2 Timotewo 1:16 - Eriiraghano Eriihë

¹⁶ Neghusabha Omutëmi Yesu abharigheri changori abhaato bha mo‑ka e Onesibhooro, gho kubha mara kaaru naare arasambaaroki omukörö waane. Wiiki, tarooche chaasoni kuucha kondighi mo‑kibhöhö keene.

2 Timotewo 1:16 Referans Kwoze

2 Timotewo 4:19

Omukëëri Akiira no omukari waache Bhirisira, na bhano bhaanyi mo‑nyumba e Onesibhooro.

Bhiremooni 1:20

Ibheere, mohiiri waane, unkörërë rino gho ghiri e Mutëmi. Uchömi omotema waane kinya omohiiri gho Kirisito angaköriri.

Bhiremooni 1:7

Mohiiri waane, obhosiighi bhoocho mboheere ghuchömëru kwaru na ghunköngʼi chwee, gho kubha emetema ghe bhatööbhiyu ngisambaarokuru chwee gho ghiri yaacho.

Abhaebheeso 6:20

Eni n‑omuraghani o Ngʼana Anchömu ighoro e Yesu Kirisito, na iyo niyo ighëriri nibhe mo‑kibhöhö. Mbe, munsabhere kubha netore kuraghani kwo bhosubhesubhe kinya bhuno nekwëndëru.

Amaköri gha Bhatomu 28:20

Kurëngʼaana na ghayo, nigho ghaghëriri nebhabherekere, gho ghiri tosiikërë haghirohamu. Angʼana ino nibhöhiiru eminyörörö ghino, n‑gho kubha nekomokumi Kirisito uno anyi eriitëngʼërö re Abhiisiraeri bhoose.”

Abheebhuraaniya 10:34

Wiiki moore morabharigheri changori abhaghëndi bhaanyu bhano ꞉bhaare bhabhöhuru mwighërëcha. Wiiki hano ꞉bhaare bharabhahöka obhwame bhoonyu, moore morachömëru mo‑metema gheenyu gho kubha moore mweche kubha moonyi ne ebheghiro bhyaru bhichömu chwee bhino bhetaaghosira naabha.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

2 Timotewo 1:18

Na niiye weeche bhoheene, amangʼana maaru ghano anköriire mo‑moghya o Ebheeso. Omutëmi Yesu amusabhere Onesibhooro ebheghongi kwo Mutëmi Waryobha orosiko ro ghoteneru ekiina.

2 Timotewo 1:8

Mbe, otarighi chaasoni ghughambera angʼana ighoro e Mutëmi wiito Yesu Kirisito, hamu korighi chaasoni gho kubha eni neenyi mo‑kibhöhö gho ghiri yaache. Amare, oghumereri mo‑nyaako haghirohamu na neeni, gho ghiri e Ngʼana Anchömu, kurëngʼaana na changuru chino okuhaabhu ne Eryobha.

1 Abhakorinto 16:18

Mbasambaarokiri omotema waane, wiiki mbasambaarokiri ne emetema gheenyu. Gho ghayo, mobhamënyë bhoheene abhaato kinya bhayo.

Mataayo 5:7

Ngʼoni bhano bhaanyi na changori, gho kubha Eryobha ryose ndekobharigheri changori.

Amaköri gha Bhatomu 21:33

Omontomonkoro uyo o bhaashirikare aghiishuka, akamughööta Bhawuro, akahatëka kubha abhöhu eminyörörö ebhere. Akamara akabhoori, “Uno n‑niwe? Wiiki neke asariri?”

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

2 Timotewo 1:17

Hano ichiri mo‑moghya o Ruumi, ꞉niiköngʼiri ghuntabhara mbagha akamböna.

Mataayo 25:17

Hangʼu hangʼu, omusësë uno ahaabhuru chataranta ibhere, aghaye nacho mo‑bhosorocha na kubhöna obhwëra bho chende ibhere.