2 Timotewo 1:8 - Eriiraghano Eriihë

⁸ Mbe, otarighi chaasoni ghughambera angʼana ighoro e Mutëmi wiito Yesu Kirisito, hamu korighi chaasoni gho kubha eni neenyi mo‑kibhöhö gho ghiri yaache. Amare, oghumereri mo‑nyaako haghirohamu na neeni, gho ghiri e Ngʼana Anchömu, kurëngʼaana na changuru chino okuhaabhu ne Eryobha.

2 Timotewo 1:8 Referans Kwoze

Abharuumi 1:16

Eni nteekorighi chaasoni kuraghani Angʼana Anchömu iyo, gho kubha nibho obhotoro bho Ryobha bhuno bhoghotoori abhaato bhoose bhano bhakomokumi Yesu, korwera mo‑Bhayahuuti mbagha mo‑bhaato bha matöngö.

Maariko 8:38

Eriibhagha Omoona o Mooto neghwika na bhamarayika abhatööbhiyu mo‑bhokumi obhokoro bho Taata waane, nekomorigheri chaasoni omooto wowoose uno akondigheri eni chaasoni na ameeghi ghaane kwo riibhagha rino abhaato bhaghuköra amasari na bhataaghotereera Eryobha.”

2 Timotewo 4:5

Amare iye, ubhe miisho mo‑mangʼana ghoose. Oghumereri anyaako, ukörë emeremo ghe kuraghani Angʼana Anchömu, ukörë bhoheene mo‑bhutamishi bhoocho bhoose.

Obhohunyurëru 12:11

Ibheere abhakumi bhaghëndi bhiito mbamohichiri kwo masaahë gha Moona o Ngʼöndu, na kwo ngʼana e bhwibhateri bhoobho, mbamohichiri. Bhatatereeriri eriimanya reebho, mbaare bhiisëëmiri ghoku gho ghiri e komokumi Omoona o Ngʼöndu.

2 Timotewo 2:9

Gho ghiri e ngʼana iyo, eni nekunyaaka na nibhöhuru ne eminyörörö kinya omuköri o mabhe. Amare angʼana e Ryobha teeghotora kubhöhu.

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

Abhaebheeso 3:1

Kurëngʼaana na amangʼana ghayo, eni Bhawuro nekobhasabhera. Eni nibhöhuru gho ghiri emeremo ghino Kirisito Yesu aheere nebharaghaneri inyu abhaato bha matöngö.

Abhabhiribhi 3:10

Nekwënda nemumënyë Kirisito chwee na kubha na changuru ghe chino are nacho Kirisito eriibhagha re koryoka kooche. Nekwënda kubhöna anyaako kinya iwe ꞉anyaakiibhu, wiiki nekwënda neku kinya akuure.

Ruuka 9:26

“Wowoose uno akondigheri chaasoni eni na amangʼana ghaane, Omoona o Mooto woose nakomorigheri chaasoni omooto uyo, hano akuucha kuucha mo‑bhokumi bhooche obhokoro, na bhwi Ishe, na bho bhamarayika bhaache abhatööbhiyu.

2 Timotewo 1:16

Neghusabha Omutëmi Yesu abharigheri changori abhaato bha mo‑ka e Onesibhooro, gho kubha mara kaaru naare arasambaaroki omukörö waane. Wiiki, tarooche chaasoni kuucha kondighi mo‑kibhöhö keene.

Abhaebheeso 4:1

Mbe, eni uno nibhöhuru gho ghiri e komuhökëri Omutëmi, nekobhasasaama mubhe na asughara ino ekurëngʼaana na amberekerera yaanyu ino Eryobha ꞉reebhabherekeriire.

Obhohunyurëru 1:9

Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu.

Yuuta 1:24

Eryobha niryo reenyi no obhotoro bho kobhachonga motaacha kobhora. Wiiki ndeenyi no obhotoro bho kobharëëta ambërë yaache mo‑bhokumi bhooche obhokoro, moonyi no oghuchömëru, motaanyi no obhobhe bhobhoose.

1 Bheetero 1:5

Eryobha ndekobhachonga inyu gho changuru cheeche, gho nchëra e komokumi Yesu Kirisito. Moghochongu mbagha hano mokubhöna obhotoori bhuno bhokorighibhu mo‑chaasiko che ntenero.

2 Timotewo 2:3

Oghumereri mo‑nyaako haghirohamu na neeni, kinya omoshirikare omuhöriicho o Kirisito Yesu.

1 Abhatesaronike 3:4

Mweche ghayo, gho kubha hano toore haghirohamu na niinyu, ntoore torabhabhoorera kubha ntokunyaakibhu, na hangʼu ghabheere.

Abhabhiribhi 1:7

N‑kumangi niituuri hangʼu ighoro yaanyu, gho kubha moonyi mo‑motema waane. Musangiri aghareeya e Ryobha haghirohamu na neeni, erabha nibhöhuru hamu erabha nekwibhateri na koyihëënëhi Angʼana Anchömu.

Abhaebheeso 3:13

Gho ghayo, nekobhasabha motaku omukörö kwo nyaako ino ekumböna gho ghiri yaanyu, gho kubha anyaako iyo nekobharëëtëra obhwëra.

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

1 Yohana 4:14

Itu ntorooche na ntokobhabhoorera obhuhëënë kubha, Taata Waryobha ꞉naamotomiri Omoona waache mo‑se ino, kubha abhe Omotoori o bhaato bhoose.

2 Timotewo 4:17

Amare Omutëmi Yesu naare haghirohamu na neeni. ꞉Naaheere changuru che kuraghani Angʼana Anchömu kwo bhohikeeranu, kubha abhaato bhoose bha matöngö bhayooghu. ꞉Naantooriri mo‑tabhaaribhaari e roko, gho kubha neere kinya uno anyi mo‑monu o ka.

Abhabhiribhi 4:13

Neghotora ghuköra ghoose ghayo, gho kubha Kirisito niwe akuuha changuru.

Abharuumi 9:33

kinya bhuno Eryobha ꞉reebhughiri mo‑Mandëkö Amatööbhiyu kubha, “Mööhi, netooriri eriibhohe Sayuuni. Eriibhohe riyo niryo reghughëri abhaato bhariituuratuura, na abhaato abhabhe bharagho. Amare omooto wowoose uno akomokumi uyo anyi eriibhohe riyo, taaghosookibhu!”

Amaköri gha Bhatomu 5:41

Abhatomu bhayo bhakahoroka mo‑riibharacha riyo bharasiighasiigha, kinya Eryobha rebhaheere asooko e ghutaraahu gho ghiri e riina re Yesu.

Obhohunyurëru 19:10

Niho neghagho kebhuuma ambërë e marayika uyo, kubha nemusëngërë. Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhakoruusi obhwibhateri ighoro e Yesu. Mbe, usëngërë Eryobha eryene chiri! Gho kubha, obhuhëënë bhuno Yesu ërëkiri, nibho bhoghughëri abhaato bhararuusi obhurööti.”

Obhohunyurëru 1:2

Yohana aghasiikëra amangʼana ghoose ghano ꞉arooche. Ghayo nigho Eryobha ꞉reesiikiire na Yesu Kirisito aghaghasiikërëra.

1 Abhakorinto 1:6

Ghano ngakwërëki kubha amangʼana ghano tobharaghaniiri ighoro e Kirisito n‑gha hëënë.

Yohana 19:35

Bhuno n‑obhwibhateri bho mooto uno agharooche gharaköru. Bhuyo n‑obhwibhateri bho hëënë, gho kubha iwe neeche ghano aghosiikëra n‑gha hëënë, kubha na niinyu motore ghokumi.

Abhakorosaayi 1:24

Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

Abhaebheeso 4:17

Mbe, kwo riina re Mutëmi ˆnekabhatöngëra kubha, motamanya wiiki kinya abhaato bhano bhataryeche Eryobha. Ibho amiihëëbhö ghaabho ghataanyi no obhwëra,

2 Abhakorinto 6:7

wiiki gho nchëra e kuraghani amangʼana gha mahëënë. Ntohaaköra ghayo ghoose gho changuru che Ryobha. Obhuhëënë nibho ebhiröönërö bhiito, eribhaara re kwiro na re kumosi.

Abharuumi 8:36

N‑kinya bhuno Amandëkö Amatööbhiyu ghakobhugha kubha, “Chaasiko choose ntokorighani no oroko, gho kubha ntoghokuhökëri iye. Ntoghukörëru kinya changʼöndu chino chekohiru ghosinchu.”

Yohana 15:27

Wiiki inyu bhoose moghungambëra amangʼana ghaane, gho kubha moore haghirohamu na neeni korwera ekeenyuma.”

1 Timotewo 2:6

Iwe ꞉naaruusiri eriimanya reeche omwene, kubha abhatingori abhaato bhoose. Bhuno nibho obhwibhateri bhuno Kirisito atoheere kwo riibhagha rino Eryobha retooriri.

Abhakorosaayi 1:11

Ntoghusabha kubha Eryobha ryëndërërë kobhatoori gho changuru cheeche chino chetaanyi ne ekirëngërë, kubha motore ghoghumereri. Mbe, muchömëru

2 Timotewo 1:10

Amare ibheere, ndyërëkiri aghareeya yaache ghokwito, gho kuucha gho Kirisito Yesu Omotoori wiito. Iwe nakindiri changuru che roko, na nëërëkiri obhuhöru bho miishe ghyose gho nchëra e Ngʼana Anchömu.

2 Timotewo 2:8

Omohiite Yesu Kirisito o mo‑rwibhoro ro mutëmi Tawuti, uno Eryobha ꞉reemoryokiri koru mo‑bhaku. Iyo niyo Angʼana Anchömu ino nekuraghani.