2 Timotewo 1:7 - Eriiraghano Eriihë

⁷ Köra hangʼu, gho kubha Akörö ino Eryobha retoheere teenyi e bhotiini, amare neghotuha changuru, no obhosiighi ne ekirëngërë.

2 Timotewo 1:7 Referans Kwoze

Abharuumi 8:15

Eryobha retabhaheere Akörö Ahörëëru kubha mubhe abhasësë na kobhaköra moretiine wiiki, amare ndebhaheere Akörö Ahörëëru kubha mubhe abhaana bhaache. Gho Körö ntokorebherekera Eryobha “Abha,” egheteemoro keeche “Taata.”

1 Yohana 4:18

Omooto uno anyi no obhosiighi taanyi na ahaho. Amare obhosiighi bho hëënë mbohaaruusi ahaho yoose, gho kubha ghoteneru ekiina niko ghokobhaköra abhaato bhahahe. Omooto uno anyi na ahaho, obhosiighi bho Ryobha bhotahikeriine moose yaache.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Yohana 14:27

Hano neghutanura, nekobhatighera omurëmbë, omurëmbë waane nekobhaha. Omurëmbë uno taanyi kinya uno okoru mo‑se. Motiitumata mo‑metema gheenyu, wiiki motatiina ghyokyose.

Ruuka 10:19

Mbe, mumënyë kubha, nebhaheere obhotoro bho ghokera changuru choose che mobhisa. Kwo bhotoro bhuyo, moghutacha koru chanchöka ne ebhitaamooni, na ghetaanyi‑ho egheghiro ghyokyose kino ghekobhanyahaara.

Amaköri gha Bhatomu 1:8

Amare, mokuhaabhu changuru hano Akörö Ahörëëru ekuucha ghokoonyu, mookubha abhiibhateri bhaane mo‑moghya o Yerusareemu na ahaghiro ahande hoose ha Yuteya, na Samaariya, mbagha mo‑se yoose.”

Abharuumi 5:5

Amiitëngʼërö ghayo ghataaghotora ghotosooki, gho kubha Eryobha ndehomiri obhosiighi bhooche mo‑metema ghiito, kohetera Akörö yaacheAhörëëru.

Abheebhuraaniya 2:15

Gho nchëra iyo, Yesu ꞉naabhatooriri huuru abhaato bhano ꞉bhaare abhasësë gho ghiri e ghotiina oroko mo‑riimanya reebho.

Amaköri gha Bhatomu 20:24

Koru neraku, taanyi gheghiro ghokoone. Kino nekwënda nehikeerani omoremo uno Omutëmi Yesu aheere nikörë. Omoremo uyo, n‑kuraghaneri abhaato Angʼana Anchömu e ghareeya e Ryobha.

1 Abhakorinto 2:4

Eriibhagha neere ndeeghi na kuraghani, ntesiikiire kwo mangʼiini ghaane, kubha nebhatebhitebhi abhaato gho kubha na amangʼiini, amare changuru che Körö Ahörëëru ꞉nchëërëkiri obhuhëënë.

Ruuka 24:49

“Mutëghëërërë! Nekobharëëtëra ighoro yaanyu eriiraghano re Taata waane, eriiraghano riyo n‑Akörö Ahörëëru. Amare, mughanye mo‑moghya uno o Yerusareemu, mbagha muhaabhu obhotoro koru Mwishaaro.”

Amaköri gha Bhatomu 10:38

Mweche kubha, Eryobha ꞉ndeemwahwire Yesu o Nasareeti gho komuha Akörö Ahörëëru no obhotoro. Yesu ꞉naaghiire ino na ino, araköra amachömu na kuhöri bhoose bhano ꞉bhaare bharanyaakibhu na changuru che Rishambu, gho kubha Eryobha ndeere haghirohamu nawe.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

Amaköri gha Bhatomu 21:13

Amare aghatugharokeri akabhugha, “Ghwake mokorera na kwënda koonyita omukörö? Kana eni niisheriiri kubhöhu, koru ghwitu iyo Yerusareemu gho ghiri e riina re Mutëmi Yesu.”

Abhakorosaayi 1:8

Iwe ꞉naatobhooriire amangʼana gha bhosiighi bhoonyu bhuno muhaabhuru na Akörö Ahörëëru.

Amaköri gha Bhatomu 6:8

Siteebhano uyo, Eryobha ꞉ndeemoheere aghareeya yaaru, na changuru chaaru, akabha araköra ebhyërëkërëri ne ebhiraghe mo‑bhaato.

Amaköri gha Bhatomu 9:22

Sawuri akëëngëra kweghi abhaato kwo Mandëkö ighoro e Yesu, gho changuru akabha arabhëërëki obhuhëënë akaroghoori Abhayahuuti bhano ꞉bhaamanyiri Tamaasiko kubha Yesu niwe Kirisito.

Ruuka 8:35

Bhakamara abhaato bhaaghaye korighi amangʼana ghayo kinya ghaanyi. Hano bhahikiri o‑Yesu, bhakamorighi omooto uno emisambu ghemoruure. Naare ikeere haghuhe na amaghoro gha Yesu, abheekiri changibho, naare na amangʼiini ghaache bhoheene. Abhaato bhayo, bhaghaghöötu no obhotiini.

Amaköri gha Bhatomu 26:25

Mbe, Bhawuro akamugharokeri akabhugha, “Oo omosooku Bheesito, eni taanyi mochuuru neenyi. Amangʼana ghano neghosiikëra n‑gha hëënë.

Ruuka 15:17

“Antenero, aghasëëma kwihëëbha mo-motema waache akabhugha, ‘Abhatamishi bharenge bha taata waane, bhakuraaghëra, mbagha bhiighota na ghusaaghi ebhiinyakurë! Amare eni hano, ˆneeghaku gho nchëra?

Amaköri gha Bhatomu 26:11

Wiiki neere neraghe mo‑masinaghooghi gha Bhayahuuti kobharööna‑mu mara kaaru, mbagha bhamwange Yesu. ꞉Neebhakarariire chwee, mbagha neekabha nerabhatabhara koru na mo‑meghya ghe chaase echende.