2 Timotewo 2:16 - Eriiraghano Eriihë

¹⁶ Otighe ghosiikëra amangʼana ghano ghataanyi no obhwëra, na ghano ghataakwëndëru ne Eryobha, gho kubha bhano bhakweghi ghayo, mbaghughëri abhaato bhabhe kurë chwee ne Eryobha.

2 Timotewo 2:16 Referans Kwoze

Tiito 3:9

Amare, wisache ne erihakaana re ghighëëghë, na kwarura amariina na amangʼana gha bhasookoro, na koreghesa ne erihakaana ighoro e meghiro ghe Musa. Ghayo ghoose ghataanyi no obhwëra bhobhoose.

1 Timotewo 6:20

Timotewo, ughöötërërë bhoheene angʼana e bhuhëënë ino uhaabhuru. Otighe ghwitoora mo‑mangʼana amaghonchu, ghano ghataanyi no obhwëra bhobhoose. Wiiki otiisöhi mo‑mahakaano gha ghighëëghë, ghano bhakobhugha nigho amangʼiini.

Tiito 1:14

Bhatighe ghutëghëërëra amaghano gha Kiyahuuti ghano ghataanyi no obhwëra, na amëërëkërëri gha bhaato bhano bhatighiri obhuhëënë.

2 Timotewo 2:14

Obhahiiti abhakumi amangʼana ghayo, na kobhashaangʼi ambërë e Ryobha, bhatighe kuhakaana ighoro e mangʼana amasuuhusuuhu. Okuhakaana kuyo ghotaanyi no obhwëra, amare ngoghusari bhano bhakobhatëghëërëra.

Obhohunyurëru 13:3

Omutu umu o ghotyenyi ghuyo noore ne erighaati ibhe chwee rino rengaghëriri reku. Amare erighaati riyo ndeere rihöriri! Abhaato bhoose mo‑se bhakaroghoora chwee ighoro oghotyenyi ghuyo, na ghoghutambana.

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.

2 Bheetero 2:2

Wiiki abhaato bhaaru mbaghutambana amangʼana ghaabho gha chaasoni. Gho ghiri yaabho, anchëra e bhuhëënë neghotoku.

Abheebhuraaniya 12:15

Mubhe amiisho kubha ataacha kubha‑ho omooto wowoose uno aghokindu kubhöna aghareeya e Ryobha. Wiiki eriitina re bhosongo retasebhoka rebhanyaaki, reghonchi chaakörö che bhaato bhaaru.

Tiito 1:11

gho kubha mbakorumeeri abhaato mo‑chanyumba chaaru. Mbakweghi amangʼana ghano ghatanchekiine, mbaghutabhara kwibhönëra chambiiri gho nchëra ambe.

2 Timotewo 3:13

Amare abhaköri bha masari na abharöngö mbakwëndërëra kubha abhaköri bha masari chwee, mbaakubha bharangʼiina na kongʼiinu.

1 Timotewo 4:7

Amare waange kimu amaghano gha kare ghano ghataanyi no obhwëra, amare wiköngʼi ghuköra ghano ghakwëndëru ambërë e Ryobha.

1 Abhakorinto 15:33

Motangʼiinu na abhaato bhano bhakobhugha hangʼu, gho kubha, “Abhasaani abhabhe, mbaghusari atëëmö inchömu e mooto.”

1 Abhakorinto 5:6

Obhwihachi bhoonyu bhotaanyi no obhwëra. Moteeche kubha eriisari rino n‑kinya ekimëra ghesuuhu kino kehaatöti anyongo yoose e bhotu?

Obhohunyurëru 13:14

Kwo bhyërëkërëri bhino rihaabhuru ghuköra gho ghiri e ghotyenyi ghuure o ghumbërë, ghokabhangʼiina bhano bhataare bharakumi mo‑se. Ghokabhabhoorera abhaato bhabhaache asanaamu e ghosooka oghotyenyi ghuure o ghumbërë ghuno ghunyahaaruru ne ekinyamiino, amare ghökëëndërëra kubha ghuhöru.

1 Timotewo 1:9

Wiiki, ntokwëndëru kumënya kubha emeghiro ghetatooruru gho ghiri e bhaato abhahëënë, amare n‑kwo bhano bhaghusari emeghiro na kwo bhano bhataanyi na asooko, na kwo bhano bhataakorekumi Eryobha na abhaköri bha masari, na kwo bhano bhataanyi no omukörö mwero na kwo bhaghonchu, na kwo bhano bhaghwita bhiishe na bhaanyina na kwo bhiiti bha bhaato,

2 Timotewo 2:21

Ibheere, omooto ariiyeri gho ghotigha obhobhe bhuyo bhoose, naakubha kinya egheghiro ghe sooko kino kyahwiru. Naakubha arëngʼaaniire mo‑Mutëmi waache, naakubha isëëmiri mo‑meremo ghyose emichömu.