2 Timotewo 4:10 - Eriiraghano Eriihë

¹⁰ gho kubha Tema nantighiri. Iwe nasiighiri amangʼana gha se ino, naghiire mo‑moghya o Tesaronike. Kiresike iwe naghiire korihökëri Eryobha mo‑mukööwa o Gharatiya, na Tiito woose naghiire mo‑mukööwa o Tarimatiya.

2 Timotewo 4:10 Referans Kwoze

2 Timotewo 1:15

Iye weeche kubha, abhaato bhoose bha mo‑mukööwa o Asiya mbantighiri. Ghate yaabho mbaanyi‑mu Bhighero na Herimoghene.

2 Abhakorinto 2:13

Amare nteere no omurëmbë mo‑körö yaane, gho kubha ntemorooche omohiiri waane Tiito. Gho ghayo nekabharagha neghatanura ghuye Maketoniya.

Amaköri gha Bhatomu 16:6

Bhawuro na abhaghëndi bhaache bhayo, Akörö Ahörëëru neere ebharëkiri kubha bhataacha kuraghani angʼana e Ryobha mo‑mukööwa o Asiya. Gho ghayo, bhakaheta mo‑mikööwa ghe Bhirighiya na Gharatiya.

Bhiremooni 1:24

Wiiki abhatamishi bhaghëndi bhaane Maariko, na Arisitaariko, na Tema, na Ruuka, mbaghoghukëëri.

2 Timotewo 4:16

Hano neere ndiitachura mwibharacha e kimbërë, taare‑ho koru umu uno ꞉imeeriire eribhaara reene, bhoose bhaghantigha. Neghusabha Eryobha retighe kobhabharera eriisari riyo.

Abhabhiribhi 2:21

Abhande bhoose mbaghotereera amangʼana ghaabho agheene, bhataaghotereera ghuköra ghano Kirisito Yesu akwënda.

2 Abhakorinto 7:6

Amare Eryobha rino rekobhaghambisani bhano bhaanyi na nyaako mo‑metema gheebho, ꞉reeghatughambisani hano Tiito ichiri.

Amaköri gha Bhatomu 17:11

Abhaato bha hayo Bherooya mbaare abhaato bhahöriicho chwee ghokera bha Tesaronike. Hano Bhawuro abharaghaniiri angʼana e Ryobha, bhakayiishereri kwo miigha chwee. Bhaakabha bharaghiisuncha Amandëkö Amatööbhiyu chaasiko choose, kubha bharighi aribha ghayo Bhawuro akobhugha n‑gha hëënë.

Amaköri gha Bhatomu 17:1

Ibheere Bhawuro na Siira bhaaghaye bhakahetera mo‑moghya o Ambibhoori, na Abhoroniya, mbagha bhakahika mo‑moghya o Tesaronike. Hayo Tesaronike ndeere‑ho erisinaghooghi re Bhayahuuti.

2 Bheetero 2:15

Mbatighiri anchëra angöröröku, mbabhoriri na ghutambana anchëra e Bharaamu, mwërëëti o Bhewoori. Iwe ꞉naasiighiri ghosongʼaana amareho gho nchëra e ghuköra amabhe.

Tiito 1:4

ˆNeghakwandëkëra iye Tiito, omoona waane o muhëënë mo‑bhokumi bhuno tusangiri haghirohamu. Neghokwëndëra aghareeya no omurëmbë koru kwo Waryobha Taata na gho Kirisito Yesu Omotoori wiito, ghibhe haghirohamu na niiye.

1 Timotewo 6:17

Obhabhoorere abhaame bha mo‑se ino bhatighe kwihacha na ghwitëngʼëra obhwame bhoobho. Obhwame bhuyo m‑bho riibhagha ighuhe hangʼu. Amare, bhariitëngʼërë Eryobha rino reghotuha ebheghiro bhyose gho ghusambaaruka kooche, kubha tobhihökëri gho ghuchömëru.

