2 Timotewo 4:12 - Eriiraghano Eriihë

¹² ꞉Neemotomiri Tikiko ghuye mo‑moghya o Ebheeso.

2 Timotewo 4:12 Referans Kwoze

Abhaebheeso 6:21

Tikiko, omohiiri wiito omosiighani no omutamishi omuhëënë o Mutëmi Yesu, nakobhabhoorera amangʼana ghoose, kubha mumënyë kinya nekwëndërëra na kino neghuköra.

Amaköri gha Bhatomu 20:4

Eriibhagha riyo, Bhawuro naare araköra orughëndö haghirohamu na Sobhateeri mwërëëti o Bhiiro o mo‑moghya o Bherooya, haghirohamu na abhaato bhabhere bha Tesaronike, Arisitaariko na Sekundo, Ghaayo o mo‑moghya o Teeribhe, na Timotewo, na abhaato bhabhere bha Asiya, Tikiko na Torobhiimo.

Tiito 3:12

Nerooche neghi ghwikara iyo mo‑moghya o Nikabhoori, eriibhagha re nyighita. Amare nekomotoma Aritema hamu Tikiko awaacho. Umu ghate yaabho hano akohika iyo, iye ubhëndë kuucha Nikabhoori torighani.

Abhakorosaayi 4:7

Omohiiri wiito omosiighani Tikiko, nakobhaha amangʼana ghaane ghoose. Iwe n‑omutamishi omuhëënë uno tokuhöki haghirohamu nawe emeremo ghe Mutëmi Yesu.

1 Timotewo 1:3

Eriibhagha rino ꞉niitanwire ghuye mo‑mukööwa o Maketoniya, ꞉neeghusabhiri wiikare mo‑moghya o Ebheeso, obhashaangʼi abhaato bhano bhakweghi iyo, kubha bhatëëndërëra kweghi ameeghi gha bhuröngö.

Amaköri gha Bhatomu 20:25

“Inyu bhoose, mweche neere neraheta ghate yaanyu neraraghani ighoro e bhutëmi bho Ryobha. Amare ibheere, nyeeche kubha, taanyi‑ho koru umu ghate yaanyu uno aghotora kondighi wiiki.

Amaköri gha Bhatomu 18:19

Hano bhahikiri mo‑moghya o Ebheeso, Bhawuro bhaghataana na Bhirisira na Akiira. Iwe aghasöha mo‑risinaghooghi re Bhayahuuti, akabha arasiikëra nabho Angʼana Anchömu.

Amaköri gha Bhatomu 18:21

Hano are araraghana nabho akabhabhoorera, “Neghugharuka hano, Eryobha rerasiigha.” Niho akaru hayo Ebheeso no obhwato.

Amaköri gha Bhatomu 19:1

Eriibhagha rino Abhooro are hayo Korinto, Bhawuro nawe akabha araheta mo‑meghya ghe mo‑bheghoro, akahiringitera mo‑moghya o Ebheeso. Hano are hayo, aghatëmëërana na Abhakirisito abhande,

Abhaebheeso 6:22

ˆNekamotoma bhowaanyu, kubha abhahë amangʼana ghiito na ghuköngʼi emetema gheenyu.