2 Timotewo 1:5 - Eriiraghano Eriihë

⁵ Wiiki, nekohiita obhokumi bhoocho bho hëënë. Obhokumi bhuyo, naare nabho nyaghokoro Rooyisi na nyako Ewunike. Neenyi no obhuhëënë kubha iye woose noonyi nabho.

2 Timotewo 1:5 Referans Kwoze

1 Timotewo 1:5

Ekebhune ke meeghi ghiito n‑kubha, abhakumi bhasiighane kwo mukörö mwero, na kwo mënda machömu no obhokumi bho hëënë.

Amaköri gha Bhatomu 16:1

Bhawuro aghaye mo‑meghya ghe Teeribhe na Risitura. Iyo Risitura naare‑ho omoonamwegha umu o Yesu, eriina reeche Timotewo. Nyina Muyahuuti are, woose naare amokumiri Yesu, amare ishe m‑Moyunaani are.

1 Timotewo 4:6

Orabheeghi abhahiiri bhiito bhoose amangʼana ghayo, niho okubha omutamishi omuhöriicho o Kirisito Yesu. Wiiki nookubha orarëru bhoheene mo‑bhuhëënë bho bhokumi bhwito na mo‑meeghi amachömu ghano iye oghutambana.

2 Timotewo 3:15

Wiiki, weeche Amandëkö Amatööbhiyu koru bhoona. Amandëkö ghayo ngaanyi no obhotoro bho ghokumënyi kubha obhotoori mbokubhönëka gho nchëra e komokumi Kirisito Yesu.

Abharuumi 15:14

Abhahiiri bhaane, eni omwene neenyi no obhuhëënë kubha inyu n‑abhaato abhahöriicho chwee, na moonyi no obhumënyi bhoose, wiiki moonyi no obhotoro bho korwachana inyu bheene kwo bheene.

Abheebhuraaniya 6:9

Inyu abhasiighani bhaane, nangabha nebhaandëkiire kwo mangʼana mahaari, koru hangʼu eni neenyi no obhuhëënë kubha moghuköra amachömu ghano ghakwërëki kubha motooriibhu.

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

2 Abhakorinto 6:6

Wiiki ntokwërëki kubha itu n‑abhatamishi bha Ryobha mo‑bhughöröröku, na mo‑bhumënyi, na mo‑bhoghumereri, na mo‑bhuhöriicho, na gho nchëra e ghukangatu na Akörö Ahörëëru, na mo‑bhosiighi bho hëënë,

Abharuumi 8:38

Nyeeche kwo bhuhëënë kubha ghetaanyi‑ho egheghiro kino gheghotora ghotutaani no obhosiighi bho Ryobha ghokwito. Taanyi oroko hamu obhuhöru, taanyi bhamarayika hamu bhano bhaanyi na changuru Mwishaaro. Koru amangʼana ghano ghakorwera kwi ibheere hamu mo‑riibhagha rino rekuucha, taanyi kwo bhano bhaanyi no obhotoro,

Abharuumi 4:21

gho kubha ꞉naamënyiri kwo bhuhëënë kubha Eryobha ndeghotora ghuköra ghaare ꞉reemuraghiire.

Abheebhuraaniya 11:13

Abhaato bhayo bhoose ꞉mbaakuure bhaanyi no obhokumi. ꞉Mbaakuure bhakeere ghoghasongʼaana ghano Eryobha reere rebharaghiire, amare mbaare bhagharooche gho kurë na ghosiighasiigha. Wiiki ꞉mbiisheriiri kubha mbaare abhaghëni na abhaheti mo‑se ino.

Abharuumi 14:14

Kurëngʼaana na ameeghi gha Mutëmi Yesu, nyeeche kwo bhuhëënë kubha, ghetaanyi‑ho ekiinyakurë ghyokyose egheghonchu. Amare aribha omooto akorighi ekiinyakurë nyarebhe n‑gheghonchu, hayo niho ekiinyakurë kiyo gheekubha gheghonchu ghokooche.

Abharuumi 14:5

Omooto umu nakorighi kubha orosiko nyarebhe ndoonyi no obhwëra ghokera orosiko oronde, amare omooto owonde nakorighi kubha chaasiko choose nchetuubhiine. Omooto woose abhe araköra kebhuno obhongo bhooche bhokomotoma.

Amaköri gha Bhatomu 26:26

Koru omutëmi Aghiribha neeche bhoheene amangʼana ghano. Neenyi no obhuhëënë kubha, teenyi‑ho ngʼana koru imu ino ateeche, gho kubha amangʼana ghayo ghataaköruru gho kobhisa. Gho ghayo, neghotora ghosiikëra ambërë yaache kwo bhosubhesubhe.

Yohana 1:47

Hano Yesu amorooche Natanaheri araacha ghokooche, akabhugha, “Mööhi, omooto uyo n‑Omwisiraeri o hëënë, uno ataanyi ni isörö moose yaache.”

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,