1 Timotewo 6:10

gho kubha ghosiigha chambiiri niko simoka e bhobhe bhoose. Abhande ꞉mbaasiighiri obhwame bhoghaghëri bhangʼiinu, na mbatighiri obhokumi. Ibheere bhayo mbaanyi no obhororo bhwaru kinya omooto uno ingʼuutiri ne eghighësö.

Abhagharatiya 1:2

Eni na abhakumi bhaghëndi bhiito bhoose bhano bhaanyi haghirohamu na neeni hano, ntokobhakëëri inyu bhano moonyi mo‑makanisa gha Ryobha mo‑mukööwa o Gharatiya.

2 Abhakorinto 8:16

Nekoriitabheri Eryobha gho kubha ndemoheere Tiito omukörö uno neenyi nawe eni o kobhasakeri inyu.

2 Abhakorinto 8:6

Gho ghayo, tokamusasaama Tiito kubha ache abhatoori koru inyu kumara emeremo ghiyo ghe ghareeya, gho kubha niwe asëëmiri emeremo ghiyo ghokoonyu.

Amaköri gha Bhatomu 18:23

Hano amariri chaasiko insuuhu, akaru hayo akaheta mo‑mikööwa ghe Gharatiya, na Bhirighiya, akabha arabhatoora omukörö abhaghëndi bhoose.

Amaköri gha Bhatomu 17:13

Mbe, Abhayahuuti bha iyo Tesaronike, hano bhamënyiri kubha Bhawuro nakweghi angʼana e Ryobha iyo Bherooya, bhaaghaye iyo. Bhaghaseeghereri erikinda re bhaato bhano ꞉bhaare hayo, mbagha hakarwera anyööri yaaru.

Amaköri gha Bhatomu 15:38

Amare Bhawuro akarighi kubha taanyi kumangi bhahinane nawe, gho kubha naare abhatighiri mo‑mukööwa o Bhambiriya, akaanga kuhöki emeremo haghirohamu nabho.

Amaköri gha Bhatomu 13:13

Bhawuro na abhaghëndi bhaache bhaakaru hayo Bhaafo. Bhaghaköra orughëndö mo‑bhwato mbagha bhakahika mo‑moghya o Bhereghi mo‑mukööwa o Bhambiriya. Yohana Maariko iwe akabhatigha hayo, aghagharuka Yerusareemu.

Ruuka 17:32

Mohiite ghaare ghamorweriire muka Rooti!

Ruuka 16:13

Taanyi‑ho omutamishi uno aghotora kuhökëri abhatëmi bhabhere kwo riibhagha rimu, gho kubha nakomosiigha umu na komurëgha owonde, hamu aghöötane na umu na komutaraaha owonde. Motaaghotora korihökëri Eryobha na chambiiri kwo riibhagha rimu!”

Ruuka 14:33

“Hangʼu hangʼu, taanyi‑ho koru umu ghokoonyu uno aghotora kubha omughëndi waane, aribha ataamara atigha bhyose bhino anyi nabhyo.

Mataayo 26:56

Amare ghoose ghano ngarweriire kubha ghahikeerane ghano abharööti ꞉bhaandëkiri mo‑Mandëkö Amatööbhiyu.” Bhakamara abhaanabheegha bhaache bhoose bhakamotigha Yesu, bhakangʼösa.

Mataayo 12:32

Wiiki Eryobha ndeghotora kobhaabhëra abhaato bhano bhakonyanga eni Omoona o Mooto, amare retaaghotora kobhaabhëra abhaato bhano bhakwanga Akörö Ahörëëru kwo riibhagha rino ri ibheere hamu rino rekuucha.

2 Abhakorinto 8:23

Ibheere aribha omooto akwënda kumënya amangʼana gha Tiito, iwe m‑mughëndi waane, uno aghuköra emeremo haghirohamu na neeni gho ghiri e kobhasakeri inyu. Na aribha omooto akwënda kumënya amangʼana gha bhande bhano bhiichiri haghirohamu nawe, bhayo n‑abhahiiri bhiito, mbatomuru na amakanisa, bhoose mbakomoghongi Kirisito.