Abhabhiribhi 1:8 - Eriiraghano Eriihë

⁸ Eryobha ndyeche kubha neghosiikëra obhuhëënë hano neghokumereri kubha neghwighomba korighani na niinyu wiiki. Nebhasiighiri inyu kwo bhosiighi bhuure bhuure kinya Kirisito Yesu abhasiighiri inyu.

Abhabhiribhi 1:8 Referans Kwoze

Abhabhiribhi 4:1

Gho ghayo, abhahiiri bhaane, muköngʼëri kimu kimu gho komwitëngʼëra Omutëmi. Nebhasiighiri na neenyi na amiigha gha korighani na niinyu, bhahiiri bhaane. Inyu niinyu moghughëri nichömëru, wiiki inyu na atuho yaane ino nihaabhuru mo‑meremo ghino ꞉niiköriri.

Abharuumi 1:9

Eryobha rino nekorihökëri kwo mukörö waane woose gho kuraghaneri abhaato Angʼana Anchömu e Moona waache, ndyeche kebhuno nekobhasabhera eriibhagha ryose.

2 Timotewo 1:4

Nekohiita changishori cheecho eriibhagha rino turaghiine. Neghwighomba chwee korighani na niiye wiiki, kubha nibhe no oghuchömëru kwaru.

1 Abhatesaronike 2:8

꞉Ntoobhasiighiri inyu chwee. Niho gho ghiri iyo, ꞉ntuuchömiiru teenyi gho kobhabhoorera Angʼana Anchömu e Ryobha okwene, amare wiiki na kwiruusi ghuköra ghoose ghano gharëngʼaaniire kobhasakeri, gho kubha mahëënë m‑bhasiighani bhiito moonyi.

Abharuumi 9:1

Kirisito neeche kubha kino neghosiikëra ibheere, n‑ke mahëënë. Koru omotema waane uno oghukangatu na Akörö Ahörëëru woose nokuhëënëhi kubha, nteeghosiikëra obhobhiihi.

Bhiremooni 1:12

Ibheere ˆnekamugharoki ghokoocho, iwe nemosiighiri kwo mukörö waane woose.

Abhakorosaayi 2:1

Mbe, nekwënda mumënyë kinya nekwinyaaki ighoro yaanyu na gho ghiri e bhakumi bhaare bhaanyi Rawotikiya, na kwo bhande bhoose bhano bhakeere kondighi eni.

Abhagharatiya 4:19

Abhaana bhaane, rino n‑eriibhagha erende wiiki ghokoone kooghu obhororo gho ghiri yaanyu, kinya bhuno obhosongo bhohaamure omukari uno anyi inda, eriibhagha re kwibhora. Nekwiyoghu hangʼu hangʼu, mbagha atëëmö e Kirisito erighibhu mo‑tëëmö yaanyu.

Abhagharatiya 1:20

Eryobha ndyeche kubha amangʼana ghano nekobhaandëkëra n‑gha hëënë, taanyi gha bhuröngö!

2 Abhakorinto 7:15

Obhosiighi bho Tiito ghokoonyu mbokwëndërëra kwëngëra, hano akohiita obhosooku bhoonyu bhoose na kinya bhuno momosongʼaaniri gho sooko na gho ghosingisa.

2 Abhakorinto 6:12

Itu totaamara totigha kobhasiigha inyu, amare inyu, motighiri ghotosiigha itu.

Ruuka 1:78

Eryobha riito, ndetoghweriire ebheghongi chwee. Obhotoori bhooche koru Mwishaaro, mboghotorwera ke mirëngaari,

1 Yohana 3:17

Omooto wowoose uno anyi no obhwame bho mo‑se ino, aramara amorighi mughëndi waache uno anyi na amënda, amare ange komorigheri changori komotoori, nibhu aghotora kobhugha kubha naanyi no obhosiighi bho Ryobha moose yaache?

Bhiremooni 1:20

Ibheere, mohiiri waane, unkörërë rino gho ghiri e Mutëmi. Uchömi omotema waane kinya omohiiri gho Kirisito angaköriri.

1 Abhatesaronike 2:5

Mweche kubha, totaare torabhugha amangʼana kubha motosiighe, koru ghosiikëra amangʼana ghano ghataanyi gha hëënë kubha tubhönë obhwëra. Eryobha n‑eriibhateri riito!

Abhakorosaayi 3:12

Ibheere gho kubha inyu n‑abhaahöru bha Ryobha moonyi, na abhatööbhiyu bhano mosiighuru, mubhe no omotema o bheghongi, na atëëmö e bhuhöriicho, no obhunyööhu, no obhuhörëëru, no obhoghumereri.

Abhabhiribhi 2:26

ˆNekamwisherereri ache gho kubha, iwe naanyi na amiigha gha korighani na niinyu bhoose, wiiki omotema waache witumatiri, gho kubha ꞉mooghwire amangʼana kubha, naare mubhabharu.

Abhabhiribhi 2:1

Mbe, erabha motooruru omukörö kubha inyu na abhaato bha Kirisito moonyi, erabha wiiki moghughambisanu no obhosiighi bhooche, wiiki erabha moonyi no obhughöötani na Akörö Ahörëëru, ne erabha wiiki mosiighiru na korigheru changori na Kirisito,

2 Abhakorinto 13:9

Ntoghuchömëru hano tookubha abhatöbhu, amare inyu moonyi na changuru. Ntokorisabha Eryobha rebhatoori mubhe bhaghöröröku.

Abhagharatiya 3:26

Ibheere inyu bhoose n‑abhaana bha Ryobha moonyi gho nchëra e ghokumi koonyu, gho kubha mughöötiine na Kirisito Yesu.