Abhabhiribhi 3:13 - Eriiraghano Eriihë

¹³ Bhahiiri bhaane, nteekubhara kubha nimariri ghughööta ghayo. Amare neghuköra egheghiro kimu, netighiri kwihëëbhëra ghano ghahetiri na neghwiköngʼi kubha nibhönë ghaare ghaanyi ambërë.

Abhabhiribhi 3:13 Referans Kwoze

Ruuka 9:62

Yesu akamobhoorera akabhugha, “Omooto wowoose uno amariri ghughööta eriishërë korema, amare ishoorori kumööhi anyuma, uyo taakurëngʼaanera kubha omutamishi mo‑bhutëmi bho Ryobha.”

Abhabhiribhi 3:12

Eni nteekobhugha nimariri kohika mo‑ntenero, hamu nimariri kubha mughöröröku, tiyaanyi, amare nekwëndërëra ghwiköngʼi nibhönë ghaare Kirisito Yesu amberekeriire.

Abhabhiribhi 3:8

Koru taanyi ghayo agheene, amare nerighi ghoose kubha ghataanyi no obhwëra bho ghokera obhwëra obhokoro bho komumënya Kirisito Yesu, Omutëmi waane. Gho ghiri yaache, netighiri aghande ghoose. Neghoghabhara ghayo kinya abhuusa, kubha nibhe omooto o Kirisito,

Abheebhuraaniya 6:1

Gho ghiri iyo, totabha törëëndërëra ghusaagha mo‑ghaare tweghiri ighoro Kirisito hayo ekimbërë, amare twiköngʼi kwegha mbagha tuköngʼëri mo‑bhokumi. Totaabhëka wiiki obhoroso bho meeghi gha ghotuukuuna ighoro e maköri ghano ghaghughëri oroko na ghaare gha korekumi Eryobha.

Abhabhiribhi 2:12

Mbe, abhasiighani bhaane, hano neere bhowaanyu, moore moraresooka Eryobha chaasiko choose. Hangʼu hangʼu, koru ibheere hano neenyi kurë na niinyu mwiköngʼi ghuköra ghano gharëngʼaaniire mo‑bhaato bhano bhatooriibhu ne Eryobha. Mukörë ghayo gho ghosingisa kuno ghokorwera gho koretiina Eryobha.

Ruuka 10:42

Amare neenyi‑ho angʼana imu hangʼu ino ekwëndëru, wiiki n‑e hëënë ghokera ghoose. Mariyamu niyo ahwire, ghutëghëërëra angʼana yaane ino omooto wowoose ataaghotora komuhöka.”

2 Bheetero 3:8

Amare, abhasiighani bhaane, moteebhu angʼana ino kubha, kwo Mutëmi Waryobha, orosiko rumu n‑kinya emeeka egheku kimu, ne emeeka egheku kimu ghokooche n‑kinya orosiko rumu.

2 Abhakorinto 5:16

Gho ghayo, korwera ibheere totaakurëngi omooto wowoose kinya bhuno abhaato bhano bhataakomokumi Kirisito bhahaarëngi. Koru Kirisito totaakomurëngi wiiki gho nchëra iyo, nangabha eriibhagha nyarebhe ꞉ntuuköriri hangʼu.