2 Bheetero 2:2 - Eriiraghano Eriihë

² Wiiki abhaato bhaaru mbaghutambana amangʼana ghaabho gha chaasoni. Gho ghiri yaabho, anchëra e bhuhëënë neghotoku.

2 Bheetero 2:2 Referans Kwoze

Abharuumi 2:24

Gho ghayo, n‑kinya bhuno Amandëkö Amatööbhiyu ghakobhugha kubha, “Eriina re Ryobha ndeghotoku na abhaato bha matöngö, gho ghiri e maköri amabhe ghano moghuköra.”

Yuuta 1:10

Amare abhaato bhayo mbaghotoka kino bhatakyeche. Wiiki amangʼana ghano bhagheeche gho ghwitëghëërëra koobho kinya chatyenyi chino chetaanyi no obhongo, ghayo nigho ghakobhasireekereri.

Obhohunyurëru 13:14

Kwo bhyërëkërëri bhino rihaabhuru ghuköra gho ghiri e ghotyenyi ghuure o ghumbërë, ghokabhangʼiina bhano bhataare bharakumi mo‑se. Ghokabhabhoorera abhaato bhabhaache asanaamu e ghosooka oghotyenyi ghuure o ghumbërë ghuno ghunyahaaruru ne ekinyamiino, amare ghökëëndërëra kubha ghuhöru.

Yuuta 1:15

kubha atenere ekiina abhaato bhoose, na kobharööna abhaköri bha masari kwo maköri ghaabho amabhe, haghirohamu na amangʼana amabhe ghoose ghano bhaghosiikëra ighoro e Mutëmi.”

2 Bheetero 2:15

Mbatighiri anchëra angöröröku, mbabhoriri na ghutambana anchëra e Bharaamu, mwërëëti o Bhewoori. Iwe ꞉naasiighiri ghosongʼaana amareho gho nchëra e ghuköra amabhe.

1 Bheetero 2:12

Mobhakörërë amachömu abhaato bhano bhataryeche Eryobha, kubha eriibhagha bhaakubha bharabhabhiihera amangʼana amabhe, bharighi amaköri ghaanyu amachömu. Niho bhaghotora koreghongi Eryobha gho ghiri yaanyu, mo‑rosiko ro kuucha kooche.

Tiito 2:8

Ameeghi ghaacho ghabhe gha mahëënë ghano ghataanyi ni isörö mo‑bhaato. Hayo erabha anyi‑ho omooto uno akwënda ghoghaanga, naghosookibhu, gho kubha taakubha na angʼana imbe e ghughamba ighoro yiito.

Amaköri gha Bhatomu 24:14

“Kino neghwishereri ambërë yaacho, n‑kubha neghusëngëra Eryobha re bhasookoro bhiito na komutambana Yesu, nangabha abhaato bhano bhakobhugha kubha n‑atiini e bhuröngö. Haghirohamu na ghayo, neghokumi amangʼana ghoose ghano ghaanyi mo‑meghiro ghe Musa, na ghano ghaandëkuru mo‑bhitabhu bhe bharööti.

Amaköri gha Bhatomu 16:17

Ibheere omuukë uyo, akabha aramutambana Bhawuro na niitu, ino araköra eriireghe arabhugha, “Abhaato bhano n‑abhatamishi bha Ryobha Omokoro o Bhyose. Mbakobharaghaneri inyu anchëra e ghotooribhu.”

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

2 Bheetero 2:21

Nengabheere ngʼoni ghokoobho aribha bhatangamënyiri inkongʼorimu emeghiro ghino ghekwërëkërëri kino Eryobha rekwënda, ghokera bhaghimënyë, bharamara bhaghetighe emeghiro emitööbhiyu ghino bhahaabhuru.

Tiito 2:5

Wiiki, bhabhe ne ekirëngërë, na bhaghöröröku, bhakörë bhoheene emeremo mo‑chanyumba cheebho, na bhabhe abhaato abhahöriicho, na bhano bhaghosooka abhasubhe bhaabho. Obhabhoorere bhakörë hangʼu, kubha Angʼana e Ryobha etataraahu.

1 Timotewo 5:14

Ibheere, nekwënda abhasino bhano bhakeere abhasubhaati, bhabhe bharakwiru, bhiibhore abhaana na kumööhi chaaka cheebho, kubha abhabhisa bhiito bhatighe ghotughamba kobhe.

Amaköri gha Bhatomu 19:9

Amare abhande emetema gheebho gheekabha miköngʼu ghokumi. Bhaghaghaanga amangʼana gha Bhawuro ghano are arabhabhoorera ighoro e Yesu, bhaghasëëma ghoghachëëra ambërë e bhaato. Eghaghëri Bhawuro aghataana nabho, akaahura abhaanabheegha bha Yesu, akabhahira mo‑ritarasa re mooto umu, uno are arabherekeru Tirano. Chaasiko choose akabha arasiikëra na abhaato bhayo ighoro e Yesu.

