24 Wiiki neghwitëngʼëra kubha Omutëmi Yesu nakonyisherereri niiche bhowaanyu ghano matiko.
Amare, neghwitëngʼëra ghoghutaarera ghano matiko na ghosiikëra haghirohamu na niiye obhosho kwo bhosho.
Haghirohamu na ghayo, unsëëmërë ha kohikera, gho kubha neghwitëngʼëra kubha kwo masabhi ghaanyu, Eryobha ndeghontoori niiche bhowaanyu.
Ibheere neenyi na amangʼana maaru ghano nekwënda kobhabhoorera, amare nteekwënda kobhaandëkëra ghayo mo‑nyaarubha ino. Amare, neghwitëngʼëra kuucha kobhataarera na ghosiikëra haghirohamu na niinyu obhosho kwo bhosho, kubha ghuchömëru kwito kohikeerane.
Omutëmi Yesu arasiigha, neghwitëngʼëra komotoma Timotewo ghano matiko, ache bhowaanyu, kubha hano aghugharuka ino, na neeni netooru omukörö hano akubha araaha amangʼana ghaanyu.