2 Timotewo 1:9 - Eriiraghano Eriihë

⁹ Iryo ꞉ndeetotooriri, reghatobherekera tubhe abhaana bhaache abhatööbhiyu. Retaaköriri hangʼu gho ghiri e maköri ghiito, amare ꞉ndiiköriri gho ghiri e miigha ghaache na aghareeya yaache. ꞉Ndeetoheere aghareeya iyo gho nchëra e Kirisito Yesu, koru ase ino ekeere ghutëëmu.

2 Timotewo 1:9 Referans Kwoze

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

Tiito 1:2

na mbokobhaha amiitëngʼërö gha bhuhöru bho miishe ghyose. Eryobha ꞉ndiiraghiri obhuhöru bhuyo, koru rekeere ghutëëma ase, na retaaghosiikëra obhuröngö.

Abharuumi 9:11

Amare, ebhisare bhiyo hano bheere bhekeere kwibhoru, na koru bhekeere ghuköra ghyokyose kibhe ghichömu hamu ekebhe, Eryobha rëkëërëki amënda ghaache gha kwahura,

Yohana 17:24

“Oo Taata, nekwënda kubha bhano oheere bhabhe haghirohamu na neeni hano neekubha, kubha bhabhorighi obhokumi bhoone obhokoro bhuno oheere, gho kubha ꞉nuushamiri ghonsiigha koru ase ekeere ghutëëmu.

Abhaebheeso 1:11

Eryobha ndehaaköra ghoose kurëngʼaana na amënda ghaache. Iryo ndetwahwire itu Abhayahuuti korwera kare, kubha tubhe abhaato bhaache gho nchëra e ghughöötana kwito na Kirisito.

Obhohunyurëru 13:8

Abhaato bhoose ase ingima mbaghoghusëngëra oghotyenyi ghuyo, nanyinga abhaato bhano amariina ghaabho ghaandëkuru mo‑Ghitabhu ke Bhuhöru korwera hano ase ino ere ekeere ghutëëmu. Eghitabhu kino n‑ke Moona o Ngʼöndu uno ꞉asinchuru.

1 Bheetero 1:20

Korwera hano ase ere ekeere ghutëëmu, Eryobha ndeere rimariri komwahura gho ghiri iyo. Amare reghaghanya mbagha chaasiko chino che ntenero, niho rekamurëëta na komwërëkani haheero mo‑bhaato bhoose bha mo‑se. Ghayo ghoose ꞉ndiiköriri gho ghiri yaanyu.

Yohana 17:9

“Nekobhasabhera bhayo, nteekobhasabhera abhaato bhoose, amare nekobhasabhera abhaato bhano oheere gho kubha m‑bhabhaacho.

1 Bheetero 2:9

Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.

Abheebhuraaniya 3:1

Gho ghayo, inyu abhakumi abhaghëndi bhaane, bhano Eryobha rebherekiire kubha abhaato bhaache, mwituuri ighoro e Yesu, uno anyi Omotomu o Ryobha wiiki n‑Omuchaama Omokoro uno tokomokumi.

Abhaebheeso 2:5

nikyo retoheere obhuhöru haghirohamu na Kirisito. ꞉Ndiiköriri hangʼu nangabha itu toore tokuure mo‑chaakörö, gho ghiri e masari ghiito. ꞉Ndeetotooriri gho ghareeya yaache.

1 Abhatesaronike 4:7

Eryobha retatobherekiire ghuköra obhutaari, amare ndetobherekiire kubha twikare mo‑bhutööbhiyu.

1 Abhakorinto 1:18

Angʼana e roko ro Kirisito mo‑musarabha n‑e ghighëëghë kwo bhaato bhano bhakobhora, amare ghokwito itu bhano toghotooribhu, angʼana iyo n‑changuru che Ryobha.

Yohana 6:37

Abhaato bhoose bhano Taata aheere, mbakuucha ghokoone na ghonkumi. Wiiki nteekomwanga naabha koru umu uno akuucha ghokoone.

