Abhabhiribhi 2:13 - Eriiraghano Eriihë

¹³ Mbe, mukörë hangʼu gho kubha Eryobha niryo reghuköra emeremo moose yaanyu, kubha mosiighe na ghuköra amangʼana ghano resiighiri ghaköru.

Abhabhiribhi 2:13 Referans Kwoze

Abheebhuraaniya 13:21

Eryobha rebhakörë mohikeerane kwo mangʼana amachömu ghoose, mukörë ghano ghaanyi amiigha ghaache. Wiiki abhahë obhotoro bho ghuköra ghano ghakomuchömëri gho ghughöötana na Yesu Kirisito. Iwe aghongibhu emiishe ne emiishe. Hawubhaabha.

2 Abhakorinto 3:5

Taanyi kubha ntokwihëëbha ntoghotora ghuköra ghyokyose kwo bhotoro bhwito itu bheene, amare obhotoro bhwito mbookoru kwo Waryobha.

2 Timotewo 1:9

Iryo ꞉ndeetotooriri, reghatobherekera tubhe abhaana bhaache abhatööbhiyu. Retaaköriri hangʼu gho ghiri e maköri ghiito, amare ꞉ndiiköriri gho ghiri e miigha ghaache na aghareeya yaache. ꞉Ndeetoheere aghareeya iyo gho nchëra e Kirisito Yesu, koru ase ino ekeere ghutëëmu.

Abharuumi 9:16

Gho ghayo, Eryobha eryene niryo reghotora korigheri omooto changori, taanyi kebhuno omooto omwene akwënda hamu kinya aghuköra.

1 Abhakorinto 15:10

Amare aghareeya e Ryobha niyo inköriri eni kubha omotomu. Na aghareeya yaache ghokoone teere bhoowa, gho kubha kohetera aghareeya iyo niköriri emeremo ghokera abhatomu bhoose. Ntiköriri ghayo gho changuru cheene omwene, amare na aghareeya e Ryobha niyo iköriri emeremo haghirohamu na neeni.

Yohana 3:27

Yohana akabhagharokeri akabhugha, “Omooto taaghotora kubhöna egheghiro ghyokyose, aribha Eryobha retamoheere.

Abhaebheeso 1:11

Eryobha ndehaaköra ghoose kurëngʼaana na amënda ghaache. Iryo ndetwahwire itu Abhayahuuti korwera kare, kubha tubhe abhaato bhaache gho nchëra e ghughöötana kwito na Kirisito.

1 Abhakorinto 12:6

Wiiki ntoghuköra emeremo ghe manga maaru, amare Eryobha rino reghototoori itu ghuköra emeremo ghyose, n‑dimu.

2 Abhatesaronike 1:11

Gho ghayo, ntokobhasabhera chaasiko choose. Ntoghusabha Eryobha riito rebhabhare kubha murëngʼaanere ghwikara kinya bhuure ꞉reebhabherekiire. Wiiki ntokorisabha kubha, kwo bhotoro bhooche rehikeerani amangʼana machömu ghano mokwënda ghuköra na rehikeerani emeremo gheenyu ghyose ghe bhokumi.

Abhaebheeso 1:5

꞉nëëndiri korwera kare ghototoora itu, tubhe abhaana bhaache gho nchëra e Yesu Kirisito. ꞉Ndiiköriri hangʼu, gho ghuchömëru na kwënda kooche eryene.

Abhaebheeso 2:8

Mbe, hangʼu nibhu aghareeya e Ryobha ebhatooriri, gho nchëra e komokumi Yesu Kirisito. Obhotoori bhuyo bhotabhönëkiri gho ghwiköngʼi koonyu, Eryobha niryo retoheere kinya atuho.

Ruuka 12:32

“Motatiina, inyu erikinda isuuhu, gho kubha Iso waanyu uno anyi Mwishaaro nasiighiri kobhaha obhutëmi bhooche.

Abhaebheeso 1:9

Iryo ndehikeriini ghaare reere kwënda gho nchëra e Yesu Kirisito. ꞉Ndiiköriri hangʼu gho kubha, nibhu ꞉reesiighiri retumënyi amangʼana ghaache ghano reere rebhisiri.

Yohana 6:65

Mbe, akëëndërëra ghosiikëra arabhugha, “Gho ghayo, ˆnekabhabhoorera, taanyi‑ho omooto uno aghotora kuucha ghokoone, aribha Taata atamotooreriiri.”

Abharuumi 9:11

Amare, ebhisare bhiyo hano bheere bhekeere kwibhoru, na koru bhekeere ghuköra ghyokyose kibhe ghichömu hamu ekebhe, Eryobha rëkëërëki amënda ghaache gha kwahura,

Yohana 6:45

Yandëkuru mo‑Mandëkö Amatööbhiyu kubha, ‘Eryobha ndekobheeghi abhaato bhoose.’ Mbe, omooto wowoose uno aghutëghëërëra na kwegha koru gho Taata, nakuucha ghokoone.

1 Bheetero 1:3

Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.

Amaköri gha Bhatomu 11:21

Obhotoro bho Mutëmi mboore haghirohamu nabho, na abhaato bhaaru chwee bhakamokumi Omutëmi, bhakariigharurera Eryobha.

Ruuka 2:14

“Eryobha re Mwishaaro reghongibhu! No omurëmbë ubhe mo‑se yoose, kwo bhaato bhano Eryobha resiighiri!”

Abharuumi 12:3

Ibheere, Kirisito naaheere aghareeya nibhe omotomu waache. Gho ghayo, ˆnekabhoorera omooto woose kubha, atiirighi kubha nakurëngʼaanera ghokera kebhuno anyi, amare abhe na amangʼiini. Amare mubhe moriirighi kubha, omooto woose nahaabhuru obhokumi bhuure bhuure ne Eryobha.