Abhabhiribhi 1:13 - Eriiraghano Eriihë

¹³ Abhachongi bhoose bha nyumba e ghitëmi, haghirohamu na abhande bhoose bhano bhaanyi hano, mbeeche kubha nibhöhuru gho kubha nekomuhökëri Kirisito.

Abhabhiribhi 1:13 Referans Kwoze

2 Timotewo 2:9

Gho ghiri e ngʼana iyo, eni nekunyaaka na nibhöhuru ne eminyörörö kinya omuköri o mabhe. Amare angʼana e Ryobha teeghotora kubhöhu.

Abhaebheeso 3:1

Kurëngʼaana na amangʼana ghayo, eni Bhawuro nekobhasabhera. Eni nibhöhuru gho ghiri emeremo ghino Kirisito Yesu aheere nebharaghaneri inyu abhaato bha matöngö.

Abhabhiribhi 1:7

N‑kumangi niituuri hangʼu ighoro yaanyu, gho kubha moonyi mo‑motema waane. Musangiri aghareeya e Ryobha haghirohamu na neeni, erabha nibhöhuru hamu erabha nekwibhateri na koyihëënëhi Angʼana Anchömu.

Abhaebheeso 6:20

Eni n‑omuraghani o Ngʼana Anchömu ighoro e Yesu Kirisito, na iyo niyo ighëriri nibhe mo‑kibhöhö. Mbe, munsabhere kubha netore kuraghani kwo bhosubhesubhe kinya bhuno nekwëndëru.

Amaköri gha Bhatomu 26:29

Mbe, Bhawuro akamugharokeri akabhugha, “Nengabha kwo mangʼana masuuhu, hande maaru, neghusabha Eryobha ighoro yaacho, n‑ighoro e bhaato bhoose bhano bhaghuntëghëërëra reero, kubha mubhe kinya eni neenyi, amare etabha mo‑minyörörö ghino.”

Abhabhiribhi 4:22

Wiiki abhatööbhiyu bhoose bha Yesu Kirisito bhano bhamanyiri mo‑moghya uno mbakobhakëëri, koru bhano bhaanyi mo‑nyumba e Kayisaari.

Amaköri gha Bhatomu 28:30

Bhawuro akamara emeeka ebhere ikeere mo‑nyumba iyo arayerehera, anyi omwene chiri. Bhoose bhano ꞉bhaare bharamutambana, akabha arabhaghënëhi muyo.

Amaköri gha Bhatomu 28:20

Kurëngʼaana na ghayo, nigho ghaghëriri nebhabherekere, gho ghiri tosiikërë haghirohamu. Angʼana ino nibhöhiiru eminyörörö ghino, n‑gho kubha nekomokumi Kirisito uno anyi eriitëngʼërö re Abhiisiraeri bhoose.”

Amaköri gha Bhatomu 28:17

Hano chehetiri chaasiko ishato, akabhabherekera abhakoro bha Bhayahuuti bha hayo. Bhaache ghwikomana akabhabhoorera akabhugha, “Inyu bhahiiri bhaane, ntitaasiiri omooto wowoose o ritöngö riito, koru chaasughara chino tootighiiru na bhasookoro bhiito. Amare ꞉niighööturu iyo Yerusareemu, neghatooru mo‑mabhökö gha Bharuumi.

Amaköri gha Bhatomu 26:31

Hano ꞉bhaare bhararu hayo, bhakabhoorani bharabhugha kubha, “Omooto uno, taaköriri ghyokyose kino kengaghëriri itu, koru kubhöhu.”

Abhaebheeso 4:1

Mbe, eni uno nibhöhuru gho ghiri e komuhökëri Omutëmi, nekobhasasaama mubhe na asughara ino ekurëngʼaana na amberekerera yaanyu ino Eryobha ꞉reebhabherekeriire.

Abhabhiribhi 1:30

Eriihë reenyu n‑diire riire neere nerarööna naryo, kinya morooche. Wiiki koru ibheere mokooghu kubha nekwëndërëra kurööna.