2 Timotewo 2:8 - Eriiraghano Eriihë

⁸ Omohiite Yesu Kirisito o mo‑rwibhoro ro mutëmi Tawuti, uno Eryobha ꞉reemoryokiri koru mo‑bhaku. Iyo niyo Angʼana Anchömu ino nekuraghani.

2 Timotewo 2:8 Referans Kwoze

Amaköri gha Bhatomu 2:24

Amare Eryobha rekamotoori koru mo‑mabhe ghayo gho komoryoki koru mo‑bhaku, gho kubha oroko rotangatoriri komwangera Yesu!

Abharuumi 2:16

Hangʼu nibhu ekubha orosiko ro ghoteneru ekiina. Eryobha ndekobhatenera ekiina abhaato kohetera Kirisito Yesu, koru kwo mangʼana ghaabho gha kebhisere, kinya ekobhugha Angʼana Anchömu ino nebharaghaniiri.

2 Abhatesaronike 2:14

Eryobha ndebhabherekiire inyu, kubha mubhönë obhotoori bhuyo gho nchëra e Ngʼana Anchömu ino ꞉tuuraghiini bhowaanyu. Ndebhabherekiire kubha mubhönë obhokumi obhokoro bho Mutëmi wiito Yesu Kirisito.

Mataayo 1:1

Ghano nigho amariina gha rwibhoro ro Yesu Kirisito uno arweriire mo‑rwibhoro ro mutëmi Tawuti o mo‑rwibhoro ro Abhurahamu.

1 Timotewo 2:7

Gho ghayo, eni netooruru kubha omotomu no omuraghani o Ngʼana Anchömu e hëënë e Yesu Kirisito mo‑bhaato bha matöngö, nebhahirere amangʼana ghayo na nebheeghi ighoro e ngʼana ino e bhokumi ne e bhuhëënë. Amangʼana ghano neghosiikëra n‑gha hëënë, nteekobhangʼiina.

1 Abhakorinto 15:4

Wiiki kubha akaryeku, na akaryoka orosiko ro ghatato, kinya bhuno yandëkuru mo‑Mandëkö Amatööbhiyu.

Obhohunyurëru 5:5

Niho umu o bhagharuka bhaare akamboorera akabhugha, “Tigha korera! Mööhi! Aka e rwibhoro ro Yuuta, ino enyi orwibhoro orokoro ro mutëmi Tawuti, nakindiri. Iwe niwe akurëngʼaanera kunaanura emehuuri ghe nyaghame mohungate mo‑ghitabhu kiyo na ghokehunyura.”

1 Timotewo 1:11

Ameeghi ghayo gha hëënë ngahaabhönëka mo‑Ngʼana Anchömu, ino ekwërëki obhokumi obhokoro bho Ryobha rino reghoghongibhu. Angʼana iyo niyo ꞉niihaabhuru ne Eryobha neyiraghani.

1 Abhakorinto 15:1

Ibheere, abhahiiri bhaane, nekobhahiiti Angʼana Anchömu ino ꞉niiraghiini ghokoonyu, na niinyu mokayesongʼaana. Iyo niyo ekobhaköra mwimeerere muköngʼiiri.

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

Amaköri gha Bhatomu 13:23

“Mo‑rwibhoro ro Tawuti nimu Eryobha ꞉reebharëëtiire Abhiisiraeri Omotoori Yesu, kinya bhuure ꞉reebharaghiire.

Amaköri gha Bhatomu 2:30

Amare gho kubha Tawuti m‑murööti are, ꞉naamënyiri kubha Eryobha ꞉ndeemuraghiri gho kuraheri kubha, ndekomuköra omooto umu o mo‑rwibhoro rooche ghukangata obhutëmi bhooche.

Ruuka 24:46

Wiiki akabhabhoorera akabhugha, “Yandëkuru kubha Kirisito nakunyaakibhu na ghwitu, no orosiko ro ghatato, nakoryoka koru mo‑bhaku.

2 Timotewo 1:8

Mbe, otarighi chaasoni ghughambera angʼana ighoro e Mutëmi wiito Yesu Kirisito, hamu korighi chaasoni gho kubha eni neenyi mo‑kibhöhö gho ghiri yaache. Amare, oghumereri mo‑nyaako haghirohamu na neeni, gho ghiri e Ngʼana Anchömu, kurëngʼaana na changuru chino okuhaabhu ne Eryobha.

2 Timotewo 2:7

Timotewo, wiituuri chwee ighoro e mangʼana ghano ˆneghakobhoorera. Omutëmi Waryobha naghokuha obhotoro bho ghoghamënya ghoose.