2 Bheetero 3:10 - Eriiraghano Eriihë

¹⁰ Orosiko ro Mutëmi ndokuucha kinya omwibhi. Orosiko ruyo, eriighoro ndeghusënu gho kerighito ghekoro, ebheghiro bhino bheenyi‑mu mbeghosireekereru kwo mororo, na ase yoose neghosireekerera haghirohamu ne ebheghiro bhyose bhino bheenyi‑mu.

2 Bheetero 3:10 Referans Kwoze

Obhohunyurëru 21:1

Hano ghayo ghahetiri, nekarighi eriirighi erende. Nekarighi erishaaro eriihë na ase ahë, gho kubha erishaaro e rimbërë na ase a yimbërë mbimariri koheta, na anyancha teere‑ho wiiki.

Mataayo 24:35

Erishaaro na ase mbekoheta, amare amangʼana ghaane ghataakoheta naabha.

2 Bheetero 3:7

Wiiki kwo ngʼana iyo iyo Eryobha ꞉ndeetindekiri erishaaro na ase ino, bhiiche bhyekibhu no omororo. ꞉Ndeebhetooriri gho ghiri e rosiko ruure abhaato bhano bhataakoresooka Eryobha bhaghoteneru ekiina na ghosireekereru.

Obhohunyurëru 16:15

Omutëmi Yesu nakobhugha, “Mööhi! Nekuucha kinya bhuure omwibhi ahaacha ataraghiini. Ngʼoni uno aghutënga na kobheeka changibho cheeche kubha ataacha ghughënda kingʼaabhi na ghosookibhu.”

1 Abhatesaronike 5:2

gho kubha inyu bheene mweche kubha orosiko ro kuucha Omutëmi, ndookubha ro ghutakani kinya omwibhi ahaacha obhotiko.

Maariko 13:31

Erishaaro na ase mbekoheta, amare amangʼana ghaane ghataakoheta naabha.

2 Bheetero 3:12

Mubhe moraghanya orosiko ruure ro Ryobha na koruköra ruuche bhwango. Gho ghiri e rosiko ruyo, eriighoro ndeghweku kwo mororo na ghosireekerera, ne ebheghiro bhino bheenyi‑mu mbekuyaaya kwo bhotuuku bhuhaari chwee.

Obhohunyurëru 3:3

Mohiite ghano mweghuru na ghano mooghwire, moghatambane bhoheene ghayo na motuukuune. Moraanga ghutënga, nekuucha kinya bhuure omwibhi ahaacha, koru motaakumënya eriibhagha rino nekuucha.

Ruuka 12:39

Amare, mumënyë bhoheene angʼana ino, aribha omwene anyumba angamënyiri eriibhagha rino omwibhi akuucha, nangiisëëmiri ghochonga, kubha omwibhi ataacha kuucha na kuhaanyura eghisëku ke nyumba yaache.

Obhohunyurëru 20:11

Nekamara, nekarighi Eryobha riikeere mo‑ghetumbe kyero eghekoro ghe ghitëmi. Erishaaro na ase bhekangʼösa ambërë yaache na bhetaaroochiibhu wiiki.

1 Abhakorinto 5:5

Momoruusi omooto uyo ghate yaanyu, na komotigha mo‑bhukangati bho Rishambu, kubha asughara yaache e masari esireekereru, nawe omwene ache atooribhu orosiko ruure ro ghugharuka kwo Mutëmi Yesu.

Abharuumi 8:20

Ebheghiro bhyose bhino ꞉bhiitëëmuru, mbiihiimuru kubha bhebhe. Taanyi kubha ebhyene mbyëndiri kubha hangʼu, amare n‑kinya bhuno Eryobha eryene ryëndiri. Koru hangʼu, ndeenyi‑ho eriitëngʼërö,

Yuuta 1:6

Wiiki, mohiite bhamarayika bhano bhatiishereriini ne emyeya gheebho, bhaghatigha obhwikari bhoobho. Eryobha ndebhabhöhiri mo‑kengʼuuri ne eminyörörö emiishe ghyose. Iyo mbaghughanya ghoteneru ekiina mo‑rosiko ruure orokoro.

2 Abhakorinto 1:14

nangabha kwi ibheere motweche gho kirëngërë hangʼu. Mokumënya bhoheene kubha, orosiko runo Omutëmi Yesu aghugharuka, mokwihacha ighoro yiito, kinya bhuno na niitu ntokwihacha ighoro yaanyu.

1 Abhakorinto 1:8

Iryo ndekobhaköngʼi mbagha mo‑ntenero kubha motaacha kubha ni isörö, orosiko ruure Omutëmi wiito Yesu Kirisito akuucha ghotenera ekiina abhaato.

1 Abhatesaronike 5:4

Mbe, inyu bhahiiri bhiito, orosiko ruyo rotaakobhataakani kinya omwibhi, gho kubha motaanyi mo‑kengʼuuri kinya abhande.

2 Bheetero 3:11

Mbe, gho kubha ebheghiro bhyose mbeghosireekereru gho nchëra iyo, inyu mokwëndëru kumanya imanya ke mo‑se ino? Mokwëndëru kumanya eriimanya eritööbhiyu na re koresooka Eryobha.

Obhohunyurëru 6:14

Eriighoro reghakunyu kinya erishëërö rehaakunyu. Ebheghoro bhyose ne ebheghinga bhe mo‑nyancha bhyose bhekaruusibhu koru ahaghiro haabho.