Abhabhiribhi 1:27 - Eriiraghano Eriihë

²⁷ Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

Abhabhiribhi 1:27 Referans Kwoze

Abhaebheeso 4:1

Mbe, eni uno nibhöhuru gho ghiri e komuhökëri Omutëmi, nekobhasasaama mubhe na asughara ino ekurëngʼaana na amberekerera yaanyu ino Eryobha ꞉reebhabherekeriire.

1 Abhakorinto 1:10

Ibheere, bhahiiri bhaane, nekobhasasaama kwo riina re Mutëmi wiito Yesu Kirisito kubha, motabha moraheteerana mo‑maghamba. Motaanga kubha no obhoghwani ghate yaanyu, amare mubhe bhamu mo‑ghano mokwënda na mo‑ghano mokwihëëbha.

2 Bheetero 3:14

Gho ghayo abhasiighani bhaane, eriibhagha moghughanya orosiko ruure, mukörë ghwiköngʼi araacha kuucha abhönë moonyi no omukörö mwero motaanyi ne eriisari ambërë e Ryobha, na mubhe no omurëmbë.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Yuuta 1:3

Abhasiighani bhaane, ꞉niighombiri chwee kobhaandëkëra ighoro e bhotoori bhuno toghusanga itu bhoose. Amare nerooche kubha nekwëndëru nebhaandëkërë anyaarubha ino, nebhasasaame kubha, mwiköngʼi ghochonga obhuhëënë bho bhokumi bhuno Eryobha rebhaheere abhaato bhaache abhatööbhiyu mara rimu hangʼu kwo riibhagha ryose.

1 Abhatesaronike 4:1

Ibheere bhahiiri bhiito, mweghiri koru ghokwito bhuno mokwëndëru kumanya, gho ghiri e korichömëri Eryobha. Na mahëënë eriimanya reenyu hangʼu reenyi. Ibheere, ntokobhasabha na ntokobhasasaama kwo bhukangati bho Mutëmi Yesu kubha, mubhe moraköra hangʼu na ghokera hayo.

Abhabhiribhi 2:12

Mbe, abhasiighani bhaane, hano neere bhowaanyu, moore moraresooka Eryobha chaasiko choose. Hangʼu hangʼu, koru ibheere hano neenyi kurë na niinyu mwiköngʼi ghuköra ghano gharëngʼaaniire mo‑bhaato bhano bhatooriibhu ne Eryobha. Mukörë ghayo gho ghosingisa kuno ghokorwera gho koretiina Eryobha.

Abhabhiribhi 3:18

Nimariri kobhabhoorera mara kaaru angʼana ino, ibheere ˆnekayigharukera wiiki koru gho changishori, kubha, mbaanyi‑ho abhaato bhaaru bhano bhamanyiri kinya abhabhisa bha bhotoori bho Kirisito, bhuno ꞉bhoorweriire mo‑musarabha.

2 Abhakorinto 13:11

Ibheere, abhahiiri bhaane, masaraamu! Mubhe bhaghöröröku, na mwighambisani, na mubhe no obhumu, na mubhe no omurëmbë. Eryobha ryose rino reenyi no obhosiighi no omurëmbë ndeekubha haghirohamu na niinyu.

Amaköri gha Bhatomu 4:32

Abhakumi bhayo bhoose mbaare bhaghöötiine korwera mo‑metema na mo‑miihëëbhö ghaabho. Taanyi‑ho mooto uno ꞉ighombiire ebheghiro bheeche kubha m‑bhebheeche omwene, amare ꞉mbaaghöötiini ebheghiro bheebho bhyose.

2 Bheetero 3:11

Mbe, gho kubha ebheghiro bhyose mbeghosireekereru gho nchëra iyo, inyu mokwëndëru kumanya imanya ke mo‑se ino? Mokwëndëru kumanya eriimanya eritööbhiyu na re koresooka Eryobha.

1 Abhakorinto 15:58

Mbe, abhahiiri bhaane abhasiighani, muköngʼëri mo‑bhokumi bhuyo, motaku omukörö. Mwëndërërë ghuköra emeremo ghe Mutëmi gho ghwiköngʼi chaasiko choose, gho kubha mweche kubha emeremo ghino moghuköra gho ghiri e Mutëmi, ghetaanyi ghe bhoowa.

Abharuumi 1:16

Eni nteekorighi chaasoni kuraghani Angʼana Anchömu iyo, gho kubha nibho obhotoro bho Ryobha bhuno bhoghotoori abhaato bhoose bhano bhakomokumi Yesu, korwera mo‑Bhayahuuti mbagha mo‑bhaato bha matöngö.

Yakobho 3:18

Abhaato bha murëmbë, bhareemi chaatëtërë che murëmbë, mbaghughësa obhuhëënë.

Bhiremooni 1:5

gho kubha nekooghu kubha nokwëndërëra komokumi Omutëmi Yesu na kobhasiigha abhatööbhiyu bhoose.

Tiito 2:10

Wiiki bhatabha abhiibhi, amare bhabhe abhahëënë inkongʼorimu, kubha emeremo gheebho ghyose, ghighëri abhande bharutu na ameeghi gha Waryobha Omotoori wiito.

2 Timotewo 4:7

Nirööniri eriihë inchömu re bhokumi, nimariri orughëndö roose, na nechongiri obhuhëënë bho bhokumi bhwito.

1 Timotewo 1:19

Gho ghayo, ughöötërërë obhokumi na kubha no omotema omuchömu. Abhaato abhande bhatatereeriri ghuköra ghaare bheeche kubha n‑gha hëënë, ghayo ngabhaköriri bhasari obhokumi bhoobho.

1 Timotewo 1:11

Ameeghi ghayo gha hëënë ngahaabhönëka mo‑Ngʼana Anchömu, ino ekwërëki obhokumi obhokoro bho Ryobha rino reghoghongibhu. Angʼana iyo niyo ꞉niihaabhuru ne Eryobha neyiraghani.

Amaköri gha Bhatomu 2:46

Chaasiko choose mbaare bharatëmëërana haghirohamu Mwisëngërö. Mbaare bharasuura omughaate mo‑chanyumba cheebho, na kurë haghirohamu gho ghuchömëru na gho ghusambaaruka.

Mataayo 12:25

Yesu ꞉naamënyiri ghano ꞉bhaare bhariihëëbha, akabhabhoorera akabhugha, “Aribha abhaato bha bhutëmi bhumu bharataana, obhutëmi bhuyo mboghughö. Wiiki, aribha abhaato bha moghya umu hamu anyumba imu bharaanga koghwana, mbaghusancha.

1 Abhatesaronike 3:6

Ibheere Timotewo hano ichiri koru bhowaanyu, aghatobhoorera amangʼana amachömu gha bhokumi no obhosiighi bhoonyu. Aghatobhoorera kubha ˆmoghotohiita chwee gho chaasiko choose, wiiki mubheere na amiigha gha ghotorighi, kinya bhuure itu tubheere na amiigha gha kobharighi.

Abhakorosaayi 1:4

Ntoghuköra hangʼu gho kubha ntooghwire kebhuno momokumiri Kirisito Yesu, na kinya obhosiighi bhoonyu bhoonyi kwo bhaato bhaache.

Abhabhiribhi 2:24

Wiiki neghwitëngʼëra kubha Omutëmi Yesu nakonyisherereri niiche bhowaanyu ghano matiko.

Abhaebheeso 1:15

Nekoriitabheri Eryobha gho ghiri e mangʼana ghoose ghano ꞉reetuköriire. Korwera hano nyoghwire kebhuno momokumiri Omutëmi Yesu, na kinya obhosiighi bhoonyu bhoonyi kwo bhaato bhaache,

Abhaebheeso 1:13

Inyu bhoose abhaato bha matöngö, ꞉muughöötiine na Kirisito hano mooghwire angʼana e hëënë na koyekumi, niyo Angʼana Anchömu e bhotoori bhoonyu. Eryobha ryose gho kwërëki kubha inyu na abhaato bhaache moonyi, rekabhatoorera ekingʼöchö gho kobhaha Akörö Ahörëëru ino ꞉reeturaghiire.

Abhagharatiya 1:7

Obhuhëënë n‑kubha teenyi‑ho Angʼana Anchömu ayende. Amare mbaanyi‑ho abhaato bhano bhakobhabhurugha na mbakwënda ghugharura Angʼana Anchömu ighoro e Kirisito.

2 Abhakorinto 9:13

Emeremo ghiyo ngekwërëki kubha inyu n‑abhatamishi bhachömu, na kohetera ghayo, abhaato mbakoreghongi Eryobha. Mbakoreghongi gho ghiri mbakorighi kebhuno mokoyesooka Angʼana Anchömu ighoro e Kirisito. Wiiki mbakoreghongi hano bhakorighi obhusambaaroku bhoonyu gho nchëra e ghusanga ebheghiro bheenyu haghirohamu nabho na abhande bhoose.

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

Abharuumi 15:29

Kwo riibhagha rino neekubha neenyi hayo, nyeeche kubha Kirisito naghotwitabheri itu bhoose.

Abharuumi 15:16

kubha nibhe omutamishi o Kirisito Yesu kwo bhaato bha matöngö. Nihaabhuru emeremo ghe bhuchaama ghe kobharaghaneri Angʼana Anchömu koru kwo Waryobha, kubha bhabhe kinya amaruusi ghano ghakoretegheri Eryobha, ghano ghamusuru na Akörö Ahörëëru.

Abharuumi 10:8

Amare Amandëkö Amatööbhiyu ngakobhugha, “Angʼana e Ryobha neenyi haghuhe na niiye, neenyi mo‑monu waacho na mo‑motema waacho.” Ibheere, angʼana iyo niyo ino tokuraghani ighoro e komokumi Yesu Kirisito.

Abharuumi 1:9

Eryobha rino nekorihökëri kwo mukörö waane woose gho kuraghaneri abhaato Angʼana Anchömu e Moona waache, ndyeche kebhuno nekobhasabhera eriibhagha ryose.

Abharuumi 1:5

Gho kohetera ghokooche Eryobha ndeheere aghareeya e kubha omotomu o Mutëmi Yesu, kubha nebharaghaneri Angʼana Anchömu abhaato bhoose bha matöngö, bhabhönë komokumi na komosooka.

Amaköri gha Bhatomu 24:24

Chaasiko insuuhu chiiche koheta, Bheriki akaacha haghirohamu na mukaache Turusira, uno are Omuyahuuti. Niho aghatomani bhamobherekere Bhawuro. Hano Bhawuro ahikiri, aghasëëma kobhabhoorera ighoro e komokumi Kirisito Yesu.

Abhabhiribhi 1:5

gho kubha inyu mughöötiine na neeni gho kuraghani Angʼana Anchömu korwera orosiko runo ꞉mooghwire na koyekumi mbagha reero ino.

Abhabhiribhi 3:20

Amare, itu n‑abhiikari bha Mwishaaro toonyi na ntoghwitëngʼëra kwo miigha chwee Omotoori, Omutëmi wiito Yesu Kirisito, ache koru iyo.

Abhabhiribhi 4:1

Gho ghayo, abhahiiri bhaane, muköngʼëri kimu kimu gho komwitëngʼëra Omutëmi. Nebhasiighiri na neenyi na amiigha gha korighani na niinyu, bhahiiri bhaane. Inyu niinyu moghughëri nichömëru, wiiki inyu na atuho yaane ino nihaabhuru mo‑meremo ghino ꞉niiköriri.