Abhabhiribhi 1:20 - Eriiraghano Eriihë

²⁰ Neghwighomba kwo miigha chwee na neghwitëngʼëra kubha, nteeghosookibhu gho nchëra yoyoose yiire. Ibheere kinya eriibhagha erende, nekwëndërëra ghwiköngʼi kwo bhosubhesubhe kubha, Kirisito aghongibhu mo‑ghoose ghano neghuköra, ibhe n‑ghusaagha neenyi muhöru, hamu ghoku.

Abhabhiribhi 1:20 Referans Kwoze

1 Bheetero 4:16

Amare wowoose uno akunyaaka gho kubha m‑Mokirisito, atarighi chaasoni. Amare areghongi Eryobha gho kobherekeru eriina riyo.

1 Abhakorinto 6:20

gho kubha moghoruru kwo riighori ikoro. Mbe, moreghongi Eryobha mo‑mebhere gheenyu.

1 Abhatesaronike 5:23

Eryobha eryene niryo reghotuha omurëmbë, rebhamuse inyu mo‑ghoose. Reghechonge emetema gheenyu no obhuhöru bhoonyu ne emebhere gheenyu, kubha mubhe motaanyi ni isörö mbagha kohikera eriibhagha re kuucha Omutëmi wiito Yesu Kirisito.

1 Yohana 2:28

Ibheere abhaana bhaane abhasiighani, mwëndërërë kubha no obhumu na Kirisito, kubha araacha korighibhu wiiki, tubhe no obhosubhesubhe ambërë yaache, totiibhisa gho chaasoni.

Abhabhiribhi 2:17

Koru erabha obhuhöru bhoone bhoraruusibhu kinya amaruusi gha kunywebhu, haghirohamu no obhokumi bhoonyu bhuno bhoghuköru amaruusi ambërë e Ryobha, eni neghuchömëru, oghuchömëru kuyo ngoghusanga haghirohamu na niinyu bhoose.

Abharuumi 8:19

Ebheghiro bhyose bhino ꞉bhiitëëmuru, mbeghughanya kwo miigha chwee eriibhagha rino Eryobha rekuucha kwërëkani abhaana bhaache.

2 Abhakorinto 10:8

Hamwabhe mokorighi kubha, nekwihacha ghokera ekirëngërë ighoro e bhotoro bhuno Omutëmi atoheere. Amare koru hangʼu, nteekorighi chaasoni, gho kubha obhotoro bhuyo bhotaakobhasari, amare mbokobhaköngʼi mo‑bhokumi.

2 Abhakorinto 4:10

Chaasiko choose emebhere ghiito ngeenyi mo‑tabhaaribhaari e roko kinya Yesu, kubha obhuhöru bho Yesu, bhorighibhu mo‑mebhere ghiito.

1 Abhakorinto 7:34

amiihëëbhö ghaache ngaakubha chambaara ibhere. Nawe omukari uno atakwiruru, koru omuukë uno atamweche omosubhe nahahöki emeremo ghe Mutëmi kubha abhe omutööbhiyu mo‑mobhere na akörö. Amare omukari uno akwiruru, nahanyaakera amangʼana gha riimanya re mo‑se ino, ariituuri kinya bhuno akomotegheri omosubhe waache.

Abharuumi 5:5

Amiitëngʼërö ghayo ghataaghotora ghotosooki, gho kubha Eryobha ndehomiri obhosiighi bhooche mo‑metema ghiito, kohetera Akörö yaacheAhörëëru.

Abhakorosaayi 1:24

Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

Abharuumi 12:1

Ibheere abhahiiri bhaane, mweche kebhuno Eryobha reghotorigheri changori. Gho ghayo, ˆnekabhasasaama kubha, moruusi eriimanya reenyu kwo Waryobha. Mubhe kinya amaruusi ghano ghaanyi amahöru, na amatööbhiyu, ghano ghakoretegheri Eryobha. Ghuköra hangʼu, niyo anchëra e hëënë e korisëngëra.

Abhabhiribhi 1:14

Haghirohamu na ghayo, nyeeche kubha okubhöhu koone ino, nkobhaköriri abhakumi bhaghëndi bhiito bhaaru bhaköngʼi chaakörö kwo Mutëmi Yesu, koru mbakobharaghaneri abhaato angʼana e Kirisito kwo bhosubhesubhe, koru bhataanyi na ahaho.

