2 Timotewo 4:2 - Eriiraghano Eriihë

² Ibheere, ubhe oraraghani Angʼana Anchömu e Ryobha. Ubhe wiisëëmiri ghuköra hangʼu eriibhagha ryoryose, kwo riibhagha rino rirëngʼaaniire na rino retarëngʼaaniire. Ubhe oratöngëra, no orahiinya no orabhaköngʼi abhaato. Ukörë hangʼu, ino oreeghi kwo bhoghumereri bhoose.

2 Timotewo 4:2 Referans Kwoze

1 Abhatesaronike 5:14

Mbe, bhahiiri bhiito, ntokobhasasaama, mubhe morabhashaangʼi abhatöbhu na kobhaköngʼi bhano bhakuure omukörö. Wiiki mubhe morabhaköngʼëërëri bhano bhataamara bhaköngʼëri mo‑bhakumi na kobhaghumereri abhaato bhoose.

Tiito 2:15

Mbe, ubhe oreeghi amangʼana ghayo ghoose. Wishereriiru kobhaköngʼi na kobhatöngëra abhaato kwo bhotoro bhoose. Gho ghayo, omooto wowoose ataghutaraaha.

1 Timotewo 4:13

Wiköngʼi ghusömëra abhaato Amandëkö Amatööbhiyu, wiiki uraghani na kweghi, mbagha hano nekuucha iyo.

Obhohunyurëru 3:19

Abhaato bhano eni nesiighiri, nehaabhahiinya na kobhahööcha. Mbe, mubhe moriiköngʼi na ghotuukuunera amasari ghaanyu.

Tiito 1:13

Amangʼana ghayo n‑gha mahëënë. Gho ghayo, ubhe orabhashaangʼi chwee abhaato bhayo, kubha bhaghöötë ameeghi gha bhuhëënë.

2 Timotewo 2:21

Ibheere, omooto ariiyeri gho ghotigha obhobhe bhuyo bhoose, naakubha kinya egheghiro ghe sooko kino kyahwiru. Naakubha arëngʼaaniire mo‑Mutëmi waache, naakubha isëëmiri mo‑meremo ghyose emichömu.

Abhagharatiya 6:6

Omooto uno akweghibhu angʼana e Ryobha, nakwëndëru abhe aramuhööhi omweghi waache ebheghiro ebhichömu bhino akubhöna.

Abharuumi 12:12

Muchömëru gho kubha moonyi ne eriitëngʼërö re kubhöna ghoose ghano Eryobha ꞉reebharaghiire. Moghumereri mo‑nyaako ino ekobhabhöna, na mwëndërërë korisabha Eryobha.

2 Timotewo 3:10

Amare iye, nutambiine ameeghi ghaane, na atëëmö yaane, ne ekebhune keene, no obhokumi bhoone, no obhoghumereri bhoone,

1 Timotewo 5:20

Amare abhagharuka bhano bhakwëndërëra ghuköra amasari, obhahiinye ambërë e bhaato bhoose, kubha abhande bhatiine.

Abhakorosaayi 1:25

Eryobha ndentooriri eni kubha omutamishi o riikanisa riyo, kubha nebharëëtërë angʼana yaache kebhuno enyi.

Abharuumi 10:15

Wiiki nibhu abhaato bhaghotora ghuye kuraghani angʼana iyo aribha bhatatomuru? N‑kinya bhuno Amandëkö Amatööbhiyu ghakobhugha kubha, “Kuucha kwo mooto uno akurëëta Angʼana Anchömu, ngoghotegheri abhaato bhano bhakomutëghëërëra!”

Amaköri gha Bhatomu 20:7

Orosiko ro Chumabhiiri, toghiikomana, gho ghiri tosuure omughaate haghirohamu. Eriibhagha riyo Bhawuro aghasëëma ghosiikëra angʼana e Ryobha na abhaato, mbagha obhotiko bho ghate, gho kubha naare ariitëngʼëra atanure atabhoori yaache.

Amaköri gha Bhatomu 16:13

Orosiko ro Riikane tooghaye anche e kehita ke moghya uyo, haghuhe no orooche, ahaghiro hano toore toriitëngʼëra kubha ntokubhöna ahaghiro ha ghusabha Eryobha. Hano tohikiri hayo, tokabhöna abhakari bhikomiine‑ho, toghiikara haghirohamu nabho, tokabhabhoorera ighoro e Yesu.

Ruuka 9:60

Amare Yesu akamugharokeri akabhugha, “Iye nutambane! Abhaato bhano bhataakorekumi Eryobha n‑kinya abhaku. Tigha bharyekane abheene kwo bheene. Amare iye, nooghi uraghaneri abhaato angʼana ighoro e bhutëmi bho Ryobha.”

Ruuka 7:4

Abhagharuka bhayo, hano bhahikiri o‑Yesu, bhakamusasaama chwee bharamobhoorera bharabhugha, “Omooto uyo, narëngʼaaniire omukörërë angʼana ino,

1 Abhatesaronike 5:20

Wiiki motabhutaraaha obhurööti,

Ruuka 7:23

Ngʼoni, omooto wowoose uno ataanyi na kemboori ighoro yaane!”

2 Timotewo 2:25

Nakwëndëru abhe arabhakaariha abhaato bhano bhakuhakaana nawe kwo bhuhörëëru, kubha hande abhe hamu, Eryobha rebhahë ghotuukuuna na gho ghayo, bhamënyë obhuhëënë.

Abheebhuraaniya 13:22

Inyu abhahiiri bhaane, ˆnekabhasasaama chwee mughöötë amangʼana ghano nebherekeriiri, gho kubha nebhaandëkiire kwo bhoghuhe.

Amaköri gha Bhatomu 28:16

Hano toore tohikiri mo‑moghya o Ruumi, Bhawuro aghiisherereru kubha, ikare omwene mo‑nyumba yaache, bhakamotoora no omoshirikare umu o komochonga.

Amaköri gha Bhatomu 13:5

Hano bhahikiri mo‑moghya o Sarami, bhaakabha bharaghe mo‑masinaghooghi gha Bhayahuuti, bhareeghi abhaato angʼana e Ryobha. Wiiki ꞉mbaaghiire haghirohamu na Yohana Maariko, omotoorereri waabho.

Abhakorosaayi 4:3

Motusabhere na niitu kubha Eryobha retukörërë anchëra e kuraghani angʼana yaache, na ghosiikëra amangʼana ighoro e Kirisito ghano ꞉ghaare mo‑kebhisere. Eni nibhöhuru gho ghiri e kuraghani amangʼana ghayo.

1 Abhatesaronike 1:6

Nangabha moore mo‑nyaako gho ghiri e bhokumi bhoonyu, mosongʼaaniri Ngʼana iyo gho ghuchömëru kuno ghookoru mo‑Körö Ahörëëru. Kinya muköriri hangʼu, mutambiine eghetuubhaani kiito ne eghetuubhaani ke Mutëmi Yesu.