2 Bheetero 3:17 - Eriiraghano Eriihë

¹⁷ Mbe, inyu abhasiighani bhaane, mumariri kumënya amangʼana gha bheeghi bhayo abharöngö. Ibheere mwikabhaahe kubha motangʼiinu na amasari gha bhaato bhayo abhiigharori, na bhabharumeeri na ghotigha omurëmbë o bhokumi bhoonyu.

2 Bheetero 3:17 Referans Kwoze

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

Abhakorosaayi 2:8

Mbe, mubhe miisho, omooto wowoose ataacha kobharumeeri kwo meeghi gha bhoowa na gha bhuröngö ghano ghakorwera mo‑chaasughara che bhaato. Ameeghi ghayo ngaghwitëngʼëra chaakörö chambe chino cheghukangata ase ino na ghataanyi gha Kirisito,

Abhaebheeso 4:14

Mbe, totaakubha wiiki ke bhaana, torarëkëru na kohiru ino na ino no obhukama bho meeghi ghano ghakurëëtu na abhaato abhabhiihi, kubha bhatongʼiine tutambane chanchëra cheebho.

1 Abhakorinto 15:58

Mbe, abhahiiri bhaane abhasiighani, muköngʼëri mo‑bhokumi bhuyo, motaku omukörö. Mwëndërërë ghuköra emeremo ghe Mutëmi gho ghwiköngʼi chaasiko choose, gho kubha mweche kubha emeremo ghino moghuköra gho ghiri e Mutëmi, ghetaanyi ghe bhoowa.

1 Abhakorinto 10:12

Gho ghayo, uno akwirighi kubha niimeeriire bhoheene mo‑bhokumi, ichonge, ataacha ghugho.

Mataayo 7:15

“Mubhe miisho na abharööti bha bhuröngö. Ibho hano bhakobhatambana, mbaghwiköri kubha kinya changʼöndu. Amare mo‑metema gheebho n‑chasuuche ihaari.

Abharuumi 16:18

Abhaato kinya bhayo bhataakomuhökëri Kirisito, Omutëmi wiito, amare mbaghukörëra chanda cheebho abheene. Mbaghosiikëra amangʼana amachömu gha ghotegheri, amare bharangʼiina abhakumi bhano bhakeere bhataamara bhaköngʼëri mo‑bhokumi.

2 Timotewo 4:15

Na niiye woose wikabhaahe nawe, gho kubha naare araanga chwee ameeghi ghiito.

2 Abhakorinto 11:3

Amare ibheere neghotiina kubha, kinya bhuure Haawa angʼiinuru na anchöka yiire angʼiini, na niinyu motaacha kongʼiinu, motighe komosiigha Kirisito kwo bhughöröröku no obhwero.

Mataayo 16:6

Yesu akabhabhoorera akabhugha, “Mubhe amiisho no obhotondoru bho Mabharisaayo na Amasatukaayo.”

Amaköri gha Bhatomu 2:42

Abhaghëndi bha Yesu ꞉mbaaköngʼiiri mo‑bhughöötani bhuyo, bhareegha ameeghi gha bhatomu bha Yesu, na ghosuura omughaate haghirohamu, na korisabha Eryobha.

Mataayo 16:11

Neke motamënyiri kubha nteere nerasiikërëra emighaate? Mbe, mwikabhaahe no bhotondoru bho Amabharisaayo na Amasatukaayo.”

Obhohunyurëru 2:5

Mohiite ghano ꞉muuköriri eriibhagha moore mokeere ghotigha obhosiighi bhoonyu. Moramara motuukuune, mukörë ghaare ꞉muuköriri eriibhagha riire. Moraanga ghotuukuuna, nekuucha na koruusi egheghiro keenyu ghe ghotoorera‑mu oromore.

1 Bheetero 5:9

Mbe, moryange Erishambu gho kwimeerera muköngʼiiri gho komokumi Waryobha. Mumënyë kubha, abhakumi abhaghëndi bhaanyu mo‑se yoose, mbakunyaaka kinya inyu.

Abhakorosaayi 2:5

Ibheere gho kubha eni nteenyi haghirohamu na niinyu kwo mobhere, amare gho körö, neenyi haghirohamu na niinyu. Eni neghuchömëru kooghu kinya mokwëndërëra mo‑bhumu bhoonyu na ghuköngʼëri obhokumi bhoonyu gho Kirisito.

Abhabhiribhi 3:2

Ibheere mubhe miisho na abheeghi bhaare bhaghusöhi emeghiro ghe Kiyahuuti mo‑makanisa ghiito, ibho n‑abhaköri bha mabhe, ibho mbaghokumereri ighoro e saaro.

Yohana 16:4

Amare ˆnekabhabhoorera ghayo, kubha eriibhagha reebho re ghuköra ghayo reraacha kohika, mohiite kubha ꞉neebhabhooriire. “Ntebhabhooriire amangʼana ghayo korwera ekeenyuma gho kubha, neere haghirohamu na niinyu.

Abhagharatiya 5:4

Aribha moghwitëngʼëra mokubharu kubha abhahëënë ambërë e Ryobha gho ghughööta emeghiro, mumënyë kubha mwiyahwire gho Kirisito, na moonyi kurë na aghareeya e Ryobha.

2 Bheetero 2:7

Amare, Eryobha rekamotoori Rooti, omooto omuhëënë, uno omukörö waache okuure gho chatëëmö cheebho chambe che chaasoni.

2 Bheetero 3:1

Abhasiighani bhaane, anyaarubha ino n‑e kabhere ino ˆnekabhaandëkëra. Mo‑chanyaarubha choose ibhere ꞉niiköngʼiri kobhooki amiihëëbhö ghaanyu amachömu, gho nchëra e kobhahiiti.