2 Abhakorinto 7:14

Eni ꞉neebhaghongiri chwee ambërë yaache, na niinyu motanköriire chaasoni. Ghoose ghano toore torabhabhoorera ngaare gha hëënë. Hangʼu hangʼu, na ghano ꞉toobhaghongiiri inyu gho Tiito, ghoose ꞉ngaarighiibhu kubha n‑gha mahëënë.

2 Abhakorinto 5:15

Iwe ꞉naakuure gho ghiri e bhaato bhoose, kubha bhano bhaanyi abhahöru bhatighe kumanya gho ghiri yaabho abheene, amare gho ghiri e uno akuure na koryoka gho ghiri yaabho.

1 Abhakorinto 15:31

Abhahiiri bhaane, chaasiko choose eni neenyi mo‑bhobhe bho roko. Na rino n‑de hëënë, kinya bhuno nekwihacha gho ghiri yaanyu gho kubha mughöötiine na Kirisito Yesu Omutëmi wiito.

Abharuumi 9:33

kinya bhuno Eryobha ꞉reebhughiri mo‑Mandëkö Amatööbhiyu kubha, “Mööhi, netooriri eriibhohe Sayuuni. Eriibhohe riyo niryo reghughëri abhaato bhariituuratuura, na abhaato abhabhe bharagho. Amare omooto wowoose uno akomokumi uyo anyi eriibhohe riyo, taaghosookibhu!”

Abharuumi 6:19

Nesiikiire na niinyu gho kuhökëri eghetuubhaani kino ke bhasësë, gho kubha inyu motaanyi bhango kumënya. Kare, moore moraruusi ebhyemo bheenyu gho ghuköra amangʼana amaghonchu, na moore abhasësë bha amasari, na amasari ghaanyu ꞉ngiiyëëngiire chwee. Amare ibheere, moriiruusi ebhyemo bheenyu kwo Waryobha, mubhe abhasësë bha mangʼana gha bhuhëënë, kubha morihökëri Eryobha gho körö imu.

Abharuumi 6:13

Motiishereri ebhyemo bhyobhyose bhe mebhere gheenyu bhihökëru gho ghiri e masari kinya ebheghiro ebhebhe, amare mwiruusi kwo Waryobha. Mwirighi kubha moonyi abhaato bhano bharyokiibhu koru mo‑bhaku, na ghusöhibhu mo‑bhuhöru obhuhë. Mwiruusi kwo Waryobha, ne ebhyemo bhyose bhe emebhere gheenyu bhibhe bherarikörëra emeremo kinya ebheghiro ebhihëënë.

Amaköri gha Bhatomu 21:13

Amare aghatugharokeri akabhugha, “Ghwake mokorera na kwënda koonyita omukörö? Kana eni niisheriiri kubhöhu, koru ghwitu iyo Yerusareemu gho ghiri e riina re Mutëmi Yesu.”

Amaköri gha Bhatomu 20:24

Koru neraku, taanyi gheghiro ghokoone. Kino nekwënda nehikeerani omoremo uno Omutëmi Yesu aheere nikörë. Omoremo uyo, n‑kuraghaneri abhaato Angʼana Anchömu e ghareeya e Ryobha.

Yohana 21:19

Yesu ꞉naabhughiri hangʼu kwërëki kinya Bheetero akuucha ghoku na koreghongi Eryobha. Mbe, Yesu akamobhoorera Bheetero akabhugha, “Ntambane.”

Amaköri gha Bhatomu 4:31

Hano bhamariri ghusabha Eryobha, anyumba ino ꞉bhaare bhatëmëëraniire‑mu eghasingisu. Bhoose bhayo bhaghiichoribhu Akörö Ahörëëru, bhaghasëëma kweghi abhaato angʼana e Ryobha kwo bhosubhesubhe.

2 Abhakorinto 3:12

Ibheere, gho kubha riyo niryo eriitëngʼërö riito, ntokuhöki totaanyi no obhotiini.

2 Abhakorinto 7:4

Neenyi no obhosubhesubhe chwee hano neghosiikëra na niinyu, wiiki nekwihacha chwee gho ghiri yaanyu. Mungambisiini chwee na muköriri nibhe na ghuchömëru kwaru, nangabha tokunyaaka mo‑maaru.