Abhabhiribhi 2:21 - Eriiraghano Eriihë

²¹ Abhande bhoose mbaghotereera amangʼana ghaabho agheene, bhataaghotereera ghuköra ghano Kirisito Yesu akwënda.

Abhabhiribhi 2:21 Referans Kwoze

1 Abhakorinto 10:24

Omooto atatereera ghano ghakomusakeri iwe omwene hangʼu, amare atereere na ghano ghaghusakeri abhaghëndi bhaache.

Mataayo 16:24

Niho Yesu akabhabhoorera abhaanabheegha bhaache akabhugha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache, antambane.

Abhabhiribhi 2:4

Omooto woose atiheeebhera amangʼana ghaache omwene, amare wiiki ihëëbhërë amangʼana gha bhande.

2 Timotewo 3:2

Eriibhagha riyo, abhaato mbaakubha bharisiigha abheene, na mbaakubha abhasiighi bha chambiiri, na mbaakubha bhariirighi, na mbaakubha ne emitu miköngʼu, na mbaakubha abhaato bha matoki, na bhataakobhasooka abhiibhori bhaabho, na bhataanyi no oghwitabheri, na bhataanyi no omukörö mwero.

1 Abhakorinto 10:33

Mubhe kinya bhuno eni neenyi. Neghwiköngʼi ghuchömëri abhaato bhoose kwo mangʼana ghoose ghano neghuköra. Taanyi kubha neghuköra hangʼu, kubha nibhönë obhwëra eni mwene, amare neghuköra hangʼu kubha abhaato bhaaru bhabhönë obhwëra gho kubhöna obhotoori.

1 Abhakorinto 13:5

Obhosiighi mbokomuköra omooto abhe arabhasooka abhande, na atabha ariihëëbhëra amangʼana ghaache agheene, hamu ghukarara bhwango, hamu ghotoora amangʼana amabhe ghano omooto aghuköriire mo‑motema waacho.

Ruuka 14:26

“Omooto wowoose uno akwënda kubha omoonamwegha waane, nakwëndëru ansiighe eni ghokera ishe, na nyina, no omukari waache, na abhaana bhaache, na bhaömööbhö, koru atiisiigha omwene.

2 Timotewo 4:10

gho kubha Tema nantighiri. Iwe nasiighiri amangʼana gha se ino, naghiire mo‑moghya o Tesaronike. Kiresike iwe naghiire korihökëri Eryobha mo‑mukööwa o Gharatiya, na Tiito woose naghiire mo‑mukööwa o Tarimatiya.

2 Abhakorinto 1:5

Mbe, kebhuno tokwëndërëra kubhöna anyaako kinya bhuno Kirisito ꞉abhwine, hangʼu hangʼu Eryobha ndekwëndërëra ghotughambisani gho kohetera Kirisito.

2 Timotewo 4:16

Hano neere ndiitachura mwibharacha e kimbërë, taare‑ho koru umu uno ꞉imeeriire eribhaara reene, bhoose bhaghantigha. Neghusabha Eryobha retighe kobhabharera eriisari riyo.

Amaköri gha Bhatomu 15:38

Amare Bhawuro akarighi kubha taanyi kumangi bhahinane nawe, gho kubha naare abhatighiri mo‑mukööwa o Bhambiriya, akaanga kuhöki emeremo haghirohamu nabho.

Amaköri gha Bhatomu 13:13

Bhawuro na abhaghëndi bhaache bhaakaru hayo Bhaafo. Bhaghaköra orughëndö mo‑bhwato mbagha bhakahika mo‑moghya o Bhereghi mo‑mukööwa o Bhambiriya. Yohana Maariko iwe akabhatigha hayo, aghagharuka Yerusareemu.

2 Timotewo 1:15

Iye weeche kubha, abhaato bhoose bha mo‑mukööwa o Asiya mbantighiri. Ghate yaabho mbaanyi‑mu Bhighero na Herimoghene.