3 Yohana 1:8 - Eriiraghano Eriihë

⁸ Gho ghayo, itu ntokwëndëru kobhatoori abhaato kinya bhayo. Gho ghuköra hangʼu, ntookubha tughöötiine haghirohamu nabho mo‑meremo ghe kuraghani obhuhëënë.

3 Yohana 1:8 Referans Kwoze

3 Yohana 1:10

Gho ghayo, hano nekuucha iyo, nëghöghëërëkani ghoose ghano aghuköra, na kinya aghosiikëra obhughëëghë ighoro yiito kwo mangʼana amabhe. Taanyi ghayo agheene, amare nakwanga ghughënëhi abhahiiri bhiito bhano bhaanyi mo‑rughëndö. Wiiki nakurëki abhaato abhande bhano bhakwënda kobhaghënëhi, na kobhahëëbha bharu mo‑riikanisa.

Bhiremooni 1:24

Wiiki abhatamishi bhaghëndi bhaane Maariko, na Arisitaariko, na Tema, na Ruuka, mbaghoghukëëri.

Bhiremooni 1:2

Ntokomukëëri no omosubhaati wiito Abhiya no omurööni o riihë mughëndi wiito Arikibho, haghirohamu na abhakumi bhano bhaghwikomana mo‑nyumba yaacho.

1 Abhatesaronike 3:2

tomotome Timotewo mohiiri wiito, kubha ache abhaköngʼi na kobhatoora omukörö mo‑bhokumi bhoonyu. Iwe n‑omutamishi mughëndi wiito o Ryobha gho kuraghani Angʼana Anchömu ighoro e Kirisito.

Abhakorosaayi 4:11

Yesu woose uno akobherekeru Yusito, nakobhakëëri. Mo‑Bhayahuuti bhano bhamokumiri Kirisito, m‑bhano abheene nibho bhaghuköra emeremo ghe bhutëmi bho Ryobha haghirohamu na neeni. Ibho mbangambisiini chwee.

Abhabhiribhi 4:3

Koru iye uno onyi omutamishi omughëndi waane omuhëënë, neghusabha obhasakeri abhakari bhayo bhabhere bhabhe no obhoghwani. Bhayo bhoose bhabhere ꞉mbiiköngʼiri chwee haghirohamu na neeni kuraghani Angʼana Anchömu e Yesu Kirisito mo‑bhaato. Wiiki abhakari bhayo mbaare bharaköra emeremo haghirohamu na Kireementi na abhahöki bhaghëndi bhaane abhande. Amariina gha bhaato bhayo bhoose ngaandëkuru mo‑Ghitabhu ke Bhuhöru.

2 Abhakorinto 8:23

Ibheere aribha omooto akwënda kumënya amangʼana gha Tiito, iwe m‑mughëndi waane, uno aghuköra emeremo haghirohamu na neeni gho ghiri e kobhasakeri inyu. Na aribha omooto akwënda kumënya amangʼana gha bhande bhano bhiichiri haghirohamu nawe, bhayo n‑abhahiiri bhiito, mbatomuru na amakanisa, bhoose mbakomoghongi Kirisito.

2 Abhakorinto 6:1

Ibheere, gho kubha ntokuhöki emeremo haghirohamu ne Eryobha, ntokobhasasaama kubha aghareeya e Ryobha ino mosongʼaaniri, motayetigha ebhore bhoowa.

Ruuka 11:7

“Amare, omusaani waache uyo akamugharokeri akabhugha, ‘Otanyaaki! Nimariri ghwighara orwighe! Eni na abhaana bhaane ntomisiri. Kwi ibheere nteeghotora kobhooka ghokuha egheghiro ghyokyose.’

Mataayo 10:40

“Omooto wowoose uno akobhaghënëhi inyu, nangënëhiri na neeni. Wiiki, wowoose uno angënëhiri eni, namughënëhiri wuure antomiri eni.

Mataayo 10:14

Aribha omooto atabhaghënëhiri hamu ataakobhatëghëërëra, mbe, mwikongʼoote orotu runo roonyi mo‑maghoro ghaanyu hano mokohoroka mo‑ka iyo, hamu mo‑moghya uyo.

3 Yohana 1:7

Abhaato bhayo ꞉mbaasëëmiri orughëndö ro komuhökëri Yesu Kirisito, bhatahaabhuru obhotoorereri bhobhoose koru mo‑bhaato bhano bhataamokumiri Yesu.

3 Yohana 1:9

Mbe, ꞉neeryandëkiire eriikanisa anyaarubha, amare Tiwotireebhe uno asiighiri ghwikangati kinya niwe omokoro waabho, taaghwishererani na ameeghi ghiito.