2 Timotewo 1:3 - Eriiraghano Eriihë

³ Nekoriitabheri Eryobha gho ghiri yaacho eriibhagha neghokohiita mo‑masabhi ghaane obhotiko no omwishe, na nekorihökëri kwo mënda meero, kinya bhasookoro bhaane ꞉bhaarihökiiri.

2 Timotewo 1:3 Referans Kwoze

Abheebhuraaniya 13:8

Yesu Kirisito w‑wuure wuure, icho, na reero ne emiishe ghyose.

Amaköri gha Bhatomu 23:1

Niho Bhawuro akabhoomeri amiisho abhakoro bha riibharacha riyo akabhabhoorera akabhugha, “Oo bhahiiri bhaane, mbagha reero ino neghwiköngʼi chwee kubha no omotema omuchömu, etabha‑ho angʼana ino eghunkörëra chaasoni ambërë e Ryobha.”

Amaköri gha Bhatomu 24:14

“Kino neghwishereri ambërë yaacho, n‑kubha neghusëngëra Eryobha re bhasookoro bhiito na komutambana Yesu, nangabha abhaato bhano bhakobhugha kubha n‑atiini e bhuröngö. Haghirohamu na ghayo, neghokumi amangʼana ghoose ghano ghaanyi mo‑meghiro ghe Musa, na ghano ghaandëkuru mo‑bhitabhu bhe bharööti.

1 Timotewo 1:19

Gho ghayo, ughöötërërë obhokumi na kubha no omotema omuchömu. Abhaato abhande bhatatereeriri ghuköra ghaare bheeche kubha n‑gha hëënë, ghayo ngabhaköriri bhasari obhokumi bhoobho.

1 Timotewo 1:5

Ekebhune ke meeghi ghiito n‑kubha, abhakumi bhasiighane kwo mukörö mwero, na kwo mënda machömu no obhokumi bho hëënë.

Amaköri gha Bhatomu 24:16

Gho ghayo, neghwiköngʼi chwee kubha no omotema omuchömu, etabha‑ho ngʼana ino eghunkörëra chaasoni ambërë e Ryobha.

Amaköri gha Bhatomu 22:3

“Eni n‑Omuyahuuti neenyi, omwibhoru o moghya o Taaso mo‑mukööwa o Kirikiya, amare ꞉niireriiru hano Yerusareemu. Ghamariyeeri niwe anyeeghiri bhoheene emeghiro ghyose ghino tootighiiru na bhasookoro bhiito. Neere ndiköngʼi chwee kwo Waryobha, kinya na niinyu bhoose moghwiköngʼi reero.

2 Timotewo 3:15

Wiiki, weeche Amandëkö Amatööbhiyu koru bhoona. Amandëkö ghayo ngaanyi no obhotoro bho ghokumënyi kubha obhotoori mbokubhönëka gho nchëra e komokumi Kirisito Yesu.

2 Timotewo 1:5

Wiiki, nekohiita obhokumi bhoocho bho hëënë. Obhokumi bhuyo, naare nabho nyaghokoro Rooyisi na nyako Ewunike. Neenyi no obhuhëënë kubha iye woose noonyi nabho.

1 Abhatesaronike 3:10

Obhotiko na omwishe ntokorisabha Eryobha gho ghwiköngʼi chwee, kubha totore korighani na niinyu, na ghuköra ghano mosuuhiiru ighoro e bhokumi bhoonyu.

Abhaebheeso 1:16

nteeghotigha koriitabheri Eryobha gho ghiri yaanyu, na kobhahiita mo‑masabhi ghaane.

Abhagharatiya 1:14

꞉Neebhakeriri abhande bhaaru bhano toore asiigha imu, gho kuröönëra atiini yiito e Kiyahuuti. Neghiköngʼi chwee ghughööta ameeghi gha bhataata bhiito.

2 Abhakorinto 1:12

Mbe, itu ntokwihachera rino, mo‑metema ghiito ntoonyi no obhuhëënë kubha, mo‑se hano, na ahanene mo‑bhughöötani bhwito na niinyu, ntumanyiri kwo bhughöröröku na kwo bhuhëënë bhuno bhookoru kwo Waryobha. Totaaköriri hangʼu kwo mangʼiini gha se ino, amare n‑gho ghareeya e Ryobha.

Abharuumi 9:1

Kirisito neeche kubha kino neghosiikëra ibheere, n‑ke mahëënë. Koru omotema waane uno oghukangatu na Akörö Ahörëëru woose nokuhëënëhi kubha, nteeghosiikëra obhobhiihi.

Amaköri gha Bhatomu 27:23

“Nyeeche hangʼu gho kubha, eni n‑omooto o Ryobha neenyi, wiiki n‑omutamishi waache neenyi. Obhotiko bho kobhookera reero marayika umu o Ryobha nandweriire imeeriire rubhareka roone,

Amaköri gha Bhatomu 26:4

“Abhayahuuti bhoose mbeeche bhoheene kebhuno neere nimanyiri nabho mo‑se yiito, korwera bhoona bhoone, mbagha kohikera eriibhagha rino nimanyiri Yerusareemu.

Ruuka 2:37

Akabha mosino akahikera eghita ke meeka miröngö enaane ne ene na takwiruru. Naare araghe Mwisëngërö, ghusëngëra Eryobha obhotiko no omwishe gho ghusabha na kwiyima ebhiinyakurë.

1 Timotewo 5:5

Omukari omosino uno ataanyi no omooto o komusakeri, uyo nakoriitëngʼëra Eryobha, nakorisasaama na ghusabha obhotoorereri bhooche obhotiko no omwishe.