3 Yohana 1:11 - Eriiraghano Eriihë

¹¹ Ibheere Ghaayo, omosiighani waane, oteegha amabhe, amare weeghe amachömu. Wowoose uno aghuköra amachömu, uyo n‑omoona o Ryobha. Amare uno aghuköra amabhe, uyo taryeche Eryobha.

3 Yohana 1:11 Referans Kwoze

Abhaebheeso 5:1

Mbe, gho kubha inyu n‑abhaana bha Ryobha moonyi bhano resiighiri, mweghe asughara na amaköri ghaache.

1 Bheetero 3:11

Na atighe ghuköra amabhe, akörë amachömu. Nekwëndëru atabhare omurëmbë na kowutambana chwee,

Yohana 3:20

Abhaato bhoose bhano bhaghuköra amabhe mbahaarëgha obhwero bhuyo. Koru bhataaghutambana obhwero, kubha amabhe ghaabho ghataacha korighibhu haheero.

1 Bheetero 3:13

N‑niwe aghotora kobhakörëra amabhe, aribha moghwiköngʼi ghuköra amachömu?

2 Timotewo 3:10

Amare iye, nutambiine ameeghi ghaane, na atëëmö yaane, ne ekebhune keene, no obhokumi bhoone, no obhoghumereri bhoone,

1 Yohana 2:29

Mweche kubha Kirisito n‑o bhuhëënë, gho ghayo, mumënyë kubha wowoose uno aghuköra gha bhuhëënë, niwe omoona o Ryobha.

1 Abhatesaronike 2:14

Bhahiiri bhiito, ghaare ꞉ghaabhabhwine abhaato bhano bhamokumiri Kirisito Yesu mo‑makanisa gha Ryobha mo‑mukööwa o Yuteya, nigho ghayo ghayo ˆghakabhabhöna na niinyu. Abhaato bhaanyu mbabhanyaakiri, bhuure bhuure kinya ibho Abhayahuuti bhaghëndi bhaabho ꞉bhaabhanyaakiri.

1 Abhatesaronike 1:6

Nangabha moore mo‑nyaako gho ghiri e bhokumi bhoonyu, mosongʼaaniri Ngʼana iyo gho ghuchömëru kuno ghookoru mo‑Körö Ahörëëru. Kinya muköriri hangʼu, mutambiine eghetuubhaani kiito ne eghetuubhaani ke Mutëmi Yesu.

Yohana 12:26

Omooto wowoose uno akwënda kuuhökëri eni, nekwëndëru antambane. Wiiki hohoose hano neekubha, hayo niho no omutamishi waane akubha. Taata nakomosooka omooto wowoose uno akuuhökëri eni.

Yohana 10:27

Changʼöndu cheene nchehooghu eriiraka reene. Eni necheeche bhoheene, nacho cheghuntambana.

Abheebhuraaniya 6:12

Motabha abhatöbhu, amare mweghe gho nchëra e ghokumi na ghoghumereri, koru kwo bhano bhasongʼaaniri ghano Eryobha ꞉riiraghiri kobhaha.

1 Abhakorinto 11:1

Mbe, moonyeghe eni, kinya bhuno eni nemweghiri Kirisito.

1 Abhakorinto 4:16

Gho ghayo, nekobhasasaama kubha, mubhe moratambana eghetuubhaani keene.

Abhabhiribhi 3:17

Bhahiiri bhaane, bhoose mweghe asughara yaane. Wiiki mweghe mo‑bhaato bhano bhaghutambana asughara ino tobheeghiri.

1 Yohana 3:10

Amare omooto uno ataaghuköra gha hëënë, hamu uno atamosiighiri mughëndi waache, uyo taanyi omoona o Ryobha. Hangʼu niho tokumënya obhwahukani bho bhaana bha Ryobha, na abhaana bha Rishambu.

1 Yohana 4:1

Abhasiighani bhaane, motamokumi omooto woose uno akobhugha naanyi na Akörö e Ryobha. Amare mumööhi bhoheene aribha omooto uyo naghukangatu na Akörö e Ryobha hamu tiyaanyi. Nekwëndëru mumööhi gho kubha abharööti bhaaru bha bhuröngö mbarweriire mo‑se.