9 Timotewo, wiköngʼi kuucha ghokoone bhwango,
Nekohiita changishori cheecho eriibhagha rino turaghiine. Neghwighomba chwee korighani na niiye wiiki, kubha nibhe no oghuchömëru kwaru.
Ibheere, ukörë bhwango uche ino eriibhagha re nyighita rekeere kohika. Ewubhuro, na Bhute, na Riino, na Kirawutiya, haghirohamu na abhakumi abhande bhoose, mbaghoghukëëri.
Hano uno aghoghusëma aghokohira mwibharacha, wiiköngʼi koghwana nawe eriibhagha mokeere mo‑nchëra. Aribha taanyi hangʼu, naghokohiki ambërë e moteni o kiina. Omoteni uyo o kiina, naghokohira mo‑bhaashirikare, ibho mbaghoghusöhi mwighërëcha.
Nerooche neghi ghwikara iyo mo‑moghya o Nikabhoori, eriibhagha re nyighita. Amare nekomotoma Aritema hamu Tikiko awaacho. Umu ghate yaabho hano akohika iyo, iye ubhëndë kuucha Nikabhoori torighani.
