Abhabhiribhi 2:7 - Eriiraghano Eriihë

⁷ Iwe ꞉naatighiri ghayo ghoose, aghitoora haase, akabha kinya omusësë, akiibhoru gho ghisösö ke mooto, akarighibhu kinya omooto.

Abhabhiribhi 2:7 Referans Kwoze

2 Abhakorinto 8:9

Ghokera ghayo, mweche kinya bhuno Omutëmi wiito Yesu Kirisito abhaheere aghareeya yaache. Nangabha are omwame, aghiiköri kubha muhabhe gho ghiri yaanyu, kubha gho nchëra e bhuhabhe bhooche, inyu mubhe abhaame.

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Abharuumi 8:3

Emeghiro ghe Musa ghetaare na changuru che ghototoora huuru, gho ghiri e simoka yiito e masari. Amare emeghiro ghiyo kino ghetaatoriri ghuköra, Eryobha ꞉ndiiköriri. ꞉Ndeetomiri Omoona waache omwene chiri, ache ghokwito mo‑se ino, anyi omooto kinya itu bhano toonyi na amasari, kubha abhe eriruusi gho ghiri e masari ghiito. Gho nchëra iyo, rekamutëma anchagho gho ghiri e masari gha bhaato.

Abhagharatiya 4:4

Amare eriibhagha rino rirënguru hano rehikiri, Eryobha rekamotoma Omoona waache mo‑se ino. Omoona waache akiibhoru no omukari kinya itu, akamanya haase e meghiro ghe Musa.

Abheebhuraaniya 4:15

Omuchaama Omokoro uyo niwe abhweche obhutöbhu bhwito, gho kubha woose Erishambu ꞉ndeemusakiri gho chanchëra haghare haghare kinya itu, amare iwe taaköriri amasari.

Abharuumi 15:3

Koru Kirisito woose, taaköriri amangʼana ghano ghakomotegheri iwe omwene chiri. Amare ꞉naaköriri kinya bhuno Amandëkö Amatööbhiyu ghakobhugha kubha, “Amatoki ghano bhaghoghotoka iye Waryobha, ngambwine eni, omwahöru waacho.”

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

Ruuka 22:27

Ibheere! N‑niwe omokoro ghokera abhande? N‑uno ikeere mo‑kiinyakurë, ghasi n‑uno akurëëta ekiinyakurë? Neghwituuri w‑wuure ikeere mo‑kiinyakurë. Koru hangʼu, eni neenyi ghate yaanyu, kinya omutamishi.

Abharuumi 15:8

Mohiite kubha, Kirisito ꞉niichiri kobhahökëri Abhayahuuti, abhëërëki kubha, Eryobha n‑de bhuhëënë, ꞉ndiiköriri gho nchëra e Kirisito ghoose ghano ꞉riiraghiri bhasookoro bhiito.

Abhabhiribhi 2:6

Nangabha iwe naare arëngʼiine ne Eryobha, akarighi taanyi bhoheene asaaghe aghöötëriire riyo.

Mataayo 12:18

“Mööhi, uno niwe omutamishi waane uno nemwahwire, Omosiighani waane uno aghuchömëri omotema waane. Neghotoora Akörö yaane ighoro yaache, kubha araghani obhuhëënë bhoone kwo matöngö ghoose.

Abheebhuraaniya 13:3

Mobhahiite bhano bhaanyi mo‑kibhöhö, mubhe kinya mubhöhuru haghirohamu nabho. Mobhahiite bhano bhakunyaaka, mubhe kinya mokunyaaka haghirohamu nabho.

Abharuumi 1:3

Angʼana Anchömu iyo n‑angʼana ighoro e Moona waache. Omoona uyo, ꞉niibhwiru kinya omooto mo‑rwibhoro ro mutëmi Tawuti,

Maariko 9:12

Nawe akabhagharokeri akabhugha, “M‑mahëënë, Eriya nakuucha singa ghuköra bhuhë amangʼana ghoose. Koru hangʼu, ngwake yandëkuru mo‑Mandëkö Amatööbhiyu kubha Omoona o Mooto, nakwëndëru abhönë anyaako ihaari chwee na ghuchëëru?

2 Abhakorinto 13:4

M‑mahëënë kubha Kirisito ꞉naamamburu mo‑bhutöbhu, amare ibheere m‑muhöru gho changuru che Ryobha. Hangʼu hangʼu na niitu m‑bhatöbhu toonyi kinya iwe, amare eriibhagha tokobhahökëri inyu, ntookubha abhahöru haghirohamu na iwe gho changuru che Ryobha.