Abhabhiribhi 3:19 - Eriiraghano Eriihë

¹⁹ Antenero e bhaato bhayo mbaghosireekerera, gho kubha amiigha ghaabho nigho eryobha reebho. Ibho mbakwihachera amaköri gha chaasoni ghano bhaghuköra. Wiiki mbakwihëëbhëra amangʼana gha mo‑se ino.

Abhabhiribhi 3:19 Referans Kwoze

Abharuumi 16:18

Abhaato kinya bhayo bhataakomuhökëri Kirisito, Omutëmi wiito, amare mbaghukörëra chanda cheebho abheene. Mbaghosiikëra amangʼana amachömu gha ghotegheri, amare bharangʼiina abhakumi bhano bhakeere bhataamara bhaköngʼëri mo‑bhokumi.

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

Abhakorosaayi 3:2

Moghiihëëbhërë ghano ghaanyi Mwishaaro, motiihëëbha gha hano mo‑se,

2 Bheetero 2:1

Amare mo‑riibhagha re bharööti, ꞉mbaarweriire abharööti bha bhuröngö ghate e Abhiisiraeri, kinya bhuno abheeghi bha bhuröngö bhaakubha ghate yaanyu. Abhaato bhayo mbaghusöhi kwo bhobhe ameeghi gha korumeeri abhaato, na mbakomwanga Omutëmi Yesu, uno abhatingwiri. Gho ghuköra hangʼu mbakwirëëtëra ghosireekerera koobho abheene kwo bhwango.

2 Abhakorinto 11:15

Gho ghayo, taanyi ngʼana e koroghoora korighi koru bhano bhakorihökëri, bhariiköri kinya abhatamishi bha hëënë. Antenero yaabho mbaghosongʼaana ghano gharëngʼiine na amaköri ghaabho.

2 Abhakorinto 11:12

Nekwëndërëra ghuköra emeremo kinya bhuno neghuköra ibheere, kubha bhano bhakwirighi kubha nibho abhatomu abhakoro, bhatabhöna omweya o kwihacha kubha mbaghuköra emeremo kinya itu.

2 Bheetero 2:13

Wiiki mbakorehu anyaako kinya ino bhabhaköriire abhaato abhande. Mbahaachömëru ghwighomba ghuköra amangʼana ghaabho amabhe haheero. Koru hano bhakuraaghëra haghirohamu na niinyu, mbahaachömëru kobhangʼiina.

Abhagharatiya 6:13

Bhano bhasaaruru, koru ibho bhataaghughööta emeghiro ghyose. Egheghiro kino bhakwënda n‑kubha inyu musaaru, kubha bhiihachere oghusaaru koonyu.

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

1 Abhakorinto 3:3

gho kubha mokeere morakangatu na simoka yaanyu e masari. Kana, aribha ghate yaanyu ndeenyi‑ho eriihari ne eriihë, ghayo ghataakwërëki kubha mokeere morakangatu na amangʼana gha se na kumanya kinya abhaato bha mo‑se?

Obhohunyurëru 22:15

Amare abhaturutumbi bhoose, na abhataari, na abhiiti, na bhano bhaghusëngëra emisambu na abhande bhoose bhano bhasiighiri ghosiikëra obhuröngö, mbaakubha anche e moghya uyo kinya chaseese.

Yuuta 1:16

Abhaato bhayo mbahiingʼunyerangʼunyera na kwirereeri, bharatambana amiigha ghaabho amabhe. Mbiihachi chwee, na mbahaasiikëra amangʼana gha ghuchömëri abhaato gho ghiri e kwibhönëra obhwëra.

2 Timotewo 3:4

Mbaakubha abhiigharori, na bharaköra bhwango amangʼana ghano ghataanyi no obhwëra, na mbaakubha bhariihacha. Mbaakubha bharasiigha amiigha gha se, ghokera koresiigha Eryobha.

1 Timotewo 6:5

wiiki ngaghusari obhoghwani chaasiko choose. Abhaato bhayo mbasarëkiri emitu, bhateeche obhuhëënë. Mbakwihëëbha kubha korisëngëra Eryobha niyo anchëra e kubhöna obhwame.

2 Abhatesaronike 2:12

Niho bhoose bhano bhataaghokumi obhuhëënë, na ghuchömëru na amasari, mbaghoteneru ekiina.

Abhabhiribhi 2:21

Abhande bhoose mbaghotereera amangʼana ghaabho agheene, bhataaghotereera ghuköra ghano Kirisito Yesu akwënda.

1 Abhakorinto 5:6

Obhwihachi bhoonyu bhotaanyi no obhwëra. Moteeche kubha eriisari rino n‑kinya ekimëra ghesuuhu kino kehaatöti anyongo yoose e bhotu?

1 Abhakorinto 5:2

Ngwake inyu mokwihacha? Ngʼoni mongitumatiri na komoruusi omooto uno aghuköra ghayo ghate yaanyu!

Obhohunyurëru 19:20

Amare oghotyenyi ghuyo, haghirohamu no omurööti o bhuröngö uno aköriri ebhyërëkërëri ambërë yaache, ꞉mbiimokiibhu ke bhano bhaghööturu mwihë. Gho ghuköra ebhyërëkërëri bheeche bhiyo, omurööti uyo o bhuröngö nangʼiiniri abhaato bhano bhatoriiru ekingʼöchö no oghotyenyi ghuyo na ghusëngëra asanaamu yaache. Bhoose bhabhere ꞉mbaarëkiiru bhaanyi abhahöru mo‑nyancha e mororo muhaari chwee.

Yakobho 4:16

Amare inyu ibheere, mokwihacha na kwirighi kubha moonyi no obhotoro. Okwihacha konga kuyo, n‑kobhe.

2 Abhatesaronike 2:8

Hayo niho Omwigharurani uyo akorighibhu, amare Omutëmi Yesu hano akuucha, nakomwita no omwika koru mo‑monu waache. Wiiki nakomosireekereri kwo murëngaari o kuucha kooche.

Ruuka 18:4

“Kwo riibhagha irë, omoteni o kiina uyo naare araanga komutëghëërëra omosino uyo. Amare antenero, aghiisiikërëra omwene akabhugha, ‘Eni nteeghotiina Eryobha, koru nteeghotereera omooto wowoose,

Ruuka 16:19

“Naare‑ho omwame umu, uno are araköra obhughëni chaasiko choose, na kobheeka amaghööti amachömu, wiiki gha riighori ikoro gha sambaraawe.

Ruuka 12:19

Ndamara nekwibhoorera mo‑motema waane, “Ibheere noonyi ne ebheghiro bhyaru ebhichömu bhino witooriire amamba. Mbeghoghwisha kwo meeka myaru! Mbe, noweere, uraaghërë na kunyo, uchömëru!”’

Mataayo 25:41

“Niho nekobhabhoorera bhaare bhaanyi okubhökö koone gho kumosi nebhughe, ‘Mondwere hano inyu bhano Eryobha riihiimiri! Moghi mo‑mororo o miishe ghyose uno Eryobha riisëëmiri gho ghiri e Rishambu na bhamarayika bhaache.

Mataayo 16:23

Amare Yesu akamwishororeri Bheetero, akamobhoorera akabhugha, “Nooru ambërë yaane ugharuke anyuma, iye Erishambu! Noghusaki kundëki ghuköra amënda gha Ryobha! Nokwihëëbha ghano ghataanyi gha Ryobha, amare n‑gha bhaato okwihëëbha.”

Obhohunyurëru 18:7

Momutëmë anchagho na momunyaaki gho kirëngërë kino aköriri akiibhönëra aghongo no obhwame. Gho kubha iwe nahiihacha mo‑körö yaache arabhugha, ‘Niikeere kinya marikiya, na nteenyi omosino, koru nteekubhöna amacheeche naabha!’

Yuuta 1:4

ˆNekabhaandëkëra anyaarubha ino, gho kubha mbaanyi‑ho abhaato nyarebhe bhano bhataakoresooka Eryobha, mbiisöhiri gho kebhisere ghate yaanyu na ghwisangerani na niinyu. Abhaato bhano mbakorumeeri angʼana e ghareeya e Ryobha riito, kubha abhaato bhakörë amangʼana gha chaasoni na komwanga Omutëmi wiito Yesu Kirisito, Omukangati wiito omwene chiri. Amare korwera kare ꞉yaandëkuru mo‑Mandëkö Amatööbhiyu kubha abhaato bhano mbaghoteneru ekiina.

Abharuumi 6:21

Amare n‑obhwëra ke mobhwine kurëngʼaana na amaköri ghaanyu amabhe, ghano ibheere ghaghughëri morighi chaasoni? Bhotaanyi‑ho obhwëra bhobhoose! Antenero e mangʼana ghayo ngakurëëta oroko ro miishe ghyose.

2 Abhatesaronike 1:9

Okuröönu koobho ngookubha ghosireekereru kwo miishe ghyose na kwahoru gho ghotooru kurë no Omutëmi no obhokumi obhokoro bho changuru cheeche.

Yuuta 1:10

Amare abhaato bhayo mbaghotoka kino bhatakyeche. Wiiki amangʼana ghano bhagheeche gho ghwitëghëërëra koobho kinya chatyenyi chino chetaanyi no obhongo, ghayo nigho ghakobhasireekereri.