2 Timotewo 2:7 - Eriiraghano Eriihë

⁷ Timotewo, wiituuri chwee ighoro e mangʼana ghano ˆneghakobhoorera. Omutëmi Waryobha naghokuha obhotoro bho ghoghamënya ghoose.

2 Timotewo 2:7 Referans Kwoze

Yakobho 1:5

Amare uno aghosuuheru na amangʼiini, nakwëndëru arisabhe Eryobha naryo ndekomuha, gho kubha ndehaabhaha abhaato bhoose, kwo bhosiighi, koru iryo retaanyi na anyaanyi.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

Ruuka 24:45

Mbe, Yesu akabhaköra bhamënyë Amandëkö Amatööbhiyu ghoose.

Yohana 14:26

Amare Omotoorereri uyo, egheteemoro keeche n‑Akörö Ahörëëru, ino Taata akoyetoma ghokoonyu kwo riina reene, nekobheeghi na kobhahiiti ghoose ghano neere nebhabhooriire.

Yakobho 3:17

Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.

1 Timotewo 4:15

Ughöötërërë ghuköra ghayo kwo mukörö waacho woose, kubha abhaato bhoose bharighi bhuyo okwëndërëra mo‑ghayo.

Abhakorosaayi 1:9

Gho ghiri iyo ntokobhasabhera chaasiko choose korwera riibhagha rino tooghwire amangʼana ghaanyu. Ntoghusabha kubha Eryobha rebhahë obhumënyi bhoose gho ghaare iryo rekwënda, na amangʼiini ghoose no obhumënyi koru mo‑Körö Ahörëëru.

Yohana 16:13

Amare Akörö e bhuhëënë, hano ekuucha ghokoonyu, nekobhakangata kobhumënya obhuhëënë bhoose. Teekobhugha kwo bhotoro bhooche ayeene, amare nekobhugha ghano yoghwire na kobhabhoorera ghano ghakuucha.

Ruuka 21:15

Eni mwene, nekobhaha amangʼiini na amangʼana ghano moghosiikëra, koru abhabhisa bhaanyu bhataaghotora ghoghaanga hamu kobhakinda.

Abheebhuraaniya 13:7

Mobhahiite abhakangati bhano ꞉bhaare bharabheeghi angʼana e Ryobha. Mwihëëbhë amaköri ghaabho ghano ꞉bhaare bharaköra mo‑riimanya reebho na mweghe obhokumi bhoobho.

Abheebhuraaniya 12:3

Mwihëëbhë kinya bhuno Yesu aghumeriiri ghaare ꞉ghaamobhwine ghano abhaköri bha masari ꞉bhaare bharamoshangʼaani. Mbe, gho ghayo, mwitoore omukörö kubha motaacha ghutamu korekumi Eryobha.

Abheebhuraaniya 7:4

Mööhi kebhuno Merikiseteeki are omokoro! Koru sookoro wiito Abhurahamu ꞉naamoheere imu ghwi ikomi e bheghiro bhino ahökiri abhatëmi bhaare mwihë.

Abheebhuraaniya 3:1

Gho ghayo, inyu abhakumi abhaghëndi bhaane, bhano Eryobha rebherekiire kubha abhaato bhaache, mwituuri ighoro e Yesu, uno anyi Omotomu o Ryobha wiiki n‑Omuchaama Omokoro uno tokomokumi.

Abhabhiribhi 4:8

Antenero, bhahiiri bhaane, motoore amiihëëbhö ghaanyu ghoose ighoro e mangʼana ghano ghaanyi gha hëënë, na amangʼana gha sooko, na amangʼana ghano ghataamara ghusangerani no obhobhe, na amangʼana gha ghotegheri, ghoose ghano ghaanyi no obhuchömu. Bhorabha-ho obhuhöriicho bhobhoose, bhorabha-ho obhokumi obhuchömu bhobhoose, moghiihëëbhërë amangʼana ghayo.

1 Abhakorinto 12:8

Akörö nekomuha omooto umu angʼana e mangʼiini, no owonde nekomuha angʼana e bhumënyi. Akörö iyo iyo nekoruusi ebhihaano kinya ekwënda.

Amaköri gha Bhatomu 7:10

Eryobha rekamotoori mo‑nyaako yaache yoose. Wiiki rekamuha amachömu na amangʼiini ghoose, mbagha Bharaawo omutëmi o Miisiri akamosiigha chwee. Ibheere Bharaawo akamotoora abhe omukangati omokoro mo‑se yaache e Miisiri, na mo‑nyumba yaache e ghitëmi.

Yakobho 3:15

Amangʼiini ghanga ghayo, ghataakoru kwo Waryobha, amare n‑amangʼiini amabhe ghano ghakorwera mo‑se, na mo‑chaasughara che bhaato na mo‑Rishambu.

Ruuka 9:44

“Amangʼana ghano nekobhabhoorera ibheere, mutëghë amatu. Eni Omoona o Mooto neghughöötu na kohiru mo‑mabhökö gha bhaato.”

2 Timotewo 2:6

Wiiki, omoremi uno aghwiköngʼi mwirema, uyo nakurëngʼaanera kubhöna omunöghö o mumbërë.

2 Timotewo 2:8

Omohiite Yesu Kirisito o mo‑rwibhoro ro mutëmi Tawuti, uno Eryobha ꞉reemoryokiri koru mo‑bhaku. Iyo niyo Angʼana Anchömu ino nekuraghani.