Amaköri gha Bhatomu 18:26

Abhooro aghasöha mo‑risinaghooghi re Bhayahuuti, aghasëëma kweghi‑mu Angʼana Anchömu e Yesu kwo bhosubhesubhe. Bhirisira na Akiira, hano bhooghwire ameeghi ghayo gha Abhooro, bhakamohira mo‑ka yaabho, bhakamwërëkërëri angʼana e Ryobha kwo bhuchömu, kinya enyi.

Amaköri gha Bhatomu 14:2

Amare Abhayahuuti abhamu bhataakumiri, bhaghasëëma kobhaseeghereri abhaato bha matöngö, kubha bhabhareghe abhaato bhano bhakumiri.

Amaköri gha Bhatomu 13:10

“Iye omoona o Rishambu! Iye n‑omobhisa o ghoose ghano ghaanyi gha hëënë ambërë e Ryobha! Wichwire obhuröngö, nubheere orangʼiina abhaato kwo bhongʼiini na totighiri kobhusa amangʼana gha Mutëmi gha hëënë kubha obhuröngö!

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Maariko 13:22

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri ne ebhiraghe, kubha bhasaki kobhangʼiina bhano bhaahwiru ne Eryobha.

Maariko 12:14

Bhakamutambana Yesu, bhakamobhoorera bhakabhugha, “Omweghi, ntweche kubha ghoose ghano oghosiikëra n‑gha mahëënë. Iye tooghotereera omweya o mooto wowoose, koru taanyi gheghiro ghokoocho. Nokweghi anchëra e Ryobha kwo bhuhëënë. Ibheere, kurëngʼaana ne emeghiro ghe Musa, ntokwëndëru koreha erighööti gho Kayisaari ghasi tiyaanyi?”

Mataayo 22:16

Niho bhakabhatoma o‑Yesu abhaanabheegha bhaabho haghirohamu na abhaato bhano bhaghöötiine na abhaato bha mutëmi Herote, bhaaghaye, bhakamobhoori bhakabhugha, “Oo Omweghi, ntweche kubha iye n‑omooto o hëënë na kubha nokweghi ghano ghaanyi gha Ryobha kwo bhuhëënë. Wiiki, tooghotiina koru omooto uno anyi no omweya wi ighoro.

Mataayo 7:14

Amare ekehita kino ghekwërëkëra mo‑bhuhöru n‑gheghute, na anchëra e kwërëkëra iyo n‑inkërëghësö, n‑abhaato bharëngʼaaneru hangʼu bhano bhaghotora koyimënya anchëra iyo.

Obhohunyurëru 13:8

Abhaato bhoose ase ingima mbaghoghusëngëra oghotyenyi ghuyo, nanyinga abhaato bhano amariina ghaabho ghaandëkuru mo‑Ghitabhu ke Bhuhöru korwera hano ase ino ere ekeere ghutëëmu. Eghitabhu kino n‑ke Moona o Ngʼöndu uno ꞉asinchuru.

2 Bheetero 2:12

Amare abhaato bhayo mbaghotoka kino bhateeche. Mbatuubhiine na chatyenyi chino chetaanyi no obhumënyi na chino cheghukangatu na amiigha gha mebhere. Nchekwibhoru, kubha chighöötu na ghosinchu! Hangʼu nibhu bhaghosireekerera, abheeghi bhayo bha bhuröngö.

Amaköri gha Bhatomu 22:4

“Kwo ribhaara re bhaghëndi bha Yesu, neere nerabhanyaaki chwee, abhasubhe na abhakari, neere nerabhaghööta na kobharëkëra mwighërëcha, koru abhande ghate yaabho neekabha nerabhiita.

2 Bheetero 2:7

Amare, Eryobha rekamotoori Rooti, omooto omuhëënë, uno omukörö waache okuure gho chatëëmö cheebho chambe che chaasoni.

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.

Yuuta 1:4

ˆNekabhaandëkëra anyaarubha ino, gho kubha mbaanyi‑ho abhaato nyarebhe bhano bhataakoresooka Eryobha, mbiisöhiri gho kebhisere ghate yaanyu na ghwisangerani na niinyu. Abhaato bhano mbakorumeeri angʼana e ghareeya e Ryobha riito, kubha abhaato bhakörë amangʼana gha chaasoni na komwanga Omutëmi wiito Yesu Kirisito, Omukangati wiito omwene chiri. Amare korwera kare ꞉yaandëkuru mo‑Mandëkö Amatööbhiyu kubha abhaato bhano mbaghoteneru ekiina.

Yuuta 1:7

Wiiki, mohiite ghano ꞉ghaabhabhwine abhaato bha meghya ghe Sotoma na Ghomora, na bha meghya ghe haghuhe. Bhayo ꞉mbaaköriri amangʼana ghaare ghaare kinya bhamarayika bhayo ꞉bhaaköriri. Mbaare bharaköra obhutaari na ghutambana amiigha gha mobhere kinya etaakwëndëru na kebhuno ꞉bhaatëëmuru. Ghoteneru ekiina koobho, nkoore ghosireekereru no omororo na kuyo nkubheere eghetuubhaani ghe nchagho e mororo o miishe ghyose kwo bhaato bhoose.