Abhabhiribhi 2:29 - Eriiraghano Eriihë

²⁹ Momoturungʼanere gho ghuchömëru chwee, kinya omokumi mughëndi waanyu. Omooto wowoose uno anga kinya iwe, nekwëndëru momosooke,

Abhabhiribhi 2:29 Referans Kwoze

1 Timotewo 5:17

Abhagharuka bhano bhakwimeererera eriikanisa bhoheene, bhasooku na korehu bhoheene, ahanene bhano bhakwiruusi kuraghani na kweghi abhaato.

1 Abhatesaronike 5:12

Ibheere bhahiiri bhiito, ntokobhasabha mobhasooke bhano bhakobhatoori inyu, na kobhakangata kwo bhukangati bho Mutëmi Yesu na kobhatöngëra.

1 Abhakorinto 16:18

Mbasambaarokiri omotema waane, wiiki mbasambaarokiri ne emetema gheenyu. Gho ghayo, mobhamënyë bhoheene abhaato kinya bhayo.

Abharuumi 16:2

Neghusabha momughënëhi bhoheene, gho kubha woose n‑omokumi o Mutëmi Yesu. Momughënëhi kinya bhuno ekwëndëru ghate e bhakumi bha Yesu Kirisito. Wiiki, neghusabha kubha, momusakeri ghyokyose kino akwënda, gho kubha iwe woose ꞉naabhasakiiri abhaato bhaaru, koru eni woose.

2 Abhakorinto 10:18

Ino nekwërëki kubha, omooto wowoose uno akwihacha omwene taaghwisherereru, amare uno aghoghongibhu no Omutëmi, uyo niwe aghwisherereru.

1 Abhakorinto 16:10

Timotewo araacha bhowaanyu, momughënëhi bhoheene, kubha ikare ataanyi na ahaho, gho kubha iwe naghuköra emeremo ghe Mutëmi kinya eni.

3 Yohana 1:10

Gho ghayo, hano nekuucha iyo, nëghöghëërëkani ghoose ghano aghuköra, na kinya aghosiikëra obhughëëghë ighoro yiito kwo mangʼana amabhe. Taanyi ghayo agheene, amare nakwanga ghughënëhi abhahiiri bhiito bhano bhaanyi mo‑rughëndö. Wiiki nakurëki abhaato abhande bhano bhakwënda kobhaghënëhi, na kobhahëëbha bharu mo‑riikanisa.

Abheebhuraaniya 13:17

Mobhasooke abhakangati bhaanyu na ghughööta amaraghereri ghaabho, gho kubha nibho bhakobhanyaakera inyu ino bhataaghutamu, na mbakwëndëru ghutöngööchi emeremo gheebho ambërë e Ryobha. Gho ghayo mobhasooke, kubha bhakörë emeremo gheebho gho ghuchömëru, gho kubha aribha moraanga kobhasooka, mbaakubha bharaköra emeremo gheebho kwo macheeche, ne emeremo ghiyo ghetaakubha gherabhatoori inyu ghyokyose.

Abhakorosaayi 4:10

Arisitaariko, uno abhöhuru haghirohamu na neeni, nakobhakëëri. Maariko woose, omohiiri o Bharinaabha nakobhakëëri. Mosongʼaaniri amëërëkërëri ighoro yaache. Hano akohika bhowaanyu momughënëhi bhoheene.

2 Abhakorinto 7:2

Motuhë omweya mo‑metema gheenyu, gho kubha taanyi‑ho uno tomutasiiri, na taanyi‑ho uno tomunyahaariri mo‑mangʼana nyarebhe, hamu uno tomongʼiiniri.

Abharuumi 10:15

Wiiki nibhu abhaato bhaghotora ghuye kuraghani angʼana iyo aribha bhatatomuru? N‑kinya bhuno Amandëkö Amatööbhiyu ghakobhugha kubha, “Kuucha kwo mooto uno akurëëta Angʼana Anchömu, ngoghotegheri abhaato bhano bhakomutëghëërëra!”

Amaköri gha Bhatomu 28:10

Abhaato bhayo bhaghatosooka chwee. Hano toore tutanwire na ameeri ayende, bhaghatotoori gho ghotuha amënda ghano toore törëënda.

Amaköri gha Bhatomu 8:8

Gho ghayo, abhaato bha moghya uyo bhaghachömëru chwee.

Amaköri gha Bhatomu 2:46

Chaasiko choose mbaare bharatëmëërana haghirohamu Mwisëngërö. Mbaare bharasuura omughaate mo‑chanyumba cheebho, na kurë haghirohamu gho ghuchömëru na gho ghusambaaruka.

Yohana 13:20

Mahëënë ˆnekabhabhoorera, omooto wowoose uno akomosongʼaana uno netomiri, nasongʼaaniri na neeni. Hangʼu hangʼu, uno aghonsongʼaana eni, namosongʼaaniri Taata uno antomiri.”

Ruuka 9:5

Wiiki aka yoyoose ino abhaato bhaache bhataakobhaghënëhi, mohoroke‑mu, mwikongʼoote orotu runo roonyi mo‑maghoro ghaanyu. Gho ghuköra hangʼu, ibhe obhwibhateri ghokoobho, kubha Eryobha ˆrekabhaanga.”

Abhabhiribhi 2:28

Gho ghayo, nichömiiru chwee komotoma ache bhowaanyu, kubha hano mokomorighi, muchömëru, wiiki no omotema waane uhörëërë.