Obhohunyurëru 17:8

Oghotyenyi ghuno orooche, ekimbërë ngoore ghuhöru amare ibheere ngokuure. Ibheere haghuhe ghoonyi koru mwirooma re mashambu, amare Eryobha ndeghoghosireekereri. Abhaato bhoose bha se bhano amariina ghaabho ghataandëkuru mo‑Ghitabhu ke Bhuhöru korwera ghutëëmu gho se, mbakoroghoora korighi oghotyenyi ghuyo gho kubha ngoore‑ho, ghokamara ghoghaku, amare ghoghagharuka wiiki.”

Abhaebheeso 3:11

Eryobha ꞉ndiiköriri hangʼu kurëngʼaana na kinya reere kwënda emiishe ghyose. Ndeghahikeriini gho kohetera emeremo ghino Omutëmi wiito Kirisito Yesu ꞉aköriri.

Abharuumi 3:20

Amangʼana hangʼu ghaanyi, gho kubha omooto woose taaghotora kubharu kubha omuhëënë ambërë e Ryobha gho ghughööta emeghiro ghe Musa. Emeremo ghe meghiro ghiyo, n‑kobhamënyi abhaato bhoose ighoro e masari ghaabho.

1 Timotewo 1:1

Anyaarubha ino neyandëkiri eni Bhawuro. Eni netomuru kubha omotomu o Kirisito Yesu gho kuhatëku ne Eryobha Omotoori wiito na Kirisito Yesu uno anyi eriitëngʼërö riito.

Abhaebheeso 1:9

Iryo ndehikeriini ghaare reere kwënda gho nchëra e Yesu Kirisito. ꞉Ndiiköriri hangʼu gho kubha, nibhu ꞉reesiighiri retumënyi amangʼana ghaache ghano reere rebhisiri.

Abharuumi 9:24

Mo‑bhaato bhayo nibho itu bhano rebherekiire. Retabherekiire Abhayahuuti abheene, amare koru abhaato bha matöngö.

Ruuka 10:21

Eriibhagha riyo, Yesu aghachömëru chwee kwo bhotoro bho Körö Ahörëëru, akabhugha, “Oo Taata, ˆoghachömi, iye Omutëmi o Mwishaaro na ase yoose, gho kubha, amangʼana ghano, nobhabhisiri bhano bhaanyi na amangʼiini na abhasömi, amare okabhahunyurera abhaato bhano bhakwinyööhi ghokoocho kinya abhaana abhasuuhu. Oo Taata, ghano ghoose n‑kurëngʼaana na amënda ghaacho.”

Mataayo 1:21

Nakwibhora omoona o ghesiite, niiye omoroke eriina reeche Yesu, gho kubha niwe akobhatoori abhaato bhaache koru mo‑masari ghaabho.”

Amaköri gha Bhatomu 2:47

Mbaare bharareghongi Eryobha na ghosiighu na abhaato bhoose. Chaasiko choose Omutëmi Yesu akabha arabhatoori abhaato abhande bha masari, bhaghaghöötana na abhakumi abhande, no omubharo waabho ökëëndërëra kwiyëngëra chwee.

Amaköri gha Bhatomu 15:18

wiiki nigho ghayo ghayo ꞉ghaamënyuru korwera kare.’”

Abharuumi 11:14

gho nchëra yoyoose yiire, nebhakörë Abhiisiraeri abhaghëndi bhaane bhabhe na amiigha gha kubhöna obhotoori kinya bhuno inyu mobhwine, kubha abhamu ghate yaabho bhatooribhu.

Abharuumi 11:29

Eryobha reraahura abhaato bhaache na kobhiitabheri, retaaghotora ghwigharura.

Abhabhiribhi 3:14

Mbe, neghwiköngʼi mo‑rughëndö kubha nehike mo‑ntenero na kuhaabhu atuho yaane. Atuho iyo niyo amberekerera e Ryobha gho nchëra e Kirisito Yesu.

2 Timotewo 1:1

Anyaarubha ino neyandëkiri eni Bhawuro. Eni netomuru kwo mënda gha Ryobha kubha omotomu o Kirisito Yesu, kubha niraghani angʼana e bhuhöru. Eryobha ꞉ndiiraghiri kubha, obhuhöru bhuyo mbokubhönëka gho komokumi Kirisito Yesu.