2 Timotewo 3:11 - Eriiraghano Eriihë

¹¹ no obhosiighi bhoone no oghwiköngʼëërëri koone. Weeche kebhuno abhaato bhanyirighwiri na kunyaaki, hano neere mo‑meghya ghe Antiyokiya, na Ikoniyo, na Risitura. ꞉Neeghumeriiri amaköngʼu ghoose, no Omutëmi aghantoori mo‑ghayo ghoose.

2 Timotewo 3:11 Referans Kwoze

Amaköri gha Bhatomu 13:45

Amare Abhayahuuti hano bharooche kubha abhaato bhaaru mbiikomiine kobhatëghëërëra abhatomu bhayo, bhaghaghöötu ne eriihari chwee. Bhaakabha bharashangʼaana na Bhawuro, na ghosiikëra amangʼana amabhe gha kwanga, ghano Bhawuro are arasiikëra.

2 Bheetero 2:9

Gho ghayo, Omutëmi Waryobha neeche kinya akobhatoori mo‑masaki abhaato bhano bhakomosooka. Wiiki neeche kebhuno akobharööna abhaköri bha masari mo‑rosiko ruure ro kobhatenera ekiina,

2 Timotewo 4:7

Nirööniri eriihë inchömu re bhokumi, nimariri orughëndö roose, na nechongiri obhuhëënë bho bhokumi bhwito.

Amaköri gha Bhatomu 26:22

Koru hangʼu, Eryobha ndentooriri mbagha kohikera orosiko runo ro reero. Nikyo ˆgheghaghëri ˆnekiimeerera hano ambërë e bhakoro, na ambërë e bhaato bha haase, neghosiikëra amangʼana ghano ꞉neerooche. Ghataanyi‑ho wiiki amangʼana aghande ghano neghosiikëra ghokera ghaare ꞉ghaasiikiiru na abharööti, na ghano ꞉ghaasiikiiru na Musa, kubha ngakorwera.

Amaköri gha Bhatomu 26:17

Neekubha neraghotoori koru mo‑mabhökö gha Bhayahuuti, na gha bhaato bha matöngö bhano neghoghotoma ghokoobho,

Amaköri gha Bhatomu 23:10

Abhakoro bhayo bha Bhayahuuti bhaghashangʼaana chwee na kurööna, mbagha omontomonkoro o bhaashirikare aghatiina kubha, mbaghotora komusambura Bhawuro ebhetenekateneka. Eghaghëri abhabhoorere abhaashirikare bhaache bhayo kubha, bhaghëndë bhamoruusi‑ho Bhawuro gho changuru ghateghate e Bhayahuuti bhayo, kubha bhamusöhi mo‑ribhancha reebho.

Amaköri gha Bhatomu 20:19

Koru eriibhagha neere ndanyaakibhu ighoro e amagharokeri amabhe gha Bhayahuuti, neere neramuhökëri Omutëmi kwo bhunyööhu bhoose, na gho changishori.

Amaköri gha Bhatomu 13:14

Bhawuro na Bharinaabha bhakëëndërëra no orughëndö roobho bhaakaru Bhereghi mbagha mo‑moghya o Antiyokiya mo‑mukööwa o Bhisitiya. Orosiko ro Riikane, bhaghasöha mo‑risinaghooghi re Bhayahuuti, bhaghiikara.

Amaköri gha Bhatomu 9:16

Eni mwene nekomwërëki kebhuno akwëndëru kunyaaka gho ghiri e riina reene.”

Amaköri gha Bhatomu 14:8

Mbe, mo‑moghya o Risitura naare‑ho omooto umu mubhëëru, taare aratora ghughënda korwera kwibhoru kooche.

Abharuumi 15:31

Munsabhere kubha, abhaato bha mukööwa o Yuteya bhano bhakwanga komokumi Yesu Kirisito, bhataacha ghunkörëra amabhe. Wiiki munsabhere kubha abhakumi bha iyo Yerusareemu, bhiishereri ghosongʼaana obhotoorereri bhuno nekobhahirera koru kwo bhaato bha matöngö.

2 Abhakorinto 1:5

Mbe, kebhuno tokwëndërëra kubhöna anyaako kinya bhuno Kirisito ꞉abhwine, hangʼu hangʼu Eryobha ndekwëndërëra ghotughambisani gho kohetera Kirisito.

2 Abhakorinto 1:7

Eriitëngʼërö riito ghokoonyu n‑ikoro, gho kubha ntweche kinya bhuno mokunyaaka kinya itu, nibhu moghughambisanibhu kinya itu.

2 Abhakorinto 12:10

Gho ghayo, neghuchömëru chwee ighoro e bhutöbhu, na ghotoku, na kubha na anyööri, na kubha mo‑nyaako na kwirighora ighoro e Kirisito. Neenyi no oghuchömëru, gho kubha eriibhagha neekubha mutöbhu, niho neekubha na changuru.