Abhabhiribhi 2:19 - Eriiraghano Eriihë

¹⁹ Omutëmi Yesu arasiigha, neghwitëngʼëra komotoma Timotewo ghano matiko, ache bhowaanyu, kubha hano aghugharuka ino, na neeni netooru omukörö hano akubha araaha amangʼana ghaanyu.

Abhabhiribhi 2:19 Referans Kwoze

1 Abhakorinto 4:17

Gho ghayo nemotomiri Timotewo, omoona waane omosiighani mo‑bhokumi, uno anyi omuhëënë mo‑meremo ghe Mutëmi. Iwe nakobhahiiti ghano eni neghutambana mo‑bhughöötani bhoone na Kirisito, ghano nekweghi abhaato ahaghiro hoose mo‑makanisa ghoose.

1 Abhatesaronike 3:2

tomotome Timotewo mohiiri wiito, kubha ache abhaköngʼi na kobhatoora omukörö mo‑bhokumi bhoonyu. Iwe n‑omutamishi mughëndi wiito o Ryobha gho kuraghani Angʼana Anchömu ighoro e Kirisito.

Abhabhiribhi 1:1

Anyaarubha ino neyandëkiri eni Bhawuro haghirohamu na Timotewo omutamishi mughëndi waane o Kirisito Yesu. Ntokobhaandëkëra inyu amasikoofu na amashemaasi, haghirohamu na abhatööbhiyu bha iyo Bhiribhi bhano mughöötaniibhu na Kirisito Yesu.

Abhabhiribhi 2:28

Gho ghayo, nichömiiru chwee komotoma ache bhowaanyu, kubha hano mokomorighi, muchömëru, wiiki no omotema waane uhörëërë.

Yakobho 4:15

Mokwëndëru, mubhe morabhugha, “Aribha Omutëmi arasiigha, ntookubha no obhuhöru na ntoghuköra kino hamu kiire.”

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

2 Abhatesaronike 1:3

Abhahiiri bhiito, nekwëndëru koriitabheri Eryobha eriibhagha ryose gho ghiri yaanyu, gho kubha obhokumi bhoonyu mbokwiyëëngëra chwee, wiiki ghosiighana koonyu ngokwiyëëngëra.

Abhaebheeso 1:13

Inyu bhoose abhaato bha matöngö, ꞉muughöötiine na Kirisito hano mooghwire angʼana e hëënë na koyekumi, niyo Angʼana Anchömu e bhotoori bhoonyu. Eryobha ryose gho kwërëki kubha inyu na abhaato bhaache moonyi, rekabhatoorera ekingʼöchö gho kobhaha Akörö Ahörëëru ino ꞉reeturaghiire.

Abharuumi 16:21

Timotewo, omutamishi omughëndi waane, nakobhakëëri. Wiiki, Abhayahuuti abhaghëndi bhaane, Rukiyo, na Yasooni na Sosibhaatiro, mbakobhakëëri.

Abharuumi 15:12

Koru omurööti Isaaya woose ꞉naabhughiri kubha, “Omooto umu, koru mo‑rwibhoro ro Yeese nakuucha, nawe naghukangata amatöngö ghoose. Na abhaato bha matöngö ghoose, mbakomwitëngʼëra kubha iwe nakobhatoori.”

Mataayo 12:21

Wiiki, abhaato bha matöngö mbaghwitëngʼëra eriina reeche.”

1 Bheetero 1:21

Kohetera gho Kirisito, mokorekumi Eryobha, rino remoryokiri koru mo‑bhaku na komuha obhokumi obhokoro. Gho ghayo, mokomokumi na koriitëngʼëra Eryobha.

Amaköri gha Bhatomu 16:1

Bhawuro aghaye mo‑meghya ghe Teeribhe na Risitura. Iyo Risitura naare‑ho omoonamwegha umu o Yesu, eriina reeche Timotewo. Nyina Muyahuuti are, woose naare amokumiri Yesu, amare ishe m‑Moyunaani are.

Abhabhiribhi 2:18

Na niinyu hangʼu hangʼu muchömëru, wiiki muchaghane haghirohamu na neeni.

1 Abhatesaronike 3:5

Hano nekeyuru ghoghumereri, nekamotoma Timotewo bhowaanyu, kubha nimënyë amangʼana gha bhokumi bhoonyu. ꞉Niiköriri hangʼu, gho kubha ꞉niituuriri kubha hande abhe Omoseeghereri wuure nabhasakiri na kobharumeeri. Ne emeremo ghiito ghyose ghino ꞉tuuköriri bhowaanyu, ghibhe ghe bhoowa.