2 Timotewo 3:4 - Eriiraghano Eriihë

⁴ Mbaakubha abhiigharori, na bharaköra bhwango amangʼana ghano ghataanyi no obhwëra, na mbaakubha bhariihacha. Mbaakubha bharasiigha amiigha gha se, ghokera koresiigha Eryobha.

2 Timotewo 3:4 Referans Kwoze

Yuuta 1:4

ˆNekabhaandëkëra anyaarubha ino, gho kubha mbaanyi‑ho abhaato nyarebhe bhano bhataakoresooka Eryobha, mbiisöhiri gho kebhisere ghate yaanyu na ghwisangerani na niinyu. Abhaato bhano mbakorumeeri angʼana e ghareeya e Ryobha riito, kubha abhaato bhakörë amangʼana gha chaasoni na komwanga Omutëmi wiito Yesu Kirisito, Omukangati wiito omwene chiri. Amare korwera kare ꞉yaandëkuru mo‑Mandëkö Amatööbhiyu kubha abhaato bhano mbaghoteneru ekiina.

1 Timotewo 3:6

Wiiki, atabha omooto uno atooriibhu ghano matiko, ataacha kwihacha. Kwihacha kuyo ngokomuköra ateneru ekiina kinya Erishambu ꞉reeteniiru ekiina.

Yuuta 1:19

Abhaato bhayo nibho bhakurëëta obhwahukani, mbaghwituuri amangʼana gha mo‑se agheene, bhataanyi na Akörö e Ryobha.

Abharuumi 16:18

Abhaato kinya bhayo bhataakomuhökëri Kirisito, Omutëmi wiito, amare mbaghukörëra chanda cheebho abheene. Mbaghosiikëra amangʼana amachömu gha ghotegheri, amare bharangʼiina abhakumi bhano bhakeere bhataamara bhaköngʼëri mo‑bhokumi.

1 Timotewo 6:17

Obhabhoorere abhaame bha mo‑se ino bhatighe kwihacha na ghwitëngʼëra obhwame bhoobho. Obhwame bhuyo m‑bho riibhagha ighuhe hangʼu. Amare, bhariitëngʼërë Eryobha rino reghotuha ebheghiro bhyose gho ghusambaaruka kooche, kubha tobhihökëri gho ghuchömëru.

1 Timotewo 5:6

Amare omosino uno asiighiri amiigha gha se, uyo nakuure nangabha anyi muhöru.

Abharuumi 11:20

Iyo m‑mahëënë. Ebhisaghe bhiyo ꞉mbeenunguru gho kubha bhataakumiri, na niiye noonyi mo‑bhisaghe bhe museyituuni gho kubha noghokumi. Gho ghiri iyo iköngʼi, otiihacha, amare otiine Eryobha.

Amaköri gha Bhatomu 7:52

Kana, naanyi‑ho omurööti koru umu uno bhasookoro bhaanyu bhataamunyaakiri? Mbaare bharabhiita koru abharööti bhano ꞉bhaare bhararuusi obhurööti ighoro e kuucha kwo wuure Omuhëënë o Ryobha! Uyo niwe uno inyu ꞉moomwigharuriini, mokamwita.

Amaköri gha Bhatomu 19:36

Mbe! Gho kubha taanyi‑ho mooto uno aghotora kwanga amangʼana ghano, mokwëndëru muhörëërë na motaköra ngʼana yoyoose kwo bhwango.