2 Timotewo 2:9 - Eriiraghano Eriihë

⁹ Gho ghiri e ngʼana iyo, eni nekunyaaka na nibhöhuru ne eminyörörö kinya omuköri o mabhe. Amare angʼana e Ryobha teeghotora kubhöhu.

2 Timotewo 2:9 Referans Kwoze

Abhabhiribhi 1:7

N‑kumangi niituuri hangʼu ighoro yaanyu, gho kubha moonyi mo‑motema waane. Musangiri aghareeya e Ryobha haghirohamu na neeni, erabha nibhöhuru hamu erabha nekwibhateri na koyihëënëhi Angʼana Anchömu.

Amaköri gha Bhatomu 28:31

Akeeghi abhaato kwo bhosubhesubhe ighoro e bhutëmi bho Ryobha, ni ighoro e Mutëmi Yesu Kirisito, koru bhataamoshaangʼiri.

2 Timotewo 1:8

Mbe, otarighi chaasoni ghughambera angʼana ighoro e Mutëmi wiito Yesu Kirisito, hamu korighi chaasoni gho kubha eni neenyi mo‑kibhöhö gho ghiri yaache. Amare, oghumereri mo‑nyaako haghirohamu na neeni, gho ghiri e Ngʼana Anchömu, kurëngʼaana na changuru chino okuhaabhu ne Eryobha.

Abhakorosaayi 4:3

Motusabhere na niitu kubha Eryobha retukörërë anchëra e kuraghani angʼana yaache, na ghosiikëra amangʼana ighoro e Kirisito ghano ꞉ghaare mo‑kebhisere. Eni nibhöhuru gho ghiri e kuraghani amangʼana ghayo.

2 Timotewo 4:17

Amare Omutëmi Yesu naare haghirohamu na neeni. ꞉Naaheere changuru che kuraghani Angʼana Anchömu kwo bhohikeeranu, kubha abhaato bhoose bha matöngö bhayooghu. ꞉Naantooriri mo‑tabhaaribhaari e roko, gho kubha neere kinya uno anyi mo‑monu o ka.

1 Bheetero 2:12

Mobhakörërë amachömu abhaato bhano bhataryeche Eryobha, kubha eriibhagha bhaakubha bharabhabhiihera amangʼana amabhe, bharighi amaköri ghaanyu amachömu. Niho bhaghotora koreghongi Eryobha gho ghiri yaanyu, mo‑rosiko ro kuucha kooche.

1 Bheetero 4:15

Mbe, anyaako yaanyu etaacha korwera gho ghiri e bhwiti, no omwibhi, na ghuköra amabhe hamu ghwisöhi mo‑mangʼana gha bhande.

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

2 Abhatesaronike 3:1

Ibheere abhahiiri bhiito, motusabhere kubha angʼana e Mutëmi Yesu yëndërërë ghusancha bhwango, wiiki abhaato bhayesongʼaane gho sooko, kinya bhuure enyi ghokoonyu.

Abhakorosaayi 4:18

Eni Bhawuro nabhaandëkiire amakëërani ghano gho kubhökö koone eni mwene. Mohiite kubha nibhöhuru mwighërëcha. Aghareeya e Ryobha ibhe haghirohamu na niinyu.

Abhaebheeso 3:1

Kurëngʼaana na amangʼana ghayo, eni Bhawuro nekobhasabhera. Eni nibhöhuru gho ghiri emeremo ghino Kirisito Yesu aheere nebharaghaneri inyu abhaato bha matöngö.

Amaköri gha Bhatomu 9:16

Eni mwene nekomwërëki kebhuno akwëndëru kunyaaka gho ghiri e riina reene.”

1 Bheetero 3:16

na mubhe na amënda meero, kubha aribha bharabhibhoneereri ighoro e mangʼana ghayo moghuköra gho ghiri e Kirisito, mbe, bharighi chaasoni.

1 Bheetero 2:14

Wiiki mobhasooke abhakangati bha mikööwa, gho kubha ibho mbaahwiru no omukangati uyo. Mbaahwiru bhabhe bharabhatëma anchagho abhaato bhano bhaghuköra amasari, na kobhaghongi bhano bhaghuköra amachömu.

2 Timotewo 1:16

Neghusabha Omutëmi Yesu abharigheri changori abhaato bha mo‑ka e Onesibhooro, gho kubha mara kaaru naare arasambaaroki omukörö waane. Wiiki, tarooche chaasoni kuucha kondighi mo‑kibhöhö keene.

Ruuka 23:32

Kwo riibhagha riyo, abhaashirikare bhakamohira Yesu, na abhaato abhande bhabhere bha masari, gho ghiri bhiitu haghirohamu.

Amaköri gha Bhatomu 21:33

Omontomonkoro uyo o bhaashirikare aghiishuka, akamughööta Bhawuro, akahatëka kubha abhöhu eminyörörö ebhere. Akamara akabhoori, “Uno n‑niwe? Wiiki neke asariri?”

Abhabhiribhi 1:17

Amare bhaare bha mareghe, mbakuraghani Angʼana e Kirisito gho körö e riihari, koru taanyi gho körö yeero. Mbakwënda kwëngëra anyaako yaane mo‑kibhöhö.

1 Abhatesaronike 1:8

Korwera ghokoonyu, abhaato mbooghwire Angʼana e Mutëmi Yesu. Taanyi kwo bhaato bha Maketoniya na Akaaya abheene, amare obhokumi bhoonyu kwo Waryobha mbumanyëkiine hoose. Gho ghayo, totaakwinyaaki ghosiikëra ghyokyose ighoro e bhokumi bhoonyu.

2 Timotewo 2:3

Oghumereri mo‑nyaako haghirohamu na neeni, kinya omoshirikare omuhöriicho o Kirisito Yesu.