Abhabhiribhi 4:17 - Eriiraghano Eriihë

¹⁷ Nteekobhugha hangʼu gho kubha nekwënda kubhöna ebheghiro koru ghokoonyu, tiyaanyi. Amare nesiighiri nerighi orubhango runo Eryobha rekobhaha kurëngʼaana no obhwero bho chaakörö cheenyu.

Abhabhiribhi 4:17 Referans Kwoze

Tiito 3:14

Abhakumi bhaghëndi bhiito nabho, bheeghe ghuköra amachömu, kubha bhabhatoori bhano bhaanyi na amënda gha hëënë. Bharaköra hangʼu, eriimanya reebho ndeekubha no obhwëra.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

Yohana 15:8

Abhaanabheegha bhaane bha hëënë mbahaasönga amakorobhese maaru. Gho ghiri iyo abhaato mbakumënya kinya Taata anyi mokoro.

1 Bheetero 5:2

morechonge erikinda re Ryobha rino muhaabhuru. Wiiki morechonge kinya bhuno Eryobha rekwënda, taanyi gho kuhaamereru, amare gho kwënda koonyu inyu bheene. Motaköra emeremo gheenyu gho ghwighomba chambiiri, amare mubhe no omukörö o ghwiköngʼi.

Tiito 1:7

Ibheere asikoofu, nakwëndëru abhe omooto uno ataanyi ni isörö, gho kubha nahaabhuru emeremo ghe Ryobha. Atabha omooto uno anyi no omutu muköngʼu, na atabha mwango o ghukarara, na atabha omurëëbhi, na atabha omurööni, wiiki atiighomba kwibhönëra chambiiri gho nchëra ambe.

Abhabhiribhi 4:11

Nteekobhugha hangʼu gho kubha neenyi na amënda, tiyaanyi. Eni nyeghiri kuhaabha na kino neenyi nakyo.

1 Abhatesaronike 2:5

Mweche kubha, totaare torabhugha amangʼana kubha motosiighe, koru ghosiikëra amangʼana ghano ghataanyi gha hëënë kubha tubhönë obhwëra. Eryobha n‑eriibhateri riito!

2 Abhakorinto 9:5

Gho ghayo, nerooche m‑bhoheene nebhasabhe abhahiiri bhiito bhayo, bhatukangate kuucha iyo bhowaanyu, kubha bhasëëmi ebheghiro bhino ꞉mooturaghiire. Gho nchëra iyo mookubha moruusiri gho kwënda koonyu, taanyi gho kuhaamereru.

Abharuumi 15:28

Hano neekubha nimariri emeremo ghiyo ghe kobhaha abhakumi bha Yerusareemu obhotoorereri bhuyo, neghusëëma orughëndö roone ro ghuye Hisibhaaniya, na nekohetera bhowaanyu.

Yohana 15:16

Inyu motanyahwire eni, amare n‑eni nebhahwire inyu. Nebhahwire kubha, musöngë amakorobhese ghano ghataaghosira naabha. Moraköra hangʼu, ghyokyose kino morasabha kohetera eriina reene, Taata nakobhaha.

2 Abhakorinto 11:16

Wiiki ˆnekabhabhoorera kubha, omooto atiihëëbha kubha eni m‑muraghaanu neenyi! Amare koru nangabha mokwihëëbha kubha eni m‑muraghaanu neenyi, nekobhasabha muntëghëërërë mo‑bhuraghaanu bhuyo, kubha na neeni niihache hasuuhu.

Yuuta 1:11

Horeera mbakorighi, gho kubha mbatambiine anchëra ambe e Kaayini, gho ghwisöhi mo‑bhuröngö kubha bhabhönë obhwame, kinya bhuno Bharaamu ꞉aköriri. Horeera mbakorighi, gho kubha mbaghosireekerera kurëngʼaana no obhwigharurani bhoobho, kinya bhuno Koora asirekeriire kurëngʼaana no obhwigharurani bhooche.

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

1 Timotewo 3:3

Atabha omurëëbhi, atabha omurööni, abhe muhörëëru uno asiighiri omurëmbë. Wiiki atabha omosiighi o chambiiri.

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.

2 Bheetero 2:15

Mbatighiri anchëra angöröröku, mbabhoriri na ghutambana anchëra e Bharaamu, mwërëëti o Bhewoori. Iwe ꞉naasiighiri ghosongʼaana amareho gho nchëra e ghuköra amabhe.

1 Timotewo 6:10

gho kubha ghosiigha chambiiri niko simoka e bhobhe bhoose. Abhande ꞉mbaasiighiri obhwame bhoghaghëri bhangʼiinu, na mbatighiri obhokumi. Ibheere bhayo mbaanyi no obhororo bhwaru kinya omooto uno ingʼuutiri ne eghighësö.