2 Timotewo 2:12 - Eriiraghano Eriihë

¹² Aribha toghoghumereri, ntoghutëmi haghirohamu nawe. Aribha toramwanga, woose naghotwanga.

2 Timotewo 2:12 Referans Kwoze

Abharuumi 8:17

Mbe, aribha itu n‑abhaana bha Ryobha toonyi, ntubheere abhaghabhi bhaache. Ntoghosongʼaana aghabho yiito haghirohamu na Kirisito. Amare kino ghekwëndëru ghokwito ibheere n‑kubha, tusange anyaako haghirohamu na Kirisito, kubha na niitu tusange haghirohamu nawe mo‑bhokumi bhooche obhokoro.

Mataayo 10:33

Amare, wowoose uno akonyanga ambërë e bhaato, na neeni nekomwanga ambërë e Taata waane uno anyi Mwishaaro.

Obhohunyurëru 20:4

Niho nekarighi ebhetumbe bhe ghitëmi bhikariiru na bhano ꞉bhaare bhahaabhuru obhotoro bho ghotena ekiina. Bhayo, n‑chaakörö chiire che bhaato bhano ꞉bhaanunguru emitu gho koruusi obhwibhateri ighoro e Yesu na kuraghani amangʼana e Ryobha. Bhatasëngiire oghotyenyi ghuure koru asanaamu yaache. Bhatiisheriiri ghotooreru ekingʼöchö ghe ghotyenyi ghuyo mo‑masho ghaabho koru mo‑mabhökö ghaabho. Abhaato bhano ꞉bhaaryokiri, bhaghakangata haghirohamu na Kirisito emeeka egheku kimu.

Obhohunyurëru 20:6

Kuno niko koryoka kwo bhaku o kumbërë. Ngʼoni bhano bhakoryokibhu hayo, ibho mbiitabhiiru chwee na m‑bhatööbhiyu. Oroko ro kabhere rotaakubha na changuru ighoro yaabho. Ibho mbaakubha abhachaama bha Ryobha na Kirisito, na mbaghukangata nawe eriibhagha riyo re meeka egheku kimu.

Ruuka 12:9

Wiiki, omooto woose uno akonyanga ambërë e bhaato, na neeni nekomwanga ambërë e bhamarayika bha Ryobha.

Obhohunyurëru 5:10

Iye ꞉noobhaköriri abhaato bhayo bhabhe abhachaama mo‑bhutëmi bhoocho, bharihökëri Eryobha, mbakoyikangata ase ino.”

Ruuka 9:26

“Wowoose uno akondigheri chaasoni eni na amangʼana ghaane, Omoona o Mooto woose nakomorigheri chaasoni omooto uyo, hano akuucha kuucha mo‑bhokumi bhooche obhokoro, na bhwi Ishe, na bho bhamarayika bhaache abhatööbhiyu.

Obhohunyurëru 2:13

Eni nyeeche hano moghwikara, n‑ahaghiro hano Erishambu reghukangata. Koru hangʼu, mokwëndërëra ghonkumi. Koru eriibhagha riire omwibhateri waane omuhëënë Antibha ituru mo‑moghya waanyu uno Erishambu reghwikara, motanyangiri kubha m‑bhaghëndi bhaane moonyi.

Obhohunyurëru 1:9

Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu.

Yuuta 1:4

ˆNekabhaandëkëra anyaarubha ino, gho kubha mbaanyi‑ho abhaato nyarebhe bhano bhataakoresooka Eryobha, mbiisöhiri gho kebhisere ghate yaanyu na ghwisangerani na niinyu. Abhaato bhano mbakorumeeri angʼana e ghareeya e Ryobha riito, kubha abhaato bhakörë amangʼana gha chaasoni na komwanga Omutëmi wiito Yesu Kirisito, Omukangati wiito omwene chiri. Amare korwera kare ꞉yaandëkuru mo‑Mandëkö Amatööbhiyu kubha abhaato bhano mbaghoteneru ekiina.

Abhabhiribhi 1:28

Wiiki nibhe nerooghu kubha, motaaghotiina koru hasuuhu abhaato bhano bhakobhakörëra anyaako. Kiyo nikyo ekyërëkërëri kubha ibho mbakwërëkëra ghosireekerera, amare inyu mokwërëkëra ghotooribhu. Ghiyo ghyose ne emeremo ghe Ryobha.

Maariko 8:38

Eriibhagha Omoona o Mooto neghwika na bhamarayika abhatööbhiyu mo‑bhokumi obhokoro bho Taata waane, nekomorigheri chaasoni omooto wowoose uno akondigheri eni chaasoni na ameeghi ghaane kwo riibhagha rino abhaato bhaghuköra amasari na bhataaghotereera Eryobha.”

Mataayo 26:35

Bheetero akamugharokeri akabhugha, “Koru aribha ekwëndëru kubha neku haghirohamu na niiye, eni nteghokwanga naabha!” Abhaanabheegha abhande bhoose bhaghasiikëra hangʼu hangʼu.

Obhohunyurëru 3:8

Nyeeche amaköri ghaanyu. Mööhi! Eni nebhighoriire orwighe, koru taanyi‑ho omooto uno aghotora korwighara. Koru nangabha changuru cheenyu cheenyi insuuhu, amare mughöötiri ameeghi ghaane, motanyangiri kubha m‑bhaghëndi bhaane moonyi.

Amaköri gha Bhatomu 14:22

Haghiro hoose hano bhaghiire ꞉mbaabhatooriri omukörö abhaghëndi bha Yesu, bhakabhabhoorera bhëëndërërë ghokumi amangʼana gha bhuhëënë ghano bheeghuru. Bhakabhatongera bharabhugha, “Ntokwëndëru ghusöha mo‑bhutëmi bho Ryobha gho kohetera anyaako yaaru.”

Maariko 10:33

Akabhugha, “Mööhi, ibheere ˆtoghatiira ghuye Yerusareemu. Iyo, eni Omoona o Mooto neghughöötu na kohiru mo‑bhakoro bha bhachaama na mo‑bheeghi bha meghiro. Bhayo mbaghontenera ekiina neku, na koohira mo‑bhaato bha matöngö.

Mataayo 26:75

Niho Bheetero akahiita amangʼana ghaare Yesu ꞉amobhooriire arabhugha, “Reero asërëëcha ekeere ghughamba, nookubha onyangiri ghatato.” Niho akahoroka anche na ghusëëma korera kwo bhororo chwee.

Obhohunyurëru 1:6

Natuköriri itu tubhe obhutëmi bho bhachaama kubha torihökëri Eryobha, Ishe waache. Obhokumi obhokoro no obhotoro bhubhe kwo Yesu, emiishe ne emiishe. Hawubhaabha.

Ruuka 22:29

Ibheere, nekobhaköra mubhe abhatëmi, kinya bhuure Taata waane ꞉anköriri kubha Omutëmi,

Ruuka 22:30

ntookubha toraraaghëra ebhiinyakurë na kunyo haghirohamu mo‑bhutëmi bhoone. Na moghwikara mo‑bhetumbe bhe bhokumi obhokoro, moratenera ekiina amatöngö ikomi na abhere gha Bhiisiraeri.”

Abharuumi 5:17

Eriisari re mooto umu, ꞉ndiighëriri oroko rukangate abhaato bhoose gho kohetera omooto uyo umu. Amare hëënë ibheere, abhaato bhoose bhano mbaghosongʼaana atuho e ghareeya e Ryobha ino etaanyi ne ekirëngërë, mbakubhareru kubha mbaanyi no obhuhëënë ambërë e Ryobha. Bhayo mbaghukangata mo‑bhuhöru bho miishe ghyose, kohetera omooto umu, Yesu Kirisito.

1 Timotewo 5:8

Amare omooto wowoose uno ataaghotoori abhaato bhaache, ahanene bhaare bha mo‑ka yaache, uyo naakubha atighiri obhokumi bhuno toghokumi, wiiki m‑mobhe ghokera omooto uno ataamara akumi.

Obhohunyurëru 3:10

Ndekuucha eriibhagha re nyaako mo‑se ingima, na abhaato bhoose mbakurëngighu. Amare eriibhagha riyo, nekobhachonga inyu, gho kubha ꞉mooghumeriiri anyaako kinya ꞉neebharagheriiri.

Obhohunyurëru 3:21

Omooto wowoose uno aghokinda amasaki, nekomwisherereri ghwikara na neeni mo‑ghetumbe keene ghe ghitëmi, kinya bhuure na neeni ꞉neekindiri, neghiikara na Taata mo‑ghetumbe keeche ghe ghitëmi.