2 Timotewo 3:2 - Eriiraghano Eriihë

² Eriibhagha riyo, abhaato mbaakubha bharisiigha abheene, na mbaakubha abhasiighi bha chambiiri, na mbaakubha bhariirighi, na mbaakubha ne emitu miköngʼu, na mbaakubha abhaato bha matoki, na bhataakobhasooka abhiibhori bhaabho, na bhataanyi no oghwitabheri, na bhataanyi no omukörö mwero.

2 Timotewo 3:2 Referans Kwoze

Abhabhiribhi 2:21

Abhande bhoose mbaghotereera amangʼana ghaabho agheene, bhataaghotereera ghuköra ghano Kirisito Yesu akwënda.

Yuuta 1:16

Abhaato bhayo mbahiingʼunyerangʼunyera na kwirereeri, bharatambana amiigha ghaabho amabhe. Mbiihachi chwee, na mbahaasiikëra amangʼana gha ghuchömëri abhaato gho ghiri e kwibhönëra obhwëra.

2 Timotewo 3:4

Mbaakubha abhiigharori, na bharaköra bhwango amangʼana ghano ghataanyi no obhwëra, na mbaakubha bhariihacha. Mbaakubha bharasiigha amiigha gha se, ghokera koresiigha Eryobha.

1 Timotewo 6:10

gho kubha ghosiigha chambiiri niko simoka e bhobhe bhoose. Abhande ꞉mbaasiighiri obhwame bhoghaghëri bhangʼiinu, na mbatighiri obhokumi. Ibheere bhayo mbaanyi no obhororo bhwaru kinya omooto uno ingʼuutiri ne eghighësö.

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.

Yakobho 4:6

Amare, aghareeya ino tokuhaabhu ne Eryobha neenyi na changuru chwee, kinya Amandëkö Amatööbhiyu ghakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”

Abhakorosaayi 3:5

Mbe, mute kurë amangʼana gha mo‑se ino ghano ghaanyi moose yaanyu, kinya obhutaari, no obhoghonchu, no omuraka, na amiihëëbhö amabhe, no oghwighomba ebheghiro. Obhwighombi bhonga hangʼu, n‑kinya ghusëngëra asanaamu taanyi Eryobha.

1 Bheetero 5:5

Bhuure bhuure na niinyu abhabhureni, mokwëndëru mobhasooke abhagharuka bha riikanisa. Na niinyu bhoose mubhe abhaato abhanyööhu na mubhe moratoorani. Mukörë hangʼu, gho kubha Amandëkö Amatööbhiyu ngakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”

1 Timotewo 6:4

Bhayo mbiichwire obhwihachi, wiiki bhateeche ghyokyose. Abhaato bhayo mbahoomera erihakaana rino retaanyi no obhwëra ighoro e mangʼana amasuuhusuuhu. Amangʼana ghayo nigho ghakurëëta eriihari, no obhurööni, na amatoki, na amiihëëbhö amabhe,

Ruuka 12:15

Akamara Yesu akabhabhoorera abhaato bhayo akabhugha, “Mwimööhërëri! Mwichonge na atëëmö e bhwighomberi bho bheghiro, gho kubha, obhuhöru bho mooto, bhotaakorwera mo‑bhwaru bho bheghiro bheeche bhino anyi nabhyo.”

Obhohunyurëru 16:11

Bhakaretoka Eryobha re Mwishaaro gho ghiri e bhororo bhuhaari na kwo mabhimba amabhe ghano ghabhabhwine. Koru bhatatuukuuniire amaköri ghaabho amabhe.

2 Bheetero 2:12

Amare abhaato bhayo mbaghotoka kino bhateeche. Mbatuubhiine na chatyenyi chino chetaanyi no obhumënyi na chino cheghukangatu na amiigha gha mebhere. Nchekwibhoru, kubha chighöötu na ghosinchu! Hangʼu nibhu bhaghosireekerera, abheeghi bhayo bha bhuröngö.

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

Yakobho 4:16

Amare inyu ibheere, mokwihacha na kwirighi kubha moonyi no obhotoro. Okwihacha konga kuyo, n‑kobhe.

2 Abhatesaronike 2:4

Iwe naakubha araanga egheghiro ghyokyose kino ghekobherekeru Eryobha, hande kino gheghusëngëru, na ghwitoora ighoro e bhyose. Iwe naaghuye na ghusöha Mwisëngërö re Ryobha na ghwikara‑mu na kwibherekera kubha iwe n‑Eryobha.

Abharuumi 11:18

Gho ghayo, motataraaha ebhihaghe bhino bhenunguru. Motiihacha, na mohiite kubha, emerya ghetaakobhiitëngʼëra inyu, amare inyu nibho moghoghiitëngʼëra emerya.

Obhohunyurëru 16:21

Ambura e rihoorere eghatëëka. Amabhohe gha mbura iyo ngaare makoro kinya chakiiro miröngö etaano kira rimu, ghaghaghwera abhaato koru Mwishaaro. Abhaato bhakaretoka Eryobha gho ghiri e naabhi iyo e mbura e rihoorere, gho kubha anaabhi iyo neere imbe chwee.

Yakobho 2:8

Mo‑Mandëkö Amatööbhiyu, ne emeghiro ghe bhutëmi bho Ryobha ngekobhugha, “Omosiighe omwatani waacho, kinya bhuno wisiighiri iye omwene.” Aribha moghuköra hangʼu, m‑bhoheene.

1 Timotewo 3:3

Atabha omurëëbhi, atabha omurööni, abhe muhörëëru uno asiighiri omurëmbë. Wiiki atabha omosiighi o chambiiri.

1 Timotewo 1:20

Ghate e bhaato bhayo naanyi‑mu Himenaayo, na Arekisanta. Abhaato bhayo nereheere Erishambu kubha bhabhönë ameeghi, bhatighe koretoka Eryobha.

Amaköri gha Bhatomu 5:36

Mokohiita chaasiko chino chehetiri, ꞉naarweriire omooto umu omwigharori, eriina reeche Tewuta. Tewuta uyo naare ariiköri kubha n‑omooto mokoro, na abhaato kinya amaghana ane bhaghaghöötana nawe. Amare antenero, aghiitu, na bhoose bhano ꞉bhaare bhamutambiine bhaghasancha. Amahöki ghaabho ghoose ghaakabha gha bhoowa.

Ruuka 16:14

Amabharisaayo, hano bhooghwire amangʼana ghayo gha Yesu, bhaghasëëma komusëka gho ghitaraaho, gho kubha mbaare bhasiighiri chwee chambiiri.

Obhohunyurëru 16:9

Abhaato bhagheekibhu kobhe chwee. Bhakaretoka Eryobha gho kubha ndeere no obhotoro ighoro e chanaabhi chino, amare bhatatuukuuniri koru bhatareghongiri.

Obhohunyurëru 13:1

Nekamara nekarighi oghotyenyi ghumu, ghorarwera mo‑nyancha. Ngoore ne emitu mohungate na chahëmbë ikomi, na kira ruhëmbë ndoore no orohuuru. Wiiki kira omutu noore wandëkuru eriina re ghotoka Eryobha.

2 Abhakorinto 5:15

Iwe ꞉naakuure gho ghiri e bhaato bhoose, kubha bhano bhaanyi abhahöru bhatighe kumanya gho ghiri yaabho abheene, amare gho ghiri e uno akuure na koryoka gho ghiri yaabho.

Mataayo 15:6

Okweghi konga kuyo, ngoghughëri omooto atighe komosooka ishe hamu nyina. Mbe, gho ghuköra hangʼu, ˆmoghatigha ghosooka angʼana e Ryobha, gho nchëra e ghutambana chaasughara che bhiisokoro.

Ruuka 6:35

“Amare inyu, mobhasiighe abhabhisa bhaanyu, mobhatoori, mobhahë asiire, motiitëngʼëra kubha mbakobhagharokeri. Moraköra hangʼu niho mokubhöna atuho inkoro, na kubha abhaana bha hëënë bha Waryobha Omokoro o Bhyose. Gho kubha, Eryobha ndeghusakëri koru bhaare bhataakoriitabheri, na abhaköri bha mabhe.

1 Timotewo 1:9

Wiiki, ntokwëndëru kumënya kubha emeghiro ghetatooruru gho ghiri e bhaato abhahëënë, amare n‑kwo bhano bhaghusari emeghiro na kwo bhano bhataanyi na asooko, na kwo bhano bhataakorekumi Eryobha na abhaköri bha masari, na kwo bhano bhataanyi no omukörö mwero na kwo bhaghonchu, na kwo bhano bhaghwita bhiishe na bhaanyina na kwo bhiiti bha bhaato,

2 Bheetero 2:10

ahanene mo‑bhano bhaghutambana amiigha amabhe gha mobhere na ghutaraaha obhotoro bho Ryobha. Abhaato bhayo mbaanyi na atëëmö e rihakaana no obhwihachi, koru bhataaghotiina ghotoka bhamarayika.