2 Bheetero 1:19 - Eriiraghano Eriihë

¹⁹ Wiiki amangʼana gha bharööti, ngakuhëënëhi ghokwito angʼana iyo, inyu moghuköra bhoheene aribha moraghaghööta. Amangʼana ghayo n‑kinya oromore runo rokurëngaari mo‑kengʼuuri, mbagha eriibhagha re moomake, na anchöta e tabhoori ino ekobharemokera mo‑metema gheenyu.

2 Bheetero 1:19 Referans Kwoze

Obhohunyurëru 22:16

“Eni Yesu, n‑o riitina re mutëmi Tawuti no orwibhoro rooche, wiiki nekurëngaari kinya anchöta e tabhoori. Eni neeni netomiri marayika waane ache abhabhoorere inyu abhaghëndi bhaane amangʼana ghano, gho ghiri e makanisa.”

Yohana 5:39

“Inyu moghwiköngʼi chwee ghusöma Amandëkö Amatööbhiyu gho kubha mokwihëëbha kubha moghotora kubhöna muyo obhuhöru bho miishe ghyose. Amandëkö ghayo ghayo nigho ghaghungambëra eni.

Obhohunyurëru 2:28

Wiiki eni nekomuha anchöta e tabhoori.

Yohana 5:35

Yohana Omubhatisaachi naare kinya oromore runo rohaaka na komoreka mo‑kengʼuuri, na niinyu muchömiiru no obhwero bhuyo kwo riibhagha isuuhu.

Mataayo 4:16

Abhaato bhano bhaare bhamanyiri mo‑kengʼuuri, mbarooche emirëngaari mekoro, na bhano bhamanyiri mo‑kiriiri ke roko, emirëngaari ngebharëngaariri.”

Yohana 8:12

Mbe, Yesu akëëndërëra ghosiikëra wiiki ne erikinda riire akabhugha, “Eni neeni obhwero bho se. Omooto wowoose uno aghuntambana eni, taaghughënda mo‑kengʼuuri naabha, amare naakubha no obhwero bhuno bhokomukangata mo‑bhuhöru bho miishe ghyose.”

1 Yohana 5:10

Wowoose uno akomokumi Omoona o Ryobha, nakumiri kubha obhuhëënë bhuyo m‑bho mahëënë. Amare uno ataakorekumi Eryobha, nakobhugha kubha Eryobha n‑iröngö, gho kubha tabhwisheriiri obhuhëënë bhuno Eryobha ꞉reeruusiri ighoro e Moona waache.

1 Bheetero 1:10

Abharööti bha kare ꞉mbiiköngʼiri ghwisuncha obhotoori bhuyo, nabho ꞉mbaaröötiri ighoro e ghareeya e Ryobha ino ebhahikiire inyu.

Yakobho 2:8

Mo‑Mandëkö Amatööbhiyu, ne emeghiro ghe bhutëmi bho Ryobha ngekobhugha, “Omosiighe omwatani waacho, kinya bhuno wisiighiri iye omwene.” Aribha moghuköra hangʼu, m‑bhoheene.

Amaköri gha Bhatomu 17:11

Abhaato bha hayo Bherooya mbaare abhaato bhahöriicho chwee ghokera bha Tesaronike. Hano Bhawuro abharaghaniiri angʼana e Ryobha, bhakayiishereri kwo miigha chwee. Bhaakabha bharaghiisuncha Amandëkö Amatööbhiyu chaasiko choose, kubha bharighi aribha ghayo Bhawuro akobhugha n‑gha hëënë.

Amaköri gha Bhatomu 15:29

Motarë ebhiinyakurë bhino bhiköruru kubha bheghonchu gho kuhëërana chasanaamu, na motarë amasaahë koru chaanyama che chatyenyi chino chinyëëturu, na motabha moraköra ubhutaari. Aribha mookubha moriisacha ghayo, niho mookubha muköriri bhoheene ambërë e Ryobha. Masaraamu.”

3 Yohana 1:6

Abhaato bhayo mbabhabhooriire abhaato bha riikanisa re hano ighoro e bhosiighi bhoocho. Neghoghusasaama, wëndërërë kobhatoori kinya bhuure eghuchömëri Eryobha, kubha bhëëndërërë no orughëndö roobho.

Abheebhuraaniya 2:2

Ibheere, ntweche kubha amangʼana gha meghiro ghe Ryobha ghino bhasookoro bhiito ꞉bhaasongʼaaniri gho nchëra e bhamarayika bha Ryobha ngaare no obhotoro. Mbe, abhaato bhoose bhano bhataare bharaghatambana koru ghoghasooka, Eryobha ꞉ndeebhateniire ekiina kurëngʼaana na amasari ghaabho.