Abhabhiribhi 3:17 - Eriiraghano Eriihë

¹⁷ Bhahiiri bhaane, bhoose mweghe asughara yaane. Wiiki mweghe mo‑bhaato bhano bhaghutambana asughara ino tobheeghiri.

Abhabhiribhi 3:17 Referans Kwoze

Abhabhiribhi 4:9

Mwëndërërë ghuköra ghaare mweghiri na ghoghasongʼaana koru ghokoone, ghaare ꞉mooghwire nebhughiri, hamu ꞉moorooche neraghaköra. Niho Eryobha rino rekobhaha omurëmbë, rekwëndërëra kubha haghirohamu na niinyu.

1 Abhakorinto 4:16

Gho ghayo, nekobhasasaama kubha, mubhe moratambana eghetuubhaani keene.

1 Bheetero 5:3

Motabha abhariishi abhahaari kwo bhano moghukangata, amare mo‑riimanya reenyu, mubhe eghetuubhaani ghichömu ghokoobho.

2 Abhatesaronike 3:9

Hano toore toraköra hangʼu, taanyi kubha totaare torarëngʼaanera kubhöna egheghiro ghokoonyu, amare ꞉ntwëëndiri tubhe eghetuubhaani ghokoonyu kubha motweghe.

Abheebhuraaniya 13:7

Mobhahiite abhakangati bhano ꞉bhaare bharabheeghi angʼana e Ryobha. Mwihëëbhë amaköri ghaabho ghano ꞉bhaare bharaköra mo‑riimanya reebho na mweghe obhokumi bhoobho.

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

2 Abhatesaronike 3:7

Ntokobhugha hangʼu gho kubha, inyu bheene mweche bhuure mokwëndëru kwegha eghetuubhaani kiito. Hano itu toore haghirohamu na niinyu totaare bhatöbhu,

1 Abhakorinto 10:32

Motanaaha omooto wowoose, bhabhe Abhayahuuti, hande abhaato bha matöngö, hamu eriikanisa re Ryobha.

2 Abhatesaronike 3:14

Aribha omooto wowoose ataakwënda ghoghaghööta amaraghereri ghiito ghano ghaanyi mo‑nyaarubha ino, mubhe miisho no omooto uyo. Motaghöötana nawe kubha arighi chaasoni.

1 Abhatesaronike 1:6

Nangabha moore mo‑nyaako gho ghiri e bhokumi bhoonyu, mosongʼaaniri Ngʼana iyo gho ghuchömëru kuno ghookoru mo‑Körö Ahörëëru. Kinya muköriri hangʼu, mutambiine eghetuubhaani kiito ne eghetuubhaani ke Mutëmi Yesu.

Abharuumi 16:17

Ibheere, abhahiiri bhaane, ˆnekabhasasaama kubha, mubhe miisho na abhaato bhano bhakurëëta obhwahukani ghate yaanyu, abhaato bhayo mbakwënda ghusari obhokumi bhoonyu, na mbakwanga ameeghi ghano ꞉mweeghuru. Mwikare kurë nabho, gho kubha ameeghi ghaabho ghataaghuye haghirohamu na ghano ꞉mweeghuru!

1 Abhakorinto 11:1

Mbe, moonyeghe eni, kinya bhuno eni nemweghiri Kirisito.