2 Timotewo 4:5 - Eriiraghano Eriihë

⁵ Amare iye, ubhe miisho mo‑mangʼana ghoose. Oghumereri anyaako, ukörë emeremo ghe kuraghani Angʼana Anchömu, ukörë bhoheene mo‑bhutamishi bhoocho bhoose.

2 Timotewo 4:5 Referans Kwoze

2 Timotewo 1:8

Mbe, otarighi chaasoni ghughambera angʼana ighoro e Mutëmi wiito Yesu Kirisito, hamu korighi chaasoni gho kubha eni neenyi mo‑kibhöhö gho ghiri yaache. Amare, oghumereri mo‑nyaako haghirohamu na neeni, gho ghiri e Ngʼana Anchömu, kurëngʼaana na changuru chino okuhaabhu ne Eryobha.

1 Bheetero 1:13

Gho ghayo, mubhe miisho na mutëngë, na mubhe ne ekirëngërë. Motoore amiitëngʼërö ghoose mo‑ghareeya ino mokuucha kubhöna, hano Yesu Kirisito akorighibhu haheero.

2 Timotewo 2:3

Oghumereri mo‑nyaako haghirohamu na neeni, kinya omoshirikare omuhöriicho o Kirisito Yesu.

Abhakorosaayi 4:17

Momobhoorere Arikibho kubha, ahiki bhoheene emeremo ghino Omutëmi amoheere.

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

Amaköri gha Bhatomu 21:8

Atabhoori yaache, tookaru hayo, tooghaye mo‑moghya o Kayisaariya. Toghiikara mo‑nyumba e Bhiiribho uno are omweghi o Ngʼana Anchömu e Yesu, naare umu o bhatoorereri mohungate bha bhatomu bhano bhaahwiru iyo Yerusareemu kuhööhi abhaato ebhiinyakurë.

1 Timotewo 4:15

Ughöötërërë ghuköra ghayo kwo mukörö waacho woose, kubha abhaato bhoose bharighi bhuyo okwëndërëra mo‑ghayo.

1 Abhatesaronike 5:6

Ibheere totamisi chandöörö ke bhaato abhande, amare tubhe miisho na kubha ne ekirëngërë.

Obhohunyurëru 3:2

Mobhooke! Muköngʼi ghyokyose eghichömu kino ghisaaghiri, gho kubha koru kiyo ghekaraarera ghoku. Nyeeche kubha, amaköri ghaanyu ghatahikiire kinya Eryobha reene rekwënda.

Abhaebheeso 4:11

Niwe ꞉aheere abhaato atuho, abhande akabhaköra bhabhe abhatomu, na abhande abharööti, na abhande abharaghani bha Ngʼana Anchömu, na abhande abhakangati bha riikanisa na abheeghi.

Abheebhuraaniya 13:17

Mobhasooke abhakangati bhaanyu na ghughööta amaraghereri ghaabho, gho kubha nibho bhakobhanyaakera inyu ino bhataaghutamu, na mbakwëndëru ghutöngööchi emeremo gheebho ambërë e Ryobha. Gho ghayo mobhasooke, kubha bhakörë emeremo gheebho gho ghuchömëru, gho kubha aribha moraanga kobhasooka, mbaakubha bharaköra emeremo gheebho kwo macheeche, ne emeremo ghiyo ghetaakubha gherabhatoori inyu ghyokyose.

2 Timotewo 2:10

Gho ghayo, neghoghumereri ghoose gho ghiri e bhaato bhano bhaahwiru ne Eryobha bhabhe abhaato bhaache. Neghuköra hangʼu, kubha bhoose bhasongʼaane obhotoori kohetera Kirisito Yesu, na ghusanga obhokumi bhooche obhokoro bho emiishe ghyose.

Ruuka 12:37

Mbiitabhiiru abhasësë bhano omutëmi waabho akuucha abhönë bharamughanya. Mahëënë ˆnekabhabhoorera kubha, naghwitëma omunaso, na ghusëëma kobhahökëri, na kobhaghënëhi mo‑bhiinyakurë.

Maariko 13:37

Riyo nekobhabhoorera inyu, ˆnekabhabhoorera abhaato bhoose, bhatëngë.”

Abhakorosaayi 1:25

Eryobha ndentooriri eni kubha omutamishi o riikanisa riyo, kubha nebharëëtërë angʼana yaache kebhuno enyi.

Abharuumi 15:19

꞉Mbaaruturu koresooka, gho kubha kohetera ghokoone mbarooche changuru che Kirisito mo‑bhyërëkërëri ne ebhiraghe. ꞉Neetoriri ghoghaköra gho changuru che Körö e Ryobha. Gho ghayo, ꞉niinaariri ahaghiro hoose kuraghani Angʼana Anchömu ighoro e Kirisito, korwera mo‑moghya o Yerusareemu mbagha mo‑mukööwa o Iririiko.

Maariko 13:34

“Kuucha kooche ngotuubhiine no omooto uno aghuköra orughëndö. Akabha abhatighiri abhasësë bhaache bhamumööhëri aka yaache bhoheene. Akabhahööhi mooto woose omoremo o ghuköra. Akamara omochongi o mo‑kehita akamuraghereri akabhugha, atenge.”

Abhaebheeso 4:12

꞉Naaköriri hangʼu atore ghusëëmi abhaato bha Ryobha mo‑meremo ghe bhutamishi, na hayo mbakwabhëka eriikanisa, rino reenyi omobhere o Kirisito.

2 Timotewo 4:17

Amare Omutëmi Yesu naare haghirohamu na neeni. ꞉Naaheere changuru che kuraghani Angʼana Anchömu kwo bhohikeeranu, kubha abhaato bhoose bha matöngö bhayooghu. ꞉Naantooriri mo‑tabhaaribhaari e roko, gho kubha neere kinya uno anyi mo‑monu o ka.

Mataayo 25:16

“Hayo hayo, omusësë uno ahaabhuru chataranta ishaano, aghaye nacho mo‑bhosorocha na kubhöna obhwëra bho chende ishaano.