhano mosiighiru na kobherekeru na Taata Waryobha, na ghochongu bhoheene na Yesu Kirisito.

Abhabhiribhi 1:2

Ntököbhëëndëra aghareeya no omurëmbë koru kwo Waryobha Taata wiito na kwo Mutëmi wiito Yesu Kirisito ghibhe haghirohamu na niinyu.

2 Abhakorinto 10:5

Ntoghusari amangʼana ghoose gha bhuröngö, na gha kwihacha ghano ghakuhööchërëra abhaato bhatarimënya Eryobha. Wiiki ntoghugharura amiihëëbhö ghoose amabhe, kubha ghamosooke Kirisito.

Abhabhiribhi 1:1

Anyaarubha ino neyandëkiri eni Bhawuro haghirohamu na Timotewo omutamishi mughëndi waane o Kirisito Yesu. Ntokobhaandëkëra inyu amasikoofu na amashemaasi, haghirohamu na abhatööbhiyu bha iyo Bhiribhi bhano mughöötaniibhu na Kirisito Yesu.

Abhabhiribhi 4:19

Mbe, Eryobha reene, ndekobhaha amënda ghaanyu ghoose kurëngʼaana no obhwame bhooche obhokoro. Ndeghuköra hangʼu gho nchëra e Kirisito Yesu.

Abhabhiribhi 4:21

Munkëërëri abhatööbhiyu bhoose bha Kirisito Yesu bha iyo Bhiribhi. Abhakumi bhano bhakuhöki haghirohamu na neeni hano Ruumi, mbakobhakëëri.