Abhabhiribhi 1:21 - Eriiraghano Eriihë

²¹ Ghokoone eni obhuhöru n‑gho Kirisito. Wiiki neraku, ghoku koone n‑obhwëra.

Abhabhiribhi 1:21 Referans Kwoze

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

2 Abhakorinto 5:8

Hëënë ntoonyi ne eriitëngʼërö, wiiki ntokorighi n‑ngʼoni ntongatighiri emebhere ghino, toghi ghwikara no Omutëmi.

2 Abhakorinto 5:1

Emebhere ghiito n‑kinya ekebhuru ke riibhagha ighuhe mo‑se muno. Amare ntweche kubha, hano gheghusarëka, Eryobha ndeghotuha chanyumba chino cheenyi Mwishaaro emiishe ghyose, chino chetaakwabhëku na amabhökö gha bhaato.

Abhabhiribhi 1:23

Nekorutu ghate e mangʼana abhere. Neghwighomba koru mo‑se ino, niikare haghirohamu na Kirisito. Rino niryo nekorighi ichömu chwee ghokoone.

Abhakorosaayi 3:4

Obhuhöru bhoonyu mbokurëëtu na Kirisito. Eriibhagha rino akorighibhu, niho na niinyu moghusanga haghirohamu nawe mo‑bhokumi bhooche obhokoro.

2 Abhakorinto 5:6

Ibheere, eriibhagha ryose ntoonyi ne eriitëngʼërö, nangabha tweche kubha, eriibhagha toonyi mo‑mebhere ghino, ntoonyi kurë no Omutëmi.

Abhabhiribhi 1:20

Neghwighomba kwo miigha chwee na neghwitëngʼëra kubha, nteeghosookibhu gho nchëra yoyoose yiire. Ibheere kinya eriibhagha erende, nekwëndërëra ghwiköngʼi kwo bhosubhesubhe kubha, Kirisito aghongibhu mo‑ghoose ghano neghuköra, ibhe n‑ghusaagha neenyi muhöru, hamu ghoku.

Obhohunyurëru 14:13

Nekooghu eriiraka koru Mwishaaro, rerabhugha, “Andëka hangʼu, korwera ibheere, ngʼoni abhaato bhoose bhano bhakuure ino bharamokumi Omutëmi Yesu.” Ekamara Akörö e Ryobha ekabhugha, “Hee, m‑mahëënë! Bhatore koweera kurëngʼaana ne emeremo gheebho emiköngʼu, gho kubha mbakubhöna atuho kwo maköri ghaabho amachömu.”

Abhagharatiya 6:14

Amare eni nteekwënda kubha ne egheghiro ghe kwihachera, nanyinga oroko ro Mutëmi wiito Yesu Kirisito mo‑musarabha. Kurëngʼaana na oroko rooche, amangʼana ghoose gha se ino ghataanyi no obhwëra bhobhoose ighoro yaane. Eriimanya reene re kare, ꞉ndiimamburu nawe mo‑musarabha.

1 Abhakorinto 1:30

Eryobha niryo rekobhaghöötani inyu na Kirisito Yesu. Iryo ndiköriri Kirisito abhe amangʼiini ghiito. Niko kobhugha kubha gho nchëra e Yesu ntobheere bha hëënë ambërë e Ryobha, na ntobheere abhatööbhiyu, wiiki ntoghotingoribhu.

Abhabhiribhi 2:21

Abhande bhoose mbaghotereera amangʼana ghaabho agheene, bhataaghotereera ghuköra ghano Kirisito Yesu akwënda.

1 Abhakorinto 3:22

ibhe neeni Bhawuro, abhe n‑Abhooro, hamu Keebha. Wiiki Eryobha ndebhaheere ebheghiro bhyose kobhatoori, bhibhe bhe hano mo‑se, hamu obhuhöru, hamu oroko, bhibhe bhino bheenyi‑ho ibheere, hamu bhino bheekubha‑ho, bhyose m‑bhebheenyu.

Abhabhiribhi 1:22

Amare nërëëndërëra kumanya mo‑se, nekwëndërëra korighi amakorobhese gha meremo gheene ghino neghuköra. Ibheere nyaahure riihë? Koru ntyeche!