2 Bheetero 2:15 - Eriiraghano Eriihë

¹⁵ Mbatighiri anchëra angöröröku, mbabhoriri na ghutambana anchëra e Bharaamu, mwërëëti o Bhewoori. Iwe ꞉naasiighiri ghosongʼaana amareho gho nchëra e ghuköra amabhe.

2 Bheetero 2:15 Referans Kwoze

Obhohunyurëru 2:14

Amare moonyi na amangʼana marëngʼaaneru ghano ghakunyaaki ighoro yaanyu. Ghate yaanyu, abhande mbaghutambana ameeghi gha Bharaamu. Bharaamu uyo ꞉neeghiri Bharaki ghutëgha Abhiisiraeri kubha bhakörë amasari gha kurë ebhiinyakurë bhino ꞉bhiihëriinu amaruusi gho sanaamu, na ghuköra obhutaari.

Yuuta 1:11

Horeera mbakorighi, gho kubha mbatambiine anchëra ambe e Kaayini, gho ghwisöhi mo‑bhuröngö kubha bhabhönë obhwame, kinya bhuno Bharaamu ꞉aköriri. Horeera mbakorighi, gho kubha mbaghosireekerera kurëngʼaana no obhwigharurani bhoobho, kinya bhuno Koora asirekeriire kurëngʼaana no obhwigharurani bhooche.

2 Bheetero 2:13

Wiiki mbakorehu anyaako kinya ino bhabhaköriire abhaato abhande. Mbahaachömëru ghwighomba ghuköra amangʼana ghaabho amabhe haheero. Koru hano bhakuraaghëra haghirohamu na niinyu, mbahaachömëru kobhangʼiina.

Amaköri gha Bhatomu 13:10

“Iye omoona o Rishambu! Iye n‑omobhisa o ghoose ghano ghaanyi gha hëënë ambërë e Ryobha! Wichwire obhuröngö, nubheere orangʼiina abhaato kwo bhongʼiini na totighiri kobhusa amangʼana gha Mutëmi gha hëënë kubha obhuröngö!

Amaköri gha Bhatomu 1:18

(Yuuta ꞉naaghoriri omoghondo gho chambiiri chino ꞉ahaabhuru kurëngʼaana na angʼana yaache ambe ino ꞉aköriri. Muyo nimu ꞉aghweriire kebhuuma, eghaateka anda, ne ebhyanda bhyose bhekahomoka anche.

Mataayo 26:9

Nengabheere bhoheene amaghuta ghano ghaghoru gho chambiiri chaaru na kobhaha abhahabhe!”