2 Timotewo 4:7 - Eriiraghano Eriihë

⁷ Nirööniri eriihë inchömu re bhokumi, nimariri orughëndö roose, na nechongiri obhuhëënë bho bhokumi bhwito.

2 Timotewo 4:7 Referans Kwoze

1 Timotewo 6:12

Wiköngʼi kurööna eriihë ichömu re bhokumi bhwito, ughöötërërë obhuhöru bho miishe ghyose. Obhuhöru bhuyo, Eryobha ndebhabherekiire mobhubhönë, na moruusiri obhwibhateri bho mahëënë ambërë e bhiibhateri bhaaru kubha, moghwitëngʼëra kobhubhöna.

Amaköri gha Bhatomu 20:24

Koru neraku, taanyi gheghiro ghokoone. Kino nekwënda nehikeerani omoremo uno Omutëmi Yesu aheere nikörë. Omoremo uyo, n‑kuraghaneri abhaato Angʼana Anchömu e ghareeya e Ryobha.

Yohana 4:34

Yesu akabhagharokeri akabhugha, “Ekiinyakurë keene n‑ghuköra amiigha gha uno antomiri, wiiki nimare emeremo gheeche.

Ruuka 11:28

Amare Yesu akabhugha, “Mbiitabhiiru chwee bhano bhakooghu angʼana e Ryobha na koyesooka!”

Obhohunyurëru 3:8

Nyeeche amaköri ghaanyu. Mööhi! Eni nebhighoriire orwighe, koru taanyi‑ho omooto uno aghotora korwighara. Koru nangabha changuru cheenyu cheenyi insuuhu, amare mughöötiri ameeghi ghaane, motanyangiri kubha m‑bhaghëndi bhaane moonyi.

Obhohunyurëru 3:10

Ndekuucha eriibhagha re nyaako mo‑se ingima, na abhaato bhoose mbakurëngighu. Amare eriibhagha riyo, nekobhachonga inyu, gho kubha ꞉mooghumeriiri anyaako kinya ꞉neebharagheriiri.

Ruuka 8:15

“Chambusuru chino ꞉cheeghweriire mo‑riiröbhë ichömu, nchekwërëki abhaato bhano bhakooghu angʼana e Ryobha. Hano bhakumara kooghu, bhayighöötërëra mo‑metema gheebho kwo bhughöröröku. Wiiki bhëëngëra ghoghiihëëbha, bhayo mbahaaghumereri mbagha bharuusi amakorobhese amachömu.

1 Timotewo 6:20

Timotewo, ughöötërërë bhoheene angʼana e bhuhëënë ino uhaabhuru. Otighe ghwitoora mo‑mangʼana amaghonchu, ghano ghataanyi no obhwëra bhobhoose. Wiiki otiisöhi mo‑mahakaano gha ghighëëghë, ghano bhakobhugha nigho amangʼiini.

2 Timotewo 1:14

Angʼana e bhuhëënë ino uhaabhuru na Yesu, oyighöötërërë gho changuru che Körö Ahörëëru ino enyi moose yiito.

1 Timotewo 1:18

Omoona waane Timotewo, ˆneghakuha amëërëkërëri ghayo, kurëngʼaana na amangʼana gha bharööti ghano ꞉ghaasiikiiru ighoro yaacho. Amangʼana ghayo ngaghoghotoori kurööna eriihë ichömu re meremo ghe Ryobha.

Yohana 17:6

“Oo Taata, nekohunywire kebhuno onyi iye mo‑bhaato bhano oheere mo‑se ino. Ibho mbaare bhabhaacho, iye okaaha eni. Wiiki mbaköriri ghoose ghano ore obharagheriiri.

Amaköri gha Bhatomu 13:25

Hano Yohana are ˆaghatingʼi kumareereri omoremo waache, akabhugha, ‘Inyu moghwituuri eni neeni we? Eni taanyi uno moore moriituuri! Iwe nakuucha anyuma yaane, eni nteekurëngʼaanera koru ghusaasura chambasani che bhekwera bheeche.’

Abhagharatiya 2:2

꞉Neetiiriri ghuye Yerusareemu kwo riibhagha riyo, gho kubha Eryobha ndeere rehunyuriire kubha, neghi nitëmëërane kibhacho na abhakangati bha riikanisa, nebhabhoorere abhakangati bhayo ighoro e Ngʼana Anchömu ino neere neraraghaneri abhaato bha matöngö. ꞉Nyëëndiri kobhabhoorera ghayo, kubha emeremo ghino neere neraköra na ghino nguköra ghetaacha kubha ghe bhoowa.

Abhabhiribhi 1:30

Eriihë reenyu n‑diire riire neere nerarööna naryo, kinya morooche. Wiiki koru ibheere mokooghu kubha nekwëndërëra kurööna.

2 Timotewo 3:10

Amare iye, nutambiine ameeghi ghaane, na atëëmö yaane, ne ekebhune keene, no obhokumi bhoone, no obhoghumereri bhoone,

Obhohunyurëru 6:11

Niho bhoose bhano ꞉bhiituru, bhakahaabhu chandachana echeero. Bhakabhooreru kubha bhaghanye kwo riibhagha ighuhe, mbagha abhahiiri bhaabho, abhatamishi abhaghëndi bhaabho, bhiitu kinya ibho ꞉bhiituru, kubha omubharo waabho ohikeerane.