2 Timotewo 2:10 - Eriiraghano Eriihë

¹⁰ Gho ghayo, neghoghumereri ghoose gho ghiri e bhaato bhano bhaahwiru ne Eryobha bhabhe abhaato bhaache. Neghuköra hangʼu, kubha bhoose bhasongʼaane obhotoori kohetera Kirisito Yesu, na ghusanga obhokumi bhooche obhokoro bho emiishe ghyose.

2 Timotewo 2:10 Referans Kwoze

Abhakorosaayi 1:24

Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

2 Timotewo 2:3

Oghumereri mo‑nyaako haghirohamu na neeni, kinya omoshirikare omuhöriicho o Kirisito Yesu.

2 Abhakorinto 1:6

Hano tokunyaaka, ntokunyaaka gho ghiri e ghughambisanibhu koonyu no obhotoori bhoonyu. Wiiki, hano itu toghughambisanibhu, niho na niinyu moghosongʼaana ghughambisanibhu. Ghughambisanibhu kuyo ngokobhatoori ghoghumereri mo‑nyaako yiire yiire ino na niitu tokunyaaka.

2 Abhakorinto 4:17

Neghosiikëra hangʼu, gho kubha anyaako yiito n‑ihoho na n‑e riibhagha ighuhe hangʼu. Wiiki, neghotusëëmëra obhokumi obhokoro bho miishe ghyose. Obhokumi obhokoro bhuyo m‑bhokoro chwee, mboghotuköra korighi anyaako ino, n‑egheghiro ghesuuhu hangʼu.

1 Bheetero 2:10

Hayo ekeenyuma, motaare abhaato bha Ryobha, amare ibheere inyu n‑abhaato bhaache moonyi. Wiiki motaare morochiiru changori ne Eryobha, amare ibheere, morochiiru changori.

1 Abhatesaronike 5:9

Eryobha retatwahwire itu kubha retosireekereri kwo bhororo bhooche, amare ndetwahwire kubha tubhönë obhotoori gho nchëra e Mutëmi wiito Yesu Kirisito.

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

Abhaebheeso 3:13

Gho ghayo, nekobhasabha motaku omukörö kwo nyaako ino ekumböna gho ghiri yaanyu, gho kubha anyaako iyo nekobharëëtëra obhwëra.

2 Abhakorinto 4:15

Ibheere amangʼana ghoose ghano ghaghotubhöna, ngaghotubhöna gho ghiri yaanyu, kubha aghareeya e Ryobha ebhahikere abhaato bhaaru chwee, kubha abhaato bhëëngërë koriitabheri Eryobha. Kurëngʼaana na ghayo, Eryobha ndekwëndërëra ghoghongibhu.

1 Abhakorinto 9:22

Kwo bhano bhataamara bhaköngʼëri mo‑bhokumi, neere kinya uno ataamara aköngʼëri mo‑bhokumi kubha nebhatoori bhamokumi Kirisito. ꞉Niiköriri ghoose kwo bhaato bhoose, kubha gho nchëra yoyoose yiire, nebhatoori nangabha abhamu ghate yaabho.

Abharuumi 9:23

꞉Ndiiköriri hangʼu, kubha ribhönë kwërëki obhokumi bhooche obhokoro gho ghiri e bhaato bhano ꞉riisëëmiri bhasongʼaane changori cheeche. ꞉Ndiisëëmiri korwera kare kobharëëta ghokooche bhabhe nawe mo‑bhokumi bhooche obhokoro.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

Yohana 17:24

“Oo Taata, nekwënda kubha bhano oheere bhabhe haghirohamu na neeni hano neekubha, kubha bhabhorighi obhokumi bhoone obhokoro bhuno oheere, gho kubha ꞉nuushamiri ghonsiigha koru ase ekeere ghutëëmu.

Yohana 17:9

“Nekobhasabhera bhayo, nteekobhasabhera abhaato bhoose, amare nekobhasabhera abhaato bhano oheere gho kubha m‑bhabhaacho.

Yohana 11:52

Wiiki Yesu taaghoku gho ghiri e ritöngö riyo eryene chiri, amare kubha abhakome abhaana bha Ryobha bhano bhasanchiri, kubha bhabhe haghirohamu.

Mataayo 24:31

Niho nekobhatoma bhamarayika bhaane bhatëmë chantaara kwo riiraka ikoro, kubha bhabhakome abhaahöru bhoose bha Ryobha koru chambaara choose che se. Abhaahöru bhayo mbakuucha korwera eribhaara rimu mbagha ghutabhura eribhaara erende.”

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Mataayo 24:22

Aribha Eryobha retangatoriri ghoghuheehi eriibhagha riyo re nyaako, mbe, taanyi‑ho omooto uno angahöniri. Amare gho ghiri e bhaahöru bhaache, Eryobha ndeghochiköra chibhe inguhe chaasiko chiyo.

2 Abhatesaronike 2:14

Eryobha ndebhabherekiire inyu, kubha mubhönë obhotoori bhuyo gho nchëra e Ngʼana Anchömu ino ꞉tuuraghiini bhowaanyu. Ndebhabherekiire kubha mubhönë obhokumi obhokoro bho Mutëmi wiito Yesu Kirisito.

Ruuka 18:7

Eryobha kana, retaakobhakörëra bhoheene abhaato bhaache bhano bhakorisasaama rebhatoori, obhotiko no omwishe? Hëënë ndeghukëëchëra kobhatoori?

1 Abhakorinto 1:21

Neghosiikëra hangʼu, gho kubha, Eryobha kwo mangʼiini ghaache, ꞉ndiihatëkiri kubha abhaato bhataaghotora korimënya gho nchëra e mangʼiini ghaabho abheene. Amare Eryobha ndesiighiri kobhatoori bhano bhakorekumi gho nchëra e ngʼana ino tokuraghani. Angʼana iyo, abhaato bhano bhataryeche Eryobha, mbakoyerighi kubha n‑e ghighëëghë.

2 Abhakorinto 12:15

Neghuchömëru koruusi ebheghiro bheene na kwiruusi eni mwene kobhatoori inyu. Amare ibheere nekorighibhu kubha, hano nekwëngëra kobhasiigha, niho inyu moghosuuhi obhosiighi bhoonyu ghokoone.

2 Timotewo 1:1

Anyaarubha ino neyandëkiri eni Bhawuro. Eni netomuru kwo mënda gha Ryobha kubha omotomu o Kirisito Yesu, kubha niraghani angʼana e bhuhöru. Eryobha ꞉ndiiraghiri kubha, obhuhöru bhuyo mbokubhönëka gho komokumi Kirisito Yesu.

2 Timotewo 2:1

Ibheere iye omoona waane, ubhe na changuru gho nchëra e ghareeya ino tuhaabhuru gho komokumi Kirisito Yesu.

Tiito 1:1

Anyaarubha ino neyandëkiri eni Bhawuro, omutamishi o Ryobha, no omotomu o Yesu Kirisito. Eni netomuru gho ghiri e kwërëkërëri abhaato bhano bhaahwiru ne Eryobha, kubha bhatore komokumi na kumënya obhuhëënë ighoro e Yesu Kirisito. Obhuhëënë bhuyo mbokobhakangata ghuköra ghano ghakwëndëru ambërë e Ryobha,

Ruuka 22:57

Amare Bheetero akaanga akabhugha, “Aa, omukari uno! Ntemweche